ស្អែកនេះ! ប្រតិភូកីឡាប៉ារ៉ាឡាំពិកកម្ពុជានឹងមកដល់មាតុភូមិវិញហើយ
- ភ្នំពេញ
រាជធានីភ្នំពេញ ៖ ក្រុមជម្រើសជាតិប៉ារ៉ាឡាំពិកកម្ពុជាដែលបានចេញទៅប្រកួតនៅក្នុងព្រឹត្តិការណ៍ កីឡាប៉ារ៉ាឡាំពិកហ្គេមឆ្នាំ
រាជធានីភ្នំពេញ ៖ ក្រុមជម្រើសជាតិប៉ារ៉ាឡាំពិកកម្ពុជាដែលបានចេញទៅប្រកួតនៅក្នុងព្រឹត្តិការណ៍ កីឡាប៉ារ៉ាឡាំពិកហ្គេមឆ្នាំ
រាជធានីភ្នំពេញ ៖ ក្រុមជម្រើសជាតិប៉ារ៉ាឡាំពិកកម្ពុជាដែលបានចេញទៅប្រកួតនៅក្នុងព្រឹត្តិការណ៍ កីឡាប៉ារ៉ាឡាំពិកហ្គេមឆ្នាំ២០២០នៅទីក្រុងតូក្យូប្រទេសជប៉ុននឹងវិលត្រឡប់មកមាតុប្រទេសវិញនាថ្ងៃទី៨ កញ្ញា ឆ្នាំ២០២១ ស្អែកនេះហើយ ។ នេះបើតាមការឲ្យដឹងពីលោកយី សុភក្ត្រា នាយបេសកកម្មដែលបានចូលរួមក្នុងពិធីបិទព្រឹត្តិការណ៍ខាងលើកាលពីយប់ថ្ងៃទី៥ កញ្ញា ហើយនៅវេលាម៉ោង១០និង៥៥នាទីយប់ថ្ងៃទី៧ កញ្ញា (ម៉ោងនៅទីក្រុងតូក្យូ) ប្រតិភូកម្ពុជានឹងចាកចេញពីទីនោះ នឹងគ្រោងមកដល់កម្ពុជាវិញនៅវេលាម៉ោង៥និង៣០នាទីល្ងាចថ្ងៃទី៨ កញ្ញា ហើយប្រតិភូ និងក្រុមកីឡាករ នឹងធ្វើចត្តាឡីស័ក១៤ថ្ងៃតាមវិធានការរបស់ក្រសួងសុខាភិបាល ។
សូមបញ្ជាក់ថា ក្នុងព្រឹត្តិការណ៍ប៉ារ៉ាឡាំពិកហ្គេម កីឡាករវ៉ាន វ៉ុន ដែលប្រកួតផ្ដាច់ព្រ័ត្របានចំណាត់ថ្នាក់លេខ៧ ទោះកីឡាករមួយរូបនេះប្រជែងមិនបានមេដាយមែន ប៉ុន្តែគេបានបង្កើតនូវកំណត់ត្រាថ្មីដោយចម្ងាយ១០០ម៉ែត្រ ដោយប្រើថិរវេលាត្រឹមតែ១៤ៈ២១វិនាទីប៉ុណ្ណោះ ។ ចំពោះមេដាយមាសបានទៅលើកីឡាករថៃឈ្មោះ Athiwat Paeng-Nuea ដែលប្រើថិរវេលា១៣ៈ៧៦វិនាទី មេដាយប្រាក់បានទៅអតីតម្ចាស់មេដាយមាសទីក្រុងរីយ៉ូ ប្រទេសប្រេស៊ីលឆ្នាំ២០១៦ ឈ្មោះ Lao Pekka Tahti មកពីប្រទេសហ្វាំងឡង់ដោយប្រើថិរវេលា១៣ៈ៨៥វិនាទី និងមេដាយសំរិទ្ធបានទៅកីឡាករម៉ិកស៊ីកូ ឈ្មោះ Juan Pablo Garcia ដែលប្រើថិរវេលា១៣ៈ៨៧វិនាទី ។
កីឡាករវ៉ាន វ៉ុន បានបំបែកថិរវេលាចាស់របស់ខ្លួនដែលធ្វើក្នុងវគ្គជម្រុះកាល(Heat-1)ដែលធ្វើពីព្រឹកដោយប្រើថិរវេលា១៤ៈ៣៩វិនាទី ចំពោះកីឡារដែលជាប់ចំណាត់ថ្នាក់ក្រោយគេក្នុងវគ្គផ្ដាច់ព្រ័ត្រ គឺកីឡាករមកពីហូល្លង់ឈ្មោះKenny Van Weeghel ដែលធ្វើក្នុងថិរវេលា១៤ៈ៥៣វិនាទី ៕
ចែករំលែកព័តមាននេះ