កីឡាករ Radamel Falcao ខ្សែប្រយុទ្ធក្រុមជម្រើសជាតិកូឡុំប៊ី ត្រូវស្ថិតក្នុងក្លិបChelseaបន្តរហូតចប់កុងត្រាក្នុងរដូវកាលនេះ ក្រោយពីក្លិបMonacoមិនព្រមទទួលយកវិញដោយសារកីឡាកររូបនេះរងរបួសសម្រាករយៈពេលយូរ ។
លោក Jose Mourinhoបានខ្ចីកីឡាករFalcaoមកប្រើប្រាស់ កាលពីរដូវកាលកន្លងមក ប៉ុន្តែបច្ចុប្បន្នខ្សែប្រយុទ្ធអាយុ២៩ឆ្នាំរូបនេះបានរងរបួសមិនបានចូលលេងតាំងពីខែតុលា ឆ្នាំ២០១៥ ធ្វើឱ្យChelseaត្រៀមបញ្ជូនទៅក្លិបដើមវិញក្នុងអំឡុងពេលបើកទីផ្សារនាខែមករានេះ ។ លោក Vadim Vasilye អនុប្រធានក្លិប Monaco និយាយថា បច្ចុប្បន្នFalcao រងរបួសត្រូវសម្រាកពី៦ទៅ៨សប្ដាហ៍ ដូច្នេះយើងមិនព្រមទទួលយករូបគេវិញទេក្នុងពេលនេះ ៕
ចែករំលែកព័តមាននេះ