លោក Andy Murray កីឡាករវាយកូនបាល់លំដាប់ទី២ ពិភពលោក ជនជាតិអង់គ្លេស សប្បាយរីករាយពេលក្លាយខ្លួនជាឪពុកក្រោយពីនាងKim Murray ជាប្រពន្ធសម្រាលបានកូនស្រី កាលពីថ្ងៃទី៩ កុម្ភៈ កន្លងមក ។
លោក Andy Murray កីឡាករវាយកូនបាល់លំដាប់ទី២ ពិភពលោក ជនជាតិអង់គ្លេស សប្បាយរីករាយពេលក្លាយខ្លួនជាឪពុកក្រោយពីនាងKim Murray ជាប្រពន្ធសម្រាលបានកូនស្រី កាលពីថ្ងៃទី៩ កុម្ភៈ កន្លងមក ។
លោក Andy Murray អាយុ២៨ឆ្នាំ បានធ្វើដំណើរមកផ្ទះភ្លាមៗក្រោយពេលចប់ការប្រកួត Grand Slam Australian Open កាលពីចុងខែកន្លងមក ដើម្បីថែទាំ និងផ្ដល់កម្លាំងចិត្តដល់ភរិយាដែលពពោះជិតសម្រាលកូនហើយជាចុងក្រោយនេះ ក៏សម្រាលបានកូនស្រីមួយដោយសុវត្ថិភាព ។
តាមប្រភពជំនិតលោកAndy Murray បានប្រកាសប្រាប់ទីភ្នាក់ងារព័ត៌មានក្នុងស្រុកថា កូនដំបូងរបស់លោកAndy និងនាងKim Murray ជាកូនស្រីមានសុខភាពល្អ និងត្រៀមចាកចេញពីមន្ទីរពេទ្យត្រឡប់ទៅផ្ទះវិញហើយ ។
លោក Andy Murray ក្រោយពេលបញ្ចប់ការថែទាំប្រពន្ធ និងកូនស្រីជាទីស្រឡាញ់របស់ខ្លួនក៏មានកម្មវិធីប្រកួតជួយចក្រភពអង់គ្លេស ដើម្បីការពារជើងឯក Davis Cup ដោយលើកដំបូងត្រូវជួបជប៉ុនក្នុងទឹកដីរបស់ខ្លួនរវាងពីថ្ងៃទី៤ដល់៦ មីនា ខាងមុខ ៕
ចែករំលែកព័តមាននេះ