កម្ពុជាជ្រើសរើសយកគ្រូជនជាតិអ៊ីរ៉ង់បង្វឹកដល់ក្រុមជម្រើសជាតិចំបាប់
- ភ្នំពេញ
រាជធានីភ្នំពេញ ៖ កម្ពុជាបានធ្វើការសម្រេចចិត្តធ្វើការជ្រើសរើសយកជនជាតិអ៊ីរ៉ង់មួយរូប គឺលោកKomeil Ghasemi ធ្វើជាគ្រូ
រាជធានីភ្នំពេញ ៖ កម្ពុជាបានធ្វើការសម្រេចចិត្តធ្វើការជ្រើសរើសយកជនជាតិអ៊ីរ៉ង់មួយរូប គឺលោកKomeil Ghasemi ធ្វើជាគ្រូបង្វឹកដល់ក្រុមជម្រើសជាតិកីឡាចំបាប់ ដើម្បីត្រៀមស៊ីហ្គេមលើកទី៣២ ឆ្នាំ២០២៣ ។ ព្រោះរូបលោកគឺជាអ្នកមានស្នាដៃឆ្នើមនឹងបទពិសោធន៍យ៉ាងច្រើននៅក្នុងព្រឹត្តិការណ៍ធំៗនាពេលកន្លងមក។
លោក Komeil Ghasemi អតីតកីឡាករម្ចាស់មេដាយមាសអូឡាំពិក នឹងចំណាយរយៈពេលមួយឆ្នាំដើម្បីបង្ហាត់ដល់ក្រុមកីឡាចំបាប់ជម្រើសជាតិកម្ពុជា តាមរយៈគម្រោងអភិវឌ្ឍកីឡារបស់គណៈកម្មការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ (CAMSOC)។
លោកKomeil Ghasemi គឺជាអតីតម្ចាស់ជ័យលាភីមេដាយមាសអូឡាំពិក ២០១២ នៅទីក្រុងឡុងដុន ក្នុងប្រទេសអង់គ្លេស លោកប្រកួតក្នុងក្បាច់ចំបាប់សេរី(freesty lewrestling) លោកមានស្នាដៃច្រើនក្នុងវិស័យកីឡាចំបាប់អ៊ីរ៉ង់ដោយធ្លាប់ឈ្នះមេដាយមាសអូឡាំពិក២០១២ ក្នុងប្រភេទទំងន់១២០គីឡូក្រាម មេដាយសំរឹទ្ធិក្នុងការប្រកួតកីឡាអូឡាំពិក២០១៦ នៅទីក្រុងរីយ៉ូ ប្រទេសប្រេស៊ីល ក្នុងប្រភេទទំងន់១២៥គីឡូក្រាម មេដាយសំរឹទ្ធជើងឯកពិភពលោកឆ្នាំ២០១៤ នៅទីក្រុង Tashkent ក្នុងប្រភេទទំងន់១២៥គីឡូក្រាម។
សម្រាប់លំដាប់ទ្វីបអាស៊ី លោកធ្លាប់ទទួលបានមេដាយមាសជើងឯកអាស៊ីនៅទីក្រុងAstanaកាលពីឆ្នាំ២០១៤ក្នុងប្រភេទទំងន់១២៥គីឡូក្រាមមេដាយប្រាក់ អាស៊ីកាលពីឆ្នាំ២០១១ក្នុងនទីក្រុង Tashkent ក្នុងប្រភេទទំងន់១២០គីឡូក្រាមមេដាយប្រាក់អាស៊ីក្នុងឆ្នាំ២០១៥នៅទីក្រុងដូហា ក្នុងប្រភេទទំងន់១២៥គីឡូក្រាម ។
លោកមកធ្វើជាគ្រូបង្វឹកក្រុមជម្រើសជាតិកម្ពុជាត្រៀមសម្រាប់ព្រឹត្តិការណ៍ស៊ីហ្គេមលើកទី៣១នៅវៀតណាម នៅឆ្នាំ២០២២ និងអាចបន្តដល់ជាគ្រូបង្វឹកជម្រើសជាតិកម្ពុជាក្នុងព្រឹត្តិការណ៍ស៊ីហ្គេមលើកទី៣២ដែលកម្ពុជាធ្វើម្ចាស់ផ្ទះនៅឆ្នាំ២០២៣ ៕
ចែករំលែកព័តមាននេះ