មេធាវីជូង ជូងី ៖ ទោះមិនបានសិទ្ធធ្វើនយោបាយពេលនេះ តែលោកមិនបោះបង់ឡើយ
- ភ្នំពេញ
រាជធានីភ្នំពេញ ៖ អស់រយៈពេលជាង ២ ខែមកហើយ ដែលលោក ជួង ជូងី មេធាវីរបស់អតីតបក្សប្រឆាំងបានដាក់សំណើរសុំសិទ្ធិធ្វើយោបាយវិញ តែហាក់គ្មានសញ្ញាវិជ្ជមានថា…
រាជធានីភ្នំពេញ ៖ អស់រយៈពេលជាង ២ ខែមកហើយ ដែលលោក ជួង ជូងី មេធាវីរបស់អតីតបក្សប្រឆាំងបានដាក់សំណើរសុំសិទ្ធិធ្វើយោបាយវិញ តែហាក់គ្មានសញ្ញាវិជ្ជមានថា…
រាជធានីភ្នំពេញ ៖ អស់រយៈពេលជាង ២ ខែមកហើយ ដែលលោក ជួង ជូងី មេធាវីរបស់អតីតបក្សប្រឆាំងបានដាក់សំណើរសុំសិទ្ធិធ្វើយោបាយវិញ តែហាក់គ្មានសញ្ញាវិជ្ជមានថា លោកនឹងទទួលបានសិទ្ធធ្វើនយោបាយឆាប់ៗនេះទេ ដោយសារតែលោកនៅជាប់រឿងក្តីក្តាំងនៅតុលាការសាលាដំបូងរាជធានីភ្នំពេញ ។
យ៉ាងណាមិញ ថ្លែងប្រាប់សារព័ត៌មានកោះសន្តិភាព លោក ជួង ជូងី បានឱ្យដឹងថាលោកមិនអស់សង្ឃឹមនោះទេ ព្រោះបើសិនជាលោកមិនទទួលបានសិទ្ធធ្វើនយោបាយពេលនេះ ក៏លោកនឹងរង់ចាំរហូតផុតការកំណត់របស់សាលក្រមតុលាការកំពូល ពេលនោះលោកនឹងធ្វើនយោបាយឡើងវិញ ។
លោក ជួង ជូងី បានដាក់សំណើសុំទៅក្រសួងមហាផ្ទៃតាំងពីថ្ងៃទី២៤ ខែមិថុនា ឆ្នាំ២០២១ រហូតមកដល់ពេលនេះ នៅមិនទាន់បានទទួលការឆ្លើយតបពីក្រសួងមហាផ្ទៃឡើង។ នេះបើតាមការបញ្ជាក់របស់មេធាវីរូបនេះ ។ តែយ៉ាងណាមិញ លោកខៀវ សុភ័គ អ្នកនាំពាក្យក្រសួងមហាផ្ទៃ ធ្លាប់បានថ្លែងប្រាប់អ្នកសារព័ត៌មានថា ករណីលោកជួង ជូងី គឺមិនទាន់អាចផ្តល់សិទ្ធនយោបាយឡើងវិញ ក៏ព្រោះតែលោក ជួង ជូងី នៅមានរឿងក្តីក្តាំនៅតុលាការសាលាដំបូងរាជធានីភ្នំពេញនៅឡើយ ។
លោក ជូង ជូងី បានលើកឡើងថា ការមិនផ្តល់សិទ្ធិធ្វើយោបាយ មិនបានធ្វើឱ្យលោកមានការប្រឈម និងអស់ថវិកាអ្វីនោះទេ ហើយលោកក៏គិតថាលោកមិនអាចទទួលបានសិទ្ធធ្វើនយោយបាយឆាប់ដែរ ។ ការមិនសង្ឃឹមនេះ គឺក្រោយពីលោកទទួលបានព៏ត៌មានអំពីការប្រកាសរបស់ សម្តេចតេជោ ហ៊ុនសែន នាយករដ្ឋមន្ត្រី ធ្វើឡើងកាលពីពេលថ្មីៗនេះថា មិនផ្តល់សិទ្ធិនយោបាយដល់អតីតមន្ត្រីគណបក្សប្រឆាំងណាដែលមានបំណងសុំសិទ្ធិធ្វើនយោបាយហើយចង់ផ្តួលរំលំរដ្ឋាភិបាលនោះទេ។
លោកជូង ជូងី បានបញ្ជាក់ថា «ខ្ញុំបានដាក់ពាក្យសុំសិទ្ធិធ្វើនយោបាយតាំងពីថ្ងៃទី២៤ខែមិថុនាទៅក្រសួងមហាផ្ទៃរួច ហើយ ហើយរហូតមកដល់ពេលនេះ អត់មានចម្លើយតបពីក្រសួង មហាផ្ទៃនោះទេ ប៉ុន្ទែគ្រាន់តែខ្ញុំឃើញតាមបណ្តាញសង្គមថាសម្តេចនាយករដ្ឋមន្ត្រីមិន អនុញ្ញាតឲ្យលោកធ្វើនយោបាយទេ»។
សូមរម្លឹកថា សម្តេចតេជោ កាលពី ថ្ងៃទី០១ ខែសីហា ឆ្នាំ២០២១នេះ បានប្រកាសរឹតបន្តឹងលើការស្នើសុំនីតិសម្បទា ធ្វើនយោបាយរបស់អតីតថ្នាក់ដឹកនាំ នៃអតីតគណបក្សសង្គ្រោះជាតិ មួយចំនួនទៀត ដែលជាប់បម្រាមតុលាការ ដោយសម្តេចបញ្ជាក់ថា ចាប់ពីពេលនេះតទៅ សំណើរបស់អ្នកទាំងនោះ នឹងត្រូវទុកពេលពិចារណាមួយរយៈសិន។ ក្នុងនោះ សម្តេចតេជោ ក៏បានរំលឹកអំពីការបដិសេធមិនស្នើផ្តល់សិទ្ធិធ្វើនយោបាយជូនដល់ អតីតសមាជិកជាន់ខ្ពស់ នៃអតីតគណបក្សសង្គ្រោះជាតិ២រូប នោះគឺ លោក ជួង ជូងី និង លោក ញ៉ឹម គឹមញ៉ុល។ សម្តេចតេជោ បានថ្លែងនាពេលនោះថា «ចាប់ពីពេលនេះទៅ ត្រូវពិនិត្យសិន បើមិនអញ្ចឹងទេ ត្រូវចាំដល់ខែ១១ ឆ្នាំ២០២២ អាហ្នឹងរួចផុតពីផ្លូវច្បាប់ហើយ ចង់ធ្វើអីធ្វើទៅ»។
ទាក់ទិននឹងការរឹតបន្តឹងក្នុងការផ្តល់សិទ្ធិនយោបាយនយោបាយដល់អតីតមេដឹកនាំគណបក្សប្រឆាំងនេះផងដែរ លោកមេធាវីជូង ជូងី លើកឡើងថា «នេះជាសិទ្ធិរបស់សម្តេច! សម្តេចចង់ឲ្យអ្នកធ្វើអ្នកនោះបានធ្វើ ហើយសម្តេច មិនចង់ឲ្យ អ្នកធ្វើអ្នកនោះអត់!»។ លោកបន្តថា ការមិនទាន់បានសិទ្ធធ្វើនយោបាយឡើងវិញ លោកមិនខាតបង់អ្វីនោះទេ តែ អ្នកខាតគឺសង្គម ពីព្រោះថាអ្នកនយោបាយលះបង់ទាំងពេលវេលា និងគំនិត និងការប្រឈមនានា និងថវិកាផងដែរ ។
យ៉ាងណាមិញ លោកអះអាងថា «ប៉ុន្តែខ្ញុំមិនបោះបង់សុំសិទ្ធិធ្វើនយោបាយនោះទេ តែរងចាំផុតការកំណត់សាលាក្រមតុលាការ កំពូលលោកនឹងធ្វើនយោបាយឡើងវិញ» ។ ទោះបីជាប្រកាសធ្វើនយោបាយនៅក្រោយពេលច្បាប់បានអនុញ្ញាតអាចធ្វើយោបាយឡើងវិញយ៉ាងណាក្តីលោកមេធាវី ជូង ជូងីមិនទាន់បានបញ្ជាក់លោកនឹងចូលធ្វើនយោបាយ ជាមួយគណបក្សនយោបាយណាមួយទេ ដោយសារគណបក្សប្រឆាំងត្រូវបានរំលាយហើយ ពេលអតីតមន្ត្រីគណបក្សប្រឆាំងបានបង្កើតមានចំនួនច្រើន។ លោកថា៖«ខ្ញុំមិនទាន់គិតថាទៅជាមួយក្រុមគណបក្សនយោបាយនោះទេ ពីព្រោះថាពេលនេះយើងមិនទាន់បានទួលសិទ្ធិធ្វើនយោបាយនោះទេ។ តែពេលយើងមាន សិទ្ធិធ្វើនយោបាយនោះយើងពិចារណាទៅក្រុមណា ។ តែពេលនេះយើងមិនទាន់ពិចារណា ទៅក្រុមណានោះទេ» ។
គួរបញ្ជាក់ផងដែរ លោក ជួង ជូងី ត្រូវតុលាការកំពូលកាត់ទោសមិនឱ្យធ្វើនយោបាយរយៈពេល៥ឆ្នាំ ជាមួយនឹងអតីតថ្នាក់ដឹកនាំអតីតគណបក្សសង្គ្រោះជាតិ ចំនួន ១១៨នាក់ ក្រោយរំលាយគណបក្សសង្គ្រោះជាតិ បានដាក់សំណើទៅកាន់ក្រសួងមហាផ្ទះកាលពីខែមិថុនា ឆ្នាំ២០២១ ដើម្បីស្នើសុំនីតិសម្បទានយោបាយឡើយវិញ ៕
ចែករំលែកព័តមាននេះ