ខេត្តកំពត ៖ អាជ្ញាធរស្រុកកំពង់ត្រាច ក្នុងនោះ មានមន្ត្រីនគរបាលសហការជាមួយមន្ត្រីកងរាជអាវុធហត្ថ មន្ត្រីសាលាស្រុកកំពង់ត្រាច រួមទាំងក្រុមប្រឹក្សាឃុំអង្គសូរភី កាលពីព្រឹកថ្ងៃទី០៦ សីហា នេះ…
ខេត្តកំពត ៖ អាជ្ញាធរស្រុកកំពង់ត្រាច ក្នុងនោះ មានមន្ត្រីនគរបាលសហការជាមួយមន្ត្រីកងរាជអាវុធហត្ថ មន្ត្រីសាលាស្រុកកំពង់ត្រាច រួមទាំងក្រុមប្រឹក្សាឃុំអង្គសូរភី កាលពីព្រឹកថ្ងៃទី០៦ សីហា នេះ បានចុះមកពិនិត្យតាមការជាក់ស្ដែង ផ្លូវលំមួយខ្សែនៅភូមិដើមពោធិ៍ ឃុំអង្គសូរភី ស្រុកកំពង់ត្រាច ខេត្តកំពត ។
ប៉ុន្តែការចុះទៅពិនិត្យមើលផ្លូវលំ នេះធ្វឡើងក្រោយពីមានការអះអាងពីប្រជាពលរដ្ឋថា បុគ្គល ឈ្មោះនួន វ៉ាន់នី ភេទប្រុស អាយុ៤៧ឆាំ្ន នៅភូមិដើមពោធិ៍បានជួលរថយន្តដឹកដីក្រួសយកមកចាក់ជាពុំនូក និងបិទដោយសំណាញ់លួសមិនអោយប្រជាពលរដ្ឋជាង20គ្រួសារ ដើរឆ្លងកាត់ផ្លូវពីដូនតានោះទេ ។
បើយោងតាមការអោយដឹងពីប្រជាពលរដ្ឋនិយាយប្រាប់អោយដឹងថា ផ្លូវដើរនេះគឺការពិតដើរតាមភ្លឺប្រឡាយទឹក ដែលប្រជាពលរដ្ឋបានដើរចេញចូលជាយូរឆាំ្នហើយ ។ ហើយលោកមេឃុំអាណត្តិមុនៗ ក៏បោះបង្គោលរួចជាស្រេច ហើយដែរ ដោយកំណត់ផ្លូវសម្រាប់ពលរដ្ឋដើរនិងដីភូមិ។
ប៉ុន្តែកាលពីពេលថ្មីៗនេះ ត្រូវបាន ឈ្មោះនួន វ៉ាន់នី អះអាងថាជាម្ចាស់ដីបានចាក់ដីធ្វើលំនៅឋាន ហើយចាប់ចាក់បិទផ្លូវដែល
ពលរដ្ឋដើរឆ្លងកាត់តែម្ដង ធ្វើអោយពលរដ្ឋនៅភូមិដើមពោធិ៍ខឹងសម្បារ រហូតដល់អាជ្ញាធរស្រុកកំពង់ត្រាច ចុះមកពិនិត្យនិងដោះស្រាយ។ ខណៈពេលអាជ្ញាធរចុះដោះស្រាយនោះ ខាងម្ចាស់ដីមិនបាននៅផ្ទះទេ ជាប់ទៅភ្នំពេញ ។ តែម្ចាស់ដីឈ្មោះ នួន វ៉ាន់នី បាននិយាយតាមទូរសព្ទ័ប្រាប់អាជ្ញាធរថា ដីកំពុងមានបញ្ហានឹងពលរដ្ឋ ដែលគ្រោងនឹងចាក់ គឺដីភូមិរបស់ខ្លួន និងមានប្លង់ត្រឹមត្រូវ ហើយលោកប្រធានការិយាល័យរៀបចំដែនដីស្រុកក៏បានពិនិត្យដែរ។
យ៉ាងណាមិញ លោក ជួនសុភា អភិបាលរងស្រុកកំពង់ត្រាច បានធ្វើការសម្របសម្រួលជាមួយម្ចាស់ដីនិងប្រជាពលរដ្ឋប្រមាណជា២០គ្រួសារ ។លោកអភិបាលរងរូបនេះតម្រូវអោយកាយដីចេញពីផ្លូវនេះសិន សំខាន់គឺអោយប្រជាពលរដ្ឋមានផ្លូវឆ្លងកាត់ ។ លោកជួន សុភាអភិបាលរងស្រុក ទាមទាអោយម្ចាស់ដីយកប្លង់របស់ខ្លួនទៅអោយជំនាញពិនិត្យមើលដីក្នុងប្លង់ ហើយបើពិនិត្យឃើញថា ផ្លូវដើរនោះ នៅក្នុងប្លង់ដីម្ចាស់ឈ្មោះវ៉ាន់ នី គឺជារឿងផ្សេង ព្រោះបើមើលតាមផែនទីមានប្រឡាយតូចមួយសម្រាប់ពលរដ្ឋដើរចេញចូលប៉ុន្តែប្រឡាយនោះ ត្រូវបានគេចាក់ដីធ្វើជាភូមិរួចទៅហើយ ។
ចែករំលែកព័តមាននេះ