រាជធានីភ្នំពេញ ៖ តាមសេចក្តីរាយការណ៍ពីអាជ្ញាធរមូលដ្ឋានខណ្ឌ៧មករា នៅព្រឹកថ្ងៃទី៣០ សីហា ឆ្នាំ២០២១ ក្រុមគ្រូពេទ្យបានមកយកសំណាកប្រជាពលរដ្ឋជាលើកទី៤ ស្ថិតនៅទីតាំងខុនដូស្កាយឡាយ អគារលេខ៨៨ ផ្លូវលេខ១៣៤…
រាជធានីភ្នំពេញ ៖ តាមសេចក្តីរាយការណ៍ពីអាជ្ញាធរមូលដ្ឋានខណ្ឌ៧មករា នៅព្រឹកថ្ងៃទី៣០ សីហា ឆ្នាំ២០២១ ក្រុមគ្រូពេទ្យបានមកយកសំណាកប្រជាពលរដ្ឋជាលើកទី៤ ស្ថិតនៅទីតាំងខុនដូស្កាយឡាយ អគារលេខ៨៨ ផ្លូវលេខ១៣៤ ភូមិ២ សង្កាត់វាលវង់សរុប១៣៥នាក់ (ស្រី៦៣នាក់) ។
សម្រាប់ប្រជាពលរដ្ឋដែលបានមកធ្វើតេស្ត និងពិនិត្យយកសំណាករកមេរោគកូវីដ.១៩ទាំងអស់នោះ គ្រូពេទ្យបានឲ្យស្ថិតក្នុងការរង់ចាំ៧២ម៉ោងសិន បានដឹងលទ្ធផលវិជ្ជមាន ឬអវិជ្ជាមាន ។ ចំពោះប្រជាពលរដ្ឋដែលបានមកធ្វើសំណាកនេះ គឺមកពីភូមិ៣ ភូមិ៥ នឹងភូមិ៦ សង្កាត់មិត្តភាព ភូមិ៤ ភូមិ៥ និងភូមិ៦ សង្កាត់មនោរម្យ និងភូមិ១ ភូមិ២ ស្ថិតក្នុងសង្កាត់វាលវង់ ខណ្ឌ៧មករា ។
ក្នុងនោះ ក៏មានអាជីវករលក់ដូរនៅផ្សារសេរីភាព និងផ្សារឌុយម៉ិចដែរ ដែលលក់នៅលើកំណាត់ផ្លូវលេខ១៣៧ កែងផ្លូវលេខ១៣៤ កែងផ្លូវលេខ១៦៤ ក្នុងភូមិ២ សង្កាតវាលវង់ផងដែរ ។
ការធ្វើតេស្តយកសំណាកលើប្រជាពលរដ្ឋប្រមាណ១៣៥នាក់នោះ ត្រូវបានបញ្ចប់នៅម៉ោង១១ និង២០នាទីថ្ងៃខែដដែល បន្ទាប់
មកគ្រូពេទ្យ និងអាជ្ញាធរនៅបន្តបិទខ្ទប់ផ្ទះអ្នកវិជ្ចមានកូវីដ.១៩ ចំនួន១៣ផ្ទះ ស្ថិតក្នុងសង្កាត់មិត្តភាព៦ផ្ទះ សង្កាត់មនោរម្យ៦ផ្ទះ និងសង្កាត់វាលវង់១ផ្ទះ ដើម្បីរង់ចាំគ្រប់២១ថ្ងៃ និងធ្វើការវាយតម្លៃជាបន្ត ៕
ចែករំលែកព័តមាននេះ