ខ្នើយដំបូងដែលយើងស្គាល់ពីកាលជំនាន់មុន គឺធ្វើពីថ្ម ហើយមានតែអ្នកមានប៉ុណ្ណោះដែលអាចមានលទ្ធភាពទិញយកមកប្រើបាន។ មិនដូចខ្នើយថ្មបុរាណទេ ខ្នើយដែលយើងប្រើសព្វថ្ងៃគឺទន់ ហើយមនុស្សជាច្រើនមិនអាចគេងលក់ដោយមិនប្រើខ្នើយបានទេ។ ប៉ុន្តែការពិត ការគេងប្រើខ្នើយអាចមិនមែនជាវិធីល្អបំផុតដើម្បីសម្រាកនោះទេ ព្រោះវាអាចប៉ះពាល់ដល់រាងកាយនិងអារម្មណ៍របស់អ្នក។ តើនឹងមានអ្វីកើតឡើង ប្រសិនបើអ្នកគេងមិនប្រើខ្នើយ?
១. ជួយការពារការឈឺក្បាល
ប្រសិនបើអ្នកកំពុងមានបញ្ហាភ្ញាក់ហើយឈឺក្បាលឬមានអារម្មណ៍ថាឈឺក្បាល ខ្នើយរបស់អ្នកអាចជាមូលហេតុ។ ខ្នើយដែលខ្ពស់ពេកបណ្តាលឱ្យក្បាលនិងករបស់អ្នករំកិលខុសកន្លែង ដែលនេះគឺបង្កជាភាពតានតឹងដល់សាច់ដុំក។ វាធ្វើឱ្យអ្នកឈឺក្បាលនៅពេលព្រឹក។
២. ជួយការពារការឈឺខ្នង
ខ្នើយជាច្រើនអាចនាំឱ្យមានទីតាំងគេងខុសពីធម្មជាតិ ហើយវាមិនអាចទប់ករបស់យើងឱ្យស្រួលនោះទេ។ ទោះបីជាខ្នើយនឹងមិនធ្វើឱ្យខ្នងរបស់អ្នកឈឺក៏ដោយ ក៏វាអាចធ្វើឱ្យបញ្ហាឈឺខ្នងកាន់តែធ្ងន់ធ្ងរទៅៗ។ នៅពេលអ្នកគេងដោយគ្មានខ្នើយ ឆ្អឹងខ្នងរបស់អ្នកអាចសម្រាកបាន ហើយរាងកាយរបស់អ្នកស្ថិតនៅក្នុងស្ថានភាពធម្មជាតិ។
៣. បន្ថយកម្រិតស្រ្តេស
ប្រសិនបើខ្នើយរបស់អ្នកធ្វើឱ្យអ្នកមិនស្រួលនៅពេលយប់ អ្នកអាចនឹងក្រោកមកជាមួយនឹងការស្រ្តេស។ ការរំខាននៃការគេងកាន់តែច្រើនអ្នកមានពេលវេលាតិចសម្រាប់រាងកាយរបស់អ្នកសម្រាប់មុខងារសំខាន់ៗជាច្រើន។ ការគេងមិនលក់ជាប្រចាំ អាចប៉ះពាល់ដល់អារម្មណ៍និងជំនាញនៃការគិតរបស់អ្នក ហើយនឹងបណ្តាលឱ្យរាងកាយរបស់អ្នកបញ្ចេញអ័រម៉ូនស្ត្រេសច្រើននៅពេលថ្ងៃ៕
ចែករំលែកព័តមាននេះ