រាជធានីភ្នំពេញ ៖ តាមសេចក្តីរាយការណ៍ពីអ្នកឆ្លើយឆ្លងព័ត៌មាន បានឱ្យដឹងមុននេះបន្តិចថា មានរថយន្តក្រឡុកស៊ីម៉ងត៍មួយគ្រឿងបើកចុះពីលើស្ពានព្រះមុនីវង្សចាស់សុខៗស្រាប់តែដាច់ហ្រ្វាំង
រាជធានីភ្នំពេញ ៖ តាមសេចក្តីរាយការណ៍ពីអ្នកឆ្លើយឆ្លងព័ត៌មាន បានឱ្យដឹងមុននេះបន្តិចថា មានរថយន្តក្រឡុកស៊ីម៉ងត៍មួយគ្រឿងបើកចុះពីលើស្ពានព្រះមុនីវង្សចាស់សុខៗស្រាប់តែដាច់ហ្រ្វាំង ហើយអ្នកបើកបរបួងចង្កូតបុកឡើងលើសួនច្បារក្រោមស្ពានអាកាសក្បាលថ្នល់ សំណាងល្អមិនបង្កឱ្យមានគ្រោះថ្នាក់ដល់មនុស្សណាម្នាក់ឡើយ ស្ថិតនៅសង្កាត់ទន្លេបាសាក់ ខណ្ឌចំការមន ។
តាមសាក្សីនៅកន្លែងកើតហេតុបានឱ្យដឹងនៅរសៀលថ្ងៃទី២ កុម្ភៈ មុននេះបន្តិច ថា មុនពេលកើតហេតុ គេឃើញរថយន្តក្រឡុកស៊ីម៉ងត៍ម៉ាកប៊ីហ្ស៊ុយប៊ីស៊ី ពណ៌ស ពាក់ស្លាកភ្នំពេញ5A-1002 បើកបរដោយបុរសម្នាក់ បើកចុះពីលើស្ពានព្រះមុនីវង្សចាស់ ស្រាប់តែដាច់ហ្រ្វាំង ហើយគេឃើញអ្នកបើកបរបួងចង្កូតរថយន្តបុកឡើងលើសួនច្បារក្រោមស្ពានអាកាសក្បាលថ្នល់ ទើបមិនបណ្តាលឱ្យមានមនុស្សណាម្នាក់គ្រោះថ្នាក់ក្នុងហេតុការណ៍នេះឡើយ សំណាងហើយអ្នកបើកបរមានស្មារតីរឹងមាំ បើពុំនោះទេមិនដឹងជាមានមនុស្សស្លាប់និងរបួសប៉ុន្មាននាក់នោះឡើយ ៕
ក្រោយកើតហេតុ អ្នកបើកបរបានរត់គេចខ្លួនបាត់ស្រមោល បន្សល់ទុកតែរថយន្តបង្កនៅលើសួនច្បារក្រោមស្ពានអាកាសក្បាលថ្នល់ ៕
ចែករំលែកព័តមាននេះ