ផ្លូវការ! Man City យកបាន Jack Grealish ជាមួយតម្លៃកំណត់ត្រា
អង់គ្លេស ៖ ក្លិបមេឃខៀវ Manchester City បានបញ្ចប់ការផ្ទេរលើខ្សែប្រយុទ្ធឆ្នើម Jack Grealish ពីក្លិប Atson Villa ជាផ្លូវការ
អង់គ្លេស ៖ ក្លិបមេឃខៀវ Manchester City បានបញ្ចប់ការផ្ទេរលើខ្សែប្រយុទ្ធឆ្នើម Jack Grealish ពីក្លិប Atson Villa ជាផ្លូវការ
អង់គ្លេស ៖ ក្លិបមេឃខៀវ Manchester City បានបញ្ចប់ការផ្ទេរលើខ្សែបម្រើប្រយុទ្ធឆ្នើម Jack Grealish ពីក្លិប Atson Villa ជាផ្លូវការហើយ នៅក្នុងតម្លៃ១០០លានផោន ស្មើនឹង១៣៩លានដុល្លារ ដើម្បីយកមកជំនួសតំណែង Sergio Aguero។
ខ្សែបម្រើប្រយុទ្ធឆ្នើមអង់គ្លេស Jack Grealish វ័យ២៥ឆ្នាំ ចូលរួមជាមួយម្ចាស់ជើងឯកក្របខណ្ឌ Premier League មួយនេះ ជាមួយកិច្ចសន្យារយៈពេល៦ឆ្នាំ ហើយរូបគេនឹងពាក់អាវលេង១០ ជាលេខចាស់របស់ខ្សែប្រយុទ្ធអាហ្សង់ទីន Sergio Agüero ផ្ទាល់តែម្តង។
ការផ្ទេរនេះបានធ្វើឱ្យ Jack Grealish ក្លាយជាកីឡាករអង់គ្លេសមានតម្លៃខ្លួនថ្លៃបំផុតក្នុងប្រវត្តិសាស្ត្រ និងជាកីឡាករថ្លៃបំផុតលំដាប់ទី៦ នៅលើពិភពលោក។
ក្រោយសម្រេចការផ្ទេរជាផ្លូវការ Grealish បានថ្លែងថា «Man City គឺជាក្រុមល្អបំផុតនៅអង់គ្លេស ដោយមានអ្នកចាត់ការទូទៅដែលត្រូវចាត់ទុកថា ល្អបំផុតលើពិភពលោក។ សុបិនបានក្លាយជាការពិតហើយ ដើម្បីក្លាយជាផ្នែកមួយនៃក្លិបមួយនេះ»។
សូមជម្រាបជូនថា Grealish បានចូលរួមហ្វឹកហាត់សាលាថ្នាលរបស់ក្លិប Atson Villa នៅឆ្នាំ ២០០១ មុនបង្ហាញខ្លួនជាផ្លូវការក្នុងនាមជាកីឡាករអាជីពនៅឆ្នាំ ២០១៣ ដោយបង្ហាញខ្លួនចំនួន ២១៣ប្រកួត ស៊ុតបញ្ចូលទី៣២គ្រាប់៕ (ដកស្រង់ចេញពី BBC)
ចែករំលែកព័តមាននេះ