ខេត្តបន្ទាយមានជ័យ ៖ សម្រេចកំណត់ទីតាំងភូមិចំបក់ ស្រុកម៉ាឡៃ (ជាប់ព្រំដែនថៃ) គឺជាតំបន់ក្រហម ហើយបើអ្នកមិនគោរពវិធានទប់ស្កាត់នេះ នឹងត្រូវផាកវិន័យអន្តរការណ៍គិតចាប់ពីថ្ងៃទី០៤ សីហា តទៅ ។
រដ្ឋបាលសាលាខេត្តបន្ទាយមានជ័យ បានប្រកាសព័ត៌មានសេចក្តីសម្រេចត្រូវបានកំណត់ទីតាំងភូមិចំបក់ ឃុំបឹងបេង ស្រុកម៉ាឡៃ ដែលមានព្រំប្រទល់និងភូមិរូង ភូមិជ្រៃ និងព្រំដែនកម្ពុជា.ថៃ ជា(តំបន់ក្រហម) ដែលមានការឆ្លងរាលដាលនៃជំងឺកូវីដ.១៩ធ្ងន់ធ្ងរក្នុងគោលបំណងធានាដល់ប្រសិទ្ធភាពនៃការអនុវត្តវិធានរដ្ឋបាលជាបណ្តុះអាសន្ន ដើម្បីទប់ស្កាត់ការរីករាលដាលជំងឺកូវីដ.១៩នៅក្នុងភូមិសាស្គ្រស្រុកម៉ាឡៃខេត្តបន្ទាយមានជ័យ។
រដ្ឋបាលស្រុកម៉ាឡៃ ដើម្បីបង្កើតក្រុមការងារប្រចាំការក្នុងភូមិសាស្គ្រតំបន់ក្រហម សម្រាប់ទទួលបន្ទុកអនុវត្តនិងសម្របសម្រួលលើការងារចាំបាច់រួមមាន៖ ការងារផ្នែកសន្តិសុខនិងសណ្តាប់ធ្នាប់សាធារណៈ ការងារត្រួតពិនិត្យនិងគ្រប់គ្រងកន្លែងលក់ម្ហូបអាហារនិងហាងទំនិញ និងការផ្គត់ផ្គង់ទំនិញ ការងារទំនាក់ទំនងនឹងការអនុវត្តវិធានការសុខាភិបាលជាអាទ៍ការយកសំណាក់ការធ្វើចត្តាឡីស័កការព្យាបាលជំងឺកូវីដ.១៩និងចាក់វ៉ាក់សាំងជាដើម។
រដ្ឋបាលខេត្តបន្ទាយមានជ័យបានសម្រេចស្តីពីការពិន័យអន្តរការណ៍ចំពោះបុគ្គលដែលមិនគោរពវិធានការរដ្ឋបាលក្នុងការទប់ស្កាត់ការឆ្លងរាលដាលនៃជំងឺកូវីដ.១៩ និងជម្ងឺឆ្លងកាចសហាវប្រកបដោយគ្រោះថ្នាក់ធ្ងន់ធ្ងរផ្សេងៗទៀតក្នុងភូមិសាស្គ្រខេត្តបន្ទាយមានជ័យ។ ត្រូវបានកំណត់ចំនួនទឹកប្រាក់ពិន័យអន្តរការណ៍ចំពោះបុគ្គលមិនគោរពដោយចេតនានូវវិធានការរដ្ឋបាលដែលរាជរដ្ឋាភិបាលនិងរដ្ឋាបាលខេត្តបន្ទាយមានជ័យបានដាក់ចេញក្នុងការទប់ស្កាត់ការឆ្លងរាលដាលនៃកូវីដ.១៩ទៅតាមវិធានការរដ្ឋបាលនីមួយៗខាងក្រោម៖
១-បុគ្គលដែលមិនគោរពដោយចេតនានូវការរឹតត្បិត ឬការហាមឃាត់ការធ្វើដំណើរដូចមានចេងក្នុងមាត្រា៤នៃអនុក្រិត្យពិន័យទឹកប្រាក់ចំនួន១.០០០.០០០រៀល រយៈពេលបង់លុយ៣០ថ្ងៃ ។ ២-បុគ្គលដែលមិនគោរពដោយចេតនានូវការរឹតដ្បិតឬការហាមឃាត់ការជួបជុំឬការប្រមូលផ្តុំមនុស្សដូចមានចែងក្នុងមាត្រា៥នៃអនុក្រិត្យពិន័យទឹកប្រាក់ចំនួន៣.០០០.០០០រៀល រយៈពេលបង់លុយ៣០ថ្ងៃ ៣-បុគ្គលដែលមិនគោរពដោយចេតនានូវការហាមឃាត់សកម្មភាពការងារមុខរបបឬអាចីវកម្ម ដូចមានចែងក្នុងមាត្រា៦នៃអនុក្រិត្យពិន័យទឹកប្រាក់ចំនួន៣.០០០.០០០រៀល រយៈពេលបង់លុយ៣០ថ្ងៃ និង៤-បុគ្គលដែលមិនគោរពដោយចេតនានូវការរឹត ត្បិត ឬការហាមឃាត់ការធ្វើចរាចឬណ៍ចេញ-ចូលតំបន់ឬកន្លែងមានឆ្លងរាលដាលកូវីដ.១៩ដូចមានចែងក្នុងមាត្រា៧នៃអនុក្រិត្យពិន័យទឹកប្រាក់ចំនួន៣.០០០.០០០រៀល រយៈពេលបង់លុយ៣០ថ្ងៃ៕
ចែករំលែកព័តមាននេះ