កូវីដ នៅស្វាយរៀង ឆ្លងចូលធនាគារ និងមីក្រូហិរញ្ញវត្ថុ ៥
- ស្វាយរៀង
ខេត្តស្វាយរៀង៖ នៅថ្ងៃទី៥ ខែសីហា ឆ្នាំ២០២១ នេះ រដ្ឋបាលខេត្តស្វាយរៀង បានប្រកាសនូវអត្តសញ្ញាណអ្នកវិជ្ជមានកូវីដ១៩ ថ្មី ចំនួន ៦២នាក់…
ខេត្តស្វាយរៀង៖ នៅថ្ងៃទី៥ ខែសីហា ឆ្នាំ២០២១ នេះ រដ្ឋបាលខេត្តស្វាយរៀង បានប្រកាសនូវអត្តសញ្ញាណអ្នកវិជ្ជមានកូវីដ១៩ ថ្មី ចំនួន ៦២នាក់…
ខេត្តស្វាយរៀង៖ នៅថ្ងៃទី៥ ខែសីហា ឆ្នាំ២០២១ នេះ រដ្ឋបាលខេត្តស្វាយរៀង បានប្រកាសនូវអត្តសញ្ញាណអ្នកវិជ្ជមានកូវីដ១៩ ថ្មី ចំនួន ៦២នាក់ (ស្រី ៣៩នាក់)។ ក្នុងនោះ មានកម្មករចំនួន ១០នាក់ ករណីឆ្លងលើអ្នកប៉ះពាល់ផ្ទាល់ជាមួយអ្នកកូវីដ១៩ ចំនួន ០៨នាក់ លើអ្នកមានការសង្ស័យ ១៦នាក់ ករណីអ្នកចំណាកស្រុកធ្វើដំណើរចូលមកក្នុងខេត្ត ធ្វើចត្តាឡីស័ក ចំនួន ២៦នាក់។ ក្នុងនោះ មានបុគ្គលិកធនាគារ និងគ្រឹះស្ថានមីក្រូហិរញ្ញវត្ថុ ៥កន្លែង នៅខេត្តស្វាយរៀង បានឆ្លងកូវីដ រួមមាន៖ ធនាគារ ABA ធនាគារស្ថាបនា ធនាគារប្រៃសណីយ៍ គ្រឹះស្ថានមីក្រូហិរញ្ញវត្ថុអម្រឹត និងគ្រឹះស្ថានមីក្រូហិរញ្ញវត្ថុ WB Finance។
ចំពោះអ្នកវិជ្ជមានកូវីដ១៩ ចំនួន ៦២នាក់ ត្រូវបានបញ្ជូនទៅសម្រាកព្យាបាលនៅមន្ទីរពេទ្យស្រុកស្វាយជ្រំ ចំនួន ១៤នាក់ បញ្ជូនទៅមន្ទីរពេទ្យបង្អែក សាមគ្គីរំដួល ១២នាក់ និងបញ្ជូនទៅមជ្ឈមណ្ឌលព្យាបាលកូវីដ១៩ ក្រុងបាវិត ចំនួន ៣៤នាក់។
ចំណែកករណីស្លាប់ ៣នាក់ ដែលបានប្រកាស នាថ្ងៃទី៥ ខែសីហានេះ រួមមាន៖ ១-ស្ត្រីឈ្មោះ ព្រាប ផល្លី អាយុ ៥៥ឆ្នាំ នៅភូមិព្រៃរំដួល ឃុំប្រសូត្រ ស្រុកស្វាយទាប បានស្លាប់នៅគេហដ្ឋាន នៅថ្ងៃ៣ ខែសីហា ឆ្នាំ២០២១ ត្រូវក្រុមការងារធ្វើកោសលវិច្ច័យ យកសំណាកធ្វើតេស្តរហ័ស រកឃើញវិជ្ជមានកូវីដ១៩។ ២-ស្ត្រី ឈ្មោះ ពុត សយ អាយុ ៩១ឆ្នាំ រស់នៅភូមិលៀប ឃុំកណ្តៀងរាយ ស្រុកស្វាយទាប ស្លាប់នៅគេហដ្ឋាន នាថ្ងៃទី៣ ខែសីហា ឆ្នាំ២០២១ ត្រូវក្រុមការងារយកសំណាក ធ្វើតេស្តរហ័ស រកឃើញវិជ្ជមានកូវីដ១៩។ ៣-ស្ត្រីឈ្មោះ ផន ស្រីនី អាយុ ៣៩ឆ្នាំ នៅភូមិតាណ សង្កាត់ស្វាយតឿ ក្រុងក្រុងស្វាយរៀង ត្រូវក្រុមការងារ យកសំណាក ធ្វើតេស្តរហ័ស រកឃើញវិជ្ជមានកូវីដ១៩ នៅថ្ងៃទី៣០ ខែកក្កដា ឆ្នាំ២០២១ បានស្លាប់ នៅថ្ងៃទី៤ ខែសីហា ឆ្នាំ២០២១ នៅមន្ទីរពេទ្យស្រុកស្វាយជ្រំ។
រដ្ឋបាលខេត្តស្វាយរៀង បានប្រកាសថា គិតត្រឹមថ្ងៃទី៤ ខែសីហា ឆ្នាំ២០២១ ខេត្តស្វាយរៀង មានអ្នកវិជ្ជមានកូវីដ១៩ សរុប ៥០៥៩នាក់ ស្រី ២៧៩៧នាក់ ជាសះស្បើយសរុប ៤៥០៥នាក់ ស្រី ២៥១១នាក់ កំពុងសម្រាកព្យាបាល ចំនួន ៤៤០នាក់ ស្រី ២១៤នាក់។ ចំណែកករណីស្លាប់ កើនឡើង ១០៨នាក់ ស្រី ៧០នាក់។
រដ្ឋបាលខេត្តស្វាយរៀង ក៏បានប្រកាសអំពាវនាវដល់បងប្អូនប្រជាពលរដ្ឋ កម្មករកម្មការិនី ដែលពាក់ព័ន្ធជាមួយអ្នកជំងឺកូវីដ-១៩ សូមប្រុងប្រយ័ត្ន ដើម្បីទប់ស្កាត់ការឆ្លងរីករាលដាលកូវីដ១៩ ទៅសហគមន៍។ អ្នកពាក់ព័ន្ធជាមួយអ្នកជំងឺកូវីដ-១៩ ខាងលើ សូមធ្វើចត្តាឡីស័កតាមដានសុខភាព អនុវត្តតាមវិធានការណែនាំរបស់ក្រសួងសុខាភិបាល និងវិធានការ ៣ការពារ ៣កុំ របស់សម្ដេចតេជោ ហ៊ុន សែន។
ប្រសិនបើមានរោគសញ្ញា ដូចជា៖ គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬសង្ស័យ សូមមេត្តាប្រញាប់ ទៅធ្វើតេស្តរកមេរោគ #កូវីដ១៩(#COVID-19) ដែលមានទីតាំងនៅជិតផ្ទះ ឬផ្ដល់ព័ត៌មានទៅអាជ្ញាធរមូលដ្ឋាន ឬទៅយកវត្ថុវិភាគសំណាកនៅប៉ុស្ដិ៍យកសំណាក ដែលនៅជិតផ្ទះ ឬទំនាក់ទំនងមកក្រុមការងារស្រាវជ្រាវ និងតាមដានបុគ្គលសង្ស័យថា មានផ្ទុកជំងឺកូវីដ-១៩ ខេត្ត តាមលេខទូរសព្ទ 044 712 522 ឬ 097 503 4567 ដើម្បីមានវិធានការបន្ត។
សម្រាប់អ្នក ដែលគ្មានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួន រយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងទាំងនោះ៕ វ៉ាន់ ប៊ុនធឿន
ចែករំលែកព័តមាននេះ