ភរិយាលោក អេ ភូថង បង្ហោះសារដៀមដាម ក្រោយប្តីចេញពីពេទ្យព្យាបាលកូវីដ
- ភ្នំពេញ
រាជធានីភ្នំពេញ ៖ ភ្លាមៗក្រោយពីអតីតអ្នកប្រដាល់ «កែងឆេះ ជង្គង់ហោះ» លោក អេ ភូថង ត្រូវបានក្រុមគ្រូពេទ្យ ឱ្យចាក
រាជធានីភ្នំពេញ ៖ ភ្លាមៗក្រោយពីអតីតអ្នកប្រដាល់ «កែងឆេះ ជង្គង់ហោះ» លោក អេ ភូថង ត្រូវបានក្រុមគ្រូពេទ្យអនុញ្ញាតឱ្យចាកចេញពីកន្លែងសម្រាកព្យាបាលអ្នកជំងឺកូវីដ-១៩ ស្រាប់តែគេឃើញភរិយារបស់លោក បានបង្ហោះសារមានលក្ខណៈសម្តែងការអន់ចិត្ត ឬចង់ដៀមដាមដល់មិត្តភាពក្លែងក្លាយមួយចំនួន តែអ្នកនាងមិនបានបញ្ចេញឈ្មោះចំៗទៅបុគ្គលណាមួយឡើយ ។
ភរិយាអតីតកីឡាករប្រដាល់ឆ្នើមរួបនេះ គឺអ្នកស្រី សុម៉ាលី កាលពីថ្ងៃទី ៣ សីហា ឆ្នាំ២០២១ បានសរសេរថា លោក អេ ភូថង បានចេញពីមន្ទីរពេទ្យហើយ បន្ទាប់ពីបញ្ជូនទៅព្យាបាលជម្ងឺកូវីត១៩ នៅស្ដាតអូឡាំពិក។ បន្ថែមពីការជូនដំណឹងពីការជាសះស្បើយរបស់ស្វាមី អ្នកស្រី ក៏បង្ហាញថា កំឡុងពេលព្យាបាលកូវីដ-១៩ ឱ្យស្វាមី ធ្វើឱ្យអ្នកស្រីបានដឹងច្បាស់ថាមនុស្សមួយចំនួន គឺគ្រាន់តែជាមិត្តភាពក្លែងក្លាយតែប៉ុណ្ណោះ ។
អ្នកស្រី សុម៉ាលី បានបង្ហោះសារលក្ខណៈដៀមដាមមានខ្លឹមសារថា «ពេលខ្ញុំនៅក្នុងពេទ្យខ្ញុំបានជួបមិត្តភាពល្អៗនិងមិត្តភាពចែករំលែកនិងមិត្តភាពស្មោះចេញពីចិត្ត និងមិត្តភាពមិនសម្ដែង មិត្តភាពពិតៗ ។ មិនដូចមិត្តភាពខ្ញុំ ពេលនៅខាងក្រៅទេ ល្អតែនៅនឹងមុខ ក្រោយខ្នងចប់តែមិនបាច់និយាយទេ វាជារឿងរបស់រំដួលទេ» ។ ខ្ញុំស្រលាញ់មិត្តភាពនឹងណាស់ សុបិន្ដល្អទាំងអស់គ្នាណា» ។
ជាមួយនឹងការបង្ហោះរបស់អ្នកស្រី ធ្វើអោយគេអាចកាត់ស្មានបានថា អ្នកស្រីមានអារម្មណ៍តូចចិត្តនឹងទំនាក់ទំនងជាមួយមិត្តមួយចំនូន ដែលមិនបានអើពើកំលុងពេលអ្នកស្រី និង ស្វាមី កំពុងស្ថិតនៅមន្ទីរពេទ្យព្យាបាលកូវីដ-១៩ នោះ ។
យ៉ាងណាមិញអ្នកស្រីមិនបានបញ្ជាក់ថា តើអ្នកស្រីមិនសប្បាយចិត្តជាមួយអ្នកណានោះទេ ដោយអ្នកស្រីគ្រាន់តែអះអាងថា ពេលនេះស្វាមីរបស់អ្នកស្រី បានជាសះស្បើយ និងបានចេញពីមន្ទីរពេទ្យ ។ ជាមួយគ្នានោះ អ្នកស្រីកំពុងតម្រូវអោយស្វាមី បន្តមើលថែសុខភាពនៅផ្ទះបន្តទៀតដោយមិនទាន់អោយស្វាមីដើរហើរឡើយ ។ ក្នុងនោះសូម្បីតែរូបអ្នកស្រីផ្ទាល់ ក៏ត្រូវនៅផ្ទះដូចគ្នាផងដែរ ។
គួរបញ្ជាក់ផងដែរថា បន្ទាប់ពីចូលសម្រាកព្យាបាលជំងឺកូវីដ-១៩ រយ:ពេលជិត១ខែមកនេះ អតីតស្តេចប្រដាល់ អេ ភូថង បានជាសះស្បើយពីជំងឺកូវីដ-១៩ហើយ គិតត្រឹមថ្ងៃទី៤ សីហា ឆ្នាំ២០២១ នេះ ។
ជាមួយដំណឹងនៃការព្យាបាលជាសះស្បើយរបស់អតីតស្តេចប្រដាល់ អេ ភូថង ក៏ទទួលបានការអបអរសាទរពីមហាជននិងអ្នកគាំទ្ររូពលោកជាច្រើន ។ ក្នុងនោះ គេសង្កេតឃើញ គណនីហ្វេសប៊ុកមួយ ឈ្មោះ Chhany meun បានបញ្ជាក់មុននេះបន្តិច អមដោយរូបភាពនៃស្នាម ញញឹមថា រួមសុខទុក្ខជាមួយគាត់ជិត១ខែហើយ ឥឡូវនេះគាត់បានវិលត្រលប់ទៅផ្ទះវិញហើយ ជាមួយស្នាមញញឹមទៅជួបក្រុមគ្រួសារ។
ប្រភពដដែលបានបន្តទៀតថា ក្នុងសម័យកាលនេះ បើថែទាំសុខភាពបានល្អ គឺជាជោគជ័យមួយដ៏ធំធេងណាស់ទៅហើយ។ រូបភាពអនុស្សាវរីយ៍ក្នុងបន្ទប់ ICU ជាមួយស្តេចប្រដាល់ស្រុកខ្មែរ អេ ភូថង ពីមណ្ឌលកូវីដ-១៩អូឡាំពិក។
លោក អេ ភូថង បានបង្ហោះពីការអរគុណចំពោះបងប្អូនទាំងឡាយដែលបានបារម្ភពីលោក ហើយលោកក៏នឹងប្រឹងប្រែងថែទាំសុខភាពរបស់ខ្លួនក្នុងអំឡុងពេលបន្ទាប់ពីជានេះ អោយប្រាកដមួយរយភាគរយថា ពិតជាមានសុខភាពល្អ១០០ភាគរយផងដែរ។ លោកថា ក្នុងពេលបន្ទាប់គឺលោកនឹងប្រឹងរត់ហាត់ប្រាណ និង ធ្វើសកម្មភាពបង្វឹកសិស្សអោយមានចលនាឡើងវិញ តែនៅក្នុងពេលនេះ គឺលោកនៅថែរក្សាសុខភាពអោយល្អសិន៕
ចែករំលែកព័តមាននេះ