បិទខ្ទប់តំបន់ប្រជុំជនផ្សារវាលរេញ ក្រោយរកឃើញអ្នកវិជ្ជមានជិត១០នាក់
- ព្រះសីហនុ
ខេត្តព្រះសីហនុ ៖ សមត្ថកិច្ចចំរុះគណៈបញ្ជាការឯកភាពរដ្ឋបាលស្រុកព្រៃនប់ ដឹកនាំដោយលោកព្រំ ប៊ុន្នី នាយករងរដ្ឋបាលស្រុក
ខេត្តព្រះសីហនុ ៖ សមត្ថកិច្ចចំរុះគណៈបញ្ជាការឯកភាពរដ្ឋបាលស្រុកព្រៃនប់ ដឹកនាំដោយលោកព្រំ ប៊ុន្នី នាយករងរដ្ឋបាលស្រុក
ព្រឹកថ្ងៃទី១៨ សីហា ឆ្នាំ២០២១ បានអនុវត្តវិធានការបិទខ្ទប់នៅតំបន់ប្រជុំជនផ្សារវាលរេញ ដើម្បីអោយបងប្អូនប្រជាពលរដ្ឋ ជាពិសេសអាជីវករផ្សារវាលរេញ ទៅយកសំណាករកកូវីដ-១៩នៅក្នុងបរិវេនសាលាស្រុកព្រៃនប់ ។
ក្រោយអនុវត្តន៍វិធានការខាងលើនេះ ក្នុងចំណោមមនុស្សចំនួន១.៣៥៦នាក់ដែលអាជ្ញាធរណែនាំឱ្យទៅធ្វើតេស្ត ជាលទ្ធផលរកឃើញអ្នកវិជ្ជមានកូវីដ១៩ ចំនួន៧នាក់ (ស្រី៥នាក់) ក្នុងនោះក៏មានក្មេងប្រុសម្នាក់ផងដែរ ។
អ្នកវិជ្ជមានទាំង៧នាក់ខាងលើរួមមាន ១-ឈ្មោះឃឿន វិច្ឆិកា ភេទប្រុស អាយុ១១ឆ្នាំ មានទីលំនៅភូមិអង្គតាងិល ឃុំពូស ស្រុកត្រាំកក់ ខេត្តតាកែវ ២-ឈ្មោះជា សៀវហ័រ ភេទស្រី អាយុ៤២ឆ្នាំ មានទីលំនៅភូមិវាលមាស ឃុំវាលរេញ ស្រុកព្រៃនប់ ៣-ឈ្មោះលឹម សុខុម ភេទស្រី អាយុ៣៨ឆ្នាំ មានទីលំនៅនៅភូមិវាលមាស ឃុំវាលរេញ ស្រុកព្រៃនប់ ៤-ឈ្មោះរី ប្រុស ភេទប្រុស អាយុ១៩ឆ្នាំ មានទីលំនៅភូមិបឹងជុំ ឃុំបឹងតាព្រហ្ម ស្រុកព្រៃនប់ ៥-ឈ្មោះឈុន សឺយ ភេទស្រី អាយុ២៩ឆ្នាំ មានទីលំនៅនៅភូមិជើងគោ ឃុំជើងគោ ស្រុកព្រៃនប់ ៦-ឈ្មោះមាស ប៉ិច ភេទស្រី អាយុ៥១ឆ្នាំ មានទីលំនៅនៅភូមិវាលមាស ឃុំវាលរេញ ស្រុកព្រៃនប់ និង៧-ឈ្មោះរ៉េន ស្រីស ភេទស្រី អាយុ១៧ឆ្នាំ មានទីលំនៅនៅភូមិ២ សង្កាត់៤ ក្រុងព្រះសីហនុ ខេត្តព្រះសីហនុ។
ជាមួយគ្នានេះដែរ អាជ្ញាអំពាវនាវដល់បងប្អូនប្រជាពលរដ្ឋដែលបានប្រាស្រ័យទាក់ទងដោយផ្ទាល់ជាមួយអ្នកវិជ្ជមានខាងលើ សូមរាយកាណ៍មកអាជ្ញាធរមូលដ្ឋានជាបន្ទាន់ និងប្រញាប់រួសរាន់ទៅផ្តល់វត្ថុសំណាកនៅវេទិកា៧មករា រៀងរាល់ម៉ោងធ្វើការ រួមទាំងថ្ងៃឈប់សម្រាក និងត្រូវធ្វើចត្តាឡីស័កនៅលំនៅឋានរបស់ខ្លួនឲ្យបានត្រឹមត្រូវក្នុងរយៈពេល១៤ថ្ងៃ ៕
ចែករំលែកព័តមាននេះ