ប្រសិនបើយើងនិយាយថា លំដាប់ចម្រៀងដែលល្បីល្បាញជាងគេលើលោក និងរកចំណូលបានលំដាប់់លេខ ១ នោះ អ្នកទាំងអស់គ្នាប្រាកដជា គិតថា ប្រហែល ច្ចាស់ស្ទីនប៊ីប៊័រ ឬតារាចម្រៀងប៉ុប ម៉ៃឃើល ចាកស៊ុន ហើយ តែមិនមែនដូចអ្វីដែលអ្នកបានគិតនោះទេ ហើយអាល់ប៊ុមដែលលក់ដាច់ជាងគេលើលោកនោះ ក៏មិនមែនជាចម្រៀងដែលផលិតក្នុងសម័យទំនើបដែរ ។ វាបានផលិតនៅចន្លោះឆ្នាំ ១៩៧១ ដល់ ១៩៧៥ និងបានក្លាយជាអាល់ដំបូងដែលលក់បានតម្លៃ ៣៨ លានដុល្លារអាមេរិក ។ ខាងក្រោមនេះជាប្រវត្តិ និងឈ្មោះបទចំរៀងនៅក្នុងអាល់ប៊ុមដែលលក់ដាច់ជាងគេបំផុតលើលោក ៖
Album “Their Greatest Hits” ផលិតក្នុងចន្លោះឆ្នាំ 1971-1975 ដោយ Eagles ជាប្រភេទបទចំរៀងមកពីសហរដ្ឋអាមេរិក លក់ដាច់បំផុតដែលរកចំណូលដល់ទៅ ៣៨ លានដុល្លារអាមេរិក ។ អាល់ប៊ុមនេះបានចេញលក់ដំបូងក្នុងឆ្នាំ ១៩៧៦ បន្ទាប់ពីឈានដល់លេខមួយនៅលើ Billboard 200 អាល់ប៊ុមនេះបានបន្តរហូតដល់រយៈពេល ៥ សប្តាហ៍បន្ថែមទៀត ហើយបទចម្រៀងទោលពីរពីអាល់ប៊ុម “One of That Nights” &“ Best of My Love” ក៏បានឈានដល់កំពូលតារាង Billboard Hot 100 ផងដែរ ។
អាល់ប៊ុមនេះ គឺជាអាល់ប៊ុមដំបូងដែលទទួលបានវិញ្ញាបនប័ត្រពី RIAA ផ្លាទីនៀម (the RIAA Platinum) និងត្រូវបានណែនាំឱ្យទទួលស្គាល់អាល់ប៊ុមនេះ នៅក្នុងឆ្នាំ ១៩៧៦ វាហើយចាប់ផ្តើមធ្វើការបោះពុម្ភនិងផលិតចំនួន ១ លាន កូពី ឬច្រើនជាងនេះ នៅក្នុងសហរដ្ឋអាមេរិក ។
បន្ទាប់ពីអាល់ប៊ុម Thriller របស់ Micheal Jackson ត្រូវបានកាន់កាប់តំណែងដែលលក់ដាច់បំផុតគ្រប់ពេល (មិនបានបញ្ជាក់ថា លក់ដាច់ជាង Album “Their Greatest Hits” នោះទេ) បានធ្វើឱ្យភាពល្បីល្បាញរបស់អាល់ប៊ុម “ Greatest Hits” ចាប់ផ្តើមផលិតចំណងជើងឡើងវិញ និងនៅឆ្នាំ ២០១៧ អាល់ប៊ុមនេះត្រូវបានជ្រើសរើស ដោយបណ្ណាល័យសភា ដើម្បីរក្សាទុកនៅក្នុងបញ្ជីកត់ត្រាជាតិ ។
គួរបញ្ជាក់ផងដែរថា រហូតមកដល់បច្ចុប្បន្ន អាល់ប៊ុមដ៏អស្ចារ្យបំផុតនេះ បានលក់អស់ប្រមាណជា ៣៨ លាន កូពី ហើយគឺជាអាល់ប៊ុមលក់ដាច់បំផុតគ្រប់ពេលវេលា ។ តើអ្នកបានស្តាប់ចំម្រៀងនៅក្នុងកំពូលអាល់ប៊ុមដែលលក់ដាច់ជាងគេលើលោកហើយ ឬនៅ ? ប្រសិនបើអ្នកមិនទាន់បានស្តាប់នោះទេ លោកអ្នកអាចរកបាននៅក្នុងយូធូប ដែលក្នុងអាល់ប៊ុមនេះមាន ១៥ បទចម្រៀង ៕ ប្រភព ៖ wealthygorilla
ចែករំលែកព័តមាននេះ