ធ្លាក់យន្តហោះមួយនៅម៉ិចស៊ិកស្លា.ប់១០នាក់
ប្រទេសម៉ិចស៊ិក ៖ យន្តហោះទេសចរណ៍មួយគ្រឿងធុនCESSNA ដែលមានមនុស្សជិះ១០នាក់ បានធ្លាក់កាលពីថ្ងៃទី១៥ធ្នូ នៅម៉ិចស៊ិក ។ ក្រុមអ្នកជួយសង្គ្រោះគូសបញ្ជាក់នាថ្ងៃទី១៦ ធ្នូ ថា…
ប្រទេសម៉ិចស៊ិក ៖ យន្តហោះទេសចរណ៍មួយគ្រឿងធុនCESSNA ដែលមានមនុស្សជិះ១០នាក់ បានធ្លាក់កាលពីថ្ងៃទី១៥ធ្នូ នៅម៉ិចស៊ិក ។ ក្រុមអ្នកជួយសង្គ្រោះគូសបញ្ជាក់នាថ្ងៃទី១៦ ធ្នូ ថា ពុំមានអ្នកនៅរស់រានមានជីវិតណាម្នាក់ត្រូវបានរកឃើញក្នុងបំណែកយន្តហោះឡើយ ។
យន្តហោះធុនCESSNAនោះ បានធ្លាក់នាវេលាថ្ងៃត្រង់ក្នុងតំបន់ឧស្សាហកម្មមួយ មុនពេលហោះជិតដល់ព្រលានយន្តហោះទីក្រុងTOLUCA ស្ថិតនៅចម្ងាយ៥០គីឡូម៉ែត្រពីរដ្ឋធានីម៉ិចស៊ិចកូ ។ អ្នកជួយសង្គ្រោះម្នាក់នៃកាកបាទក្រហមមូលដ្ឋានថ្លែងថា ពុំមានអ្នកនៅរស់រានមានជីវិតណាម្នាក់ត្រូវបានរកឃើញឡើយ ក្នុងបំណែកយន្តហោះ ដែលត្រូវលេបត្របាក់ទាំងស្រុងដោយអណ្ដាតភ្លើង។
ខាងផ្នែកអាកាសចរណ៍ស៊ីវិលម៉ិចស៊ិកគូសបញ្ជាក់ថា យន្តហោះនោះបានហោះចេញពីទីក្រុងកម្សាន្តមាត់សមុទ្រអាកាពុលកូ ជាមួយសមាជិកក្រុមយានិក២នាក់និងអ្នកដំណើរ៨នាក់ ក្នុងនោះមានកុមារ៣នាក់មានអាយុ២ឆ្នាំ ៤ឆ្នាំនិង៩ឆ្នាំ។ ក្នុងសារឆ្លើយឆ្លងគ្នាមួយតាមវិទ្យុទាក់ទង ផ្សាយដោយភ្នាក់ងារសង្គ្រោះ អ្នកបើកយន្តហោះម្នាក់បានទាក់ទងមកថា យន្តហោះយើងនឹងធ្លាក់ហើយ។ ការស៊ើបអង្កេតមួយត្រូវបានបើកធ្វើរកមូលហេតុនៃការធ្លាក់យន្តហោះនេះ៕
ចែករំលែកព័តមាននេះ