ក្រុមគ្រូពេទ្យបានរកឃើញវិជ្ជមានកូវីដ១៩ មួយគ្រួសារចំនួនមនុស្ស៤នាក់ កាលពីវេលាម៉ោងប្រមាណ៩និង២០នាទីព្រឹក ថ្ងៃទី០៨ ខែសីហា ឆ្នាំ២០២១ ខណៈពេលដែលចុះទៅយកសំណាកធ្វើតេស្តនៅផ្ទះជួលមួយកន្លែង ស្ថិតនៅ
រាជធានីភ្នំពេញ ៖ ក្រុមគ្រូពេទ្យបានរកឃើញវិជ្ជមានកូវីដ១៩ មួយគ្រួសារចំនួនមនុស្ស៤នាក់ កាលពីវេលាម៉ោងប្រមាណ៩និង២០នាទីព្រឹក ថ្ងៃទី០៨ ខែសីហា ឆ្នាំ២០២១ ខណៈពេលដែលចុះទៅយកសំណាកធ្វើតេស្តនៅផ្ទះជួលមួយកន្លែង ស្ថិតនៅផ្ទះលេខ៣៤ ផ្លូវ៦៨R ក្នុងភូមិទួលសំពៅ សង្កាត់ទួលសង្កែ១ ខណ្ឌឬស្សីកែវ រាជធានីភ្នំពេញ។
បើតាមអាជ្ញាធរបានអោយដឹងថា ផ្ទះជួលខាងលើនេះ បានផ្ទុះនូវវិជ្ជមានកូវីដ១៩ កាលពី៤ថ្ងៃមុន បន្ទាប់ពីបុគ្គលិកធានាគារ ABA សាខាវិមានឯករាជម្នាក់ រួមទាំងអ្នកស្នាក់នៅបន្ទប់ជាមួយគ្នាចំនួន៤នាក់បានទៅយកសំណាកធ្វើតេស្តនៅមជ្ឍមណ្ឌលម៉ូឌែន៥ ក៏រកឃើញមានវិជ្ជមានកូវីដចំនួន៣នាក់ ហើយត្រូវបានក្រុមគ្រូពេទ្យបញ្ជូនទៅសម្រាកព្យាបាលនៅមណ្ឌលកោះពេជ្រ ។ ការរកឃើញវិជ្ជមានកូវីដនោះ សង្ស័យឆ្លងតាមរយៈបុគ្គលិកធានាគារ ABA រូបនោះ។
តាមម្ចាស់ជួលរូបនោះបានអោយដឹងទៀតថា ដើម្បីទប់ស្កាត់ការរីករាលដាល ក្រុមគ្រូពេទ្យក៏បានបន្តចុះទៅយកសំណាកធ្វើតេស្តអ្នកពាក់ពន្ធដោយផ្ទាល់ និងដោយប្រយោល សម្រាប់អ្នកស្នាក់នៅក្នុងផ្ទះជួលទាំងអស់នៅក្នុងថ្ងៃនេះ ។ ជាលទ្ធល ត្រូវបានក្រុមគ្រូពេទ្យរកឃើញថា មានវិជ្ជមានចំនួន៤នាក់ គឺមួយគ្រួសារ (ក្នុងនោះប្រុស២នាក់ និងស្រី២នាក់) តែម្តង ។ ហើយក្នុងចំណោមអ្នកធ្វើតេស្តនៅក្នុងបន្ទប់ផ្ទះជួលទាំងអស់គឺចំនួន១៧នាក់។
តាមប្រភពព័ត៌មានបានអោយដឹងទៀតថា បន្ទាប់ពីរកឃើញវិជ្ជមានបន្ទប់ផ្ទះជួលខាងលើ រួមទាំងបន្ទប់នៅក្បែរនោះ ត្រូវបានអាជ្ញាធរបិទខ្ទប់ ដើម្បីធ្វើចត្តាឡីស័ករយៈពេលចំនួន១៤ថ្ងៃ ។
ទោះបីជាយ៉ាងណា គេពុំទាន់ដឹងថា អ្នកវិជ្ជមានកូវីដ១៩ទាំងនោះ ជាមេរោគបំលែងថ្មី ដែលតា ឬយ៉ាងណានោះទេ? តែបើតាមបងម្ចាស់ផ្ទះជួល ដែលបានចាត់ចែងក្នុងការយកសំណាកនោះ បានអះអាងថា «ជាជំងឺកូវីដ១៩ ធម្មតានោះទេ» ៕
ចែករំលែកព័តមាននេះ