ADផ្ទាំងផ្សព្វផ្សាយពាណិជ្ជកម្ម

Picture

លឿន​ម្ល៉េះ​! រថយន្ត​ស៊េរី​ទំនើប​ជួប​គ្រោះ​ខ្ទេច​មុខ​តាម​បណ្តោយ​វិ​ថី​ឯករាជ

2 ឆ្នាំ មុន
  • ព្រះសីហនុ

​គ្រោះថ្នាក់​ចរាចរណ៍​មួយ​បាន​កើតឡើង ដោយ​រថយន្ត​ស៊េរី​ទំនើប​មួយ​គ្រឿង​ម៉ាក ហេ​ន​ដ្រី​ក ( HENDRICK motor sports ) ពណ៌​លឿង​លាយ​ខ្មៅ​ពាក់​ស្លាក​លេខ ភ្នំពេញ 2BM 0024 បាន​បើក​បុក​

ខេត្ត​ព្រះ​សីហ​នុ ៖ បើ​តាម​សេចក្តីរាយការណ៍​បានឱ្យ​ដឹង​ថា មាន​គ្រោះថ្នាក់​ចរាចរណ៍​មួយ​បាន​កើតឡើង ដោយ​រថយន្ត​ស៊េរី​ទំនើប​មួយ​គ្រឿង​ម៉ាក ហេ​ន​ដ្រី​ក ( HENDRICK motor sports ) ពណ៌​លឿង​លាយ​ខ្មៅ​ពាក់​ស្លាក​លេខ ភ្នំពេញ 2BM 0024 បាន​បើក​បុក​បង្គោល​ភ្លើង​រដ្ឋ​ដាក់​បំភ្លឺ​តាម​បណ្ដោយ​ផ្លូវ​សាធារណៈ​បាន​ធ្វើ​អោយ​ខូចខាត​ពី​ខាង​មុខ​រថយន្ដ​ខ្ទេច​តែ​ម្ដង ហេតុការណ៍​នេះ​បង្ក​ឱ្យ​មានការ​ភ្ញាក់ផ្អើល​កាលពី​ម៉ោង​១២​និង​១៥​នាទី​រំលង​អធ្រាត្រ​ឈាន​ចូល​ថ្ងៃ​ទី​២៤ ខែសីហា ឆ្នាំ​២០២១ ស្ថិត​នៅ​តាម​បណ្តោយ​វិ​ថី​ឯករាជ ក្នុងភូមិ​២ សង្កាត់​លេខ​៣ ក្រុង​/​ខេត្ត​ព្រះ​សីហ​នុ​។

តាម​ប្រភព​កន្លែង​កើតហេតុ​បាន​ប្រាប់​អោយ​ដឹង​ថា មុន​ពេល​កើតហេតុ គេ​បានឃើញ​រថយន្ដ​ស៊េរី​ទំនើប​ខាងលើ បាន​បើក​ចេញ​យ៉ាង​លឿន​មក​ពី​ផ្លូវ​ថៃ​បុ​ន​រ៉ុ​ង (១១៥) លុះ​មក​ដល់​ត្រង់​ចំណុច​កើតហេតុ​បំរុង​នឹង​បត់ តែ​ប្រហែលជា​កាច់ចង្កូត​មិន​ទាន់ ក៏​ជ្រុល​ទៅ​បុក​បង្គោល​ភ្លើង​នោះ​តែ​ម្ដង បណ្ដាល​អោយ​រថយន្ត​ខ្ទេច​ខាង​មុខ​ទាំងស្រុង ។

ប្រភព​ដដែល​នេះ​បាន​បន្ត​ទៀត​ថា នៅ​ក្នុង​ឡាន​រង​គ្រោះ​ខាងលើ​គឺ​មាន​មនុស្ស​២​នាក់ ដោយ​ម្នាក់​ជា​បុរស​ជនជាតិ​បរទេស​ជា​អ្នក​បើករថយន្ដ​មិន​ស្គាល់ឈ្មោះ បាន​រង​របួសស្រាល ហើយ​ក៏​ត្រូវ​បាន​បញ្ជូន​ទៅ​មន្ទីរពេទ្យ និង​ស្ត្រី​ម្នាក់​ទៀត​មិន​ស្គាល់ឈ្មោះ ជា​ជនបរទេស​ដែរ តែ​ពុំ​មាន​រង​របួស​អ្វី​នោះ​ទេ ។

ក្រោយ​បេ​ល​ពី​កើតហេតុ មន្ត្រី​ប៉ូលិស​ចរាចរណ៍​ផ្លូវគោក ក៏​បាន​មក​ដល់​កន្លែង​កើតហេតុ រួច​សួរនាំ និង​យក​រថយន្ដ​សន្ទូច​មក​យក​រថយន្ត​រង​គ្រោះ​ខាងលើ​ទៅ​កន្លែង​ការិយាល័យ ដើម្បី​កសាង​សំណុំរឿង​ទៅ​តាម​នីតិវិធី​ច្បាប់ ។

អត្ថបទសរសេរ ដោយ

កែសម្រួលដោយ