អត្តពលិកចិន២រូប ប្រឈមការពិន័យពី IOC ពាក់ព័ន្ធរឿងពាក់ស្លាកបង្ហាញសញ្ញាមួយ
ជប៉ុន ៖ កីឡាការិនីចិន Bao Shanju និង Zhong Tianshi ដែលជាម្ចាស់មេដាយមាសវិញ្ញាសាប្រណាំងកង់ជាក្រុម (ប្រណាំងកង់ក្នុង
ជប៉ុន ៖ កីឡាការិនីចិន Bao Shanju និង Zhong Tianshi ដែលជាម្ចាស់មេដាយមាសវិញ្ញាសាប្រណាំងកង់ជាក្រុម (ប្រណាំងកង់ក្នុង
ជប៉ុន ៖ កីឡាការិនីចិន Bao Shanju និង Zhong Tianshi ដែលជាម្ចាស់មេដាយមាសវិញ្ញាសាប្រណាំងកង់ជាក្រុម (ប្រណាំងកង់ក្នុងសាល) សម្រាប់ព្រឹត្តិការណ៍អូឡាំពិកទីក្រុងតូក្យូឆ្នាំ ២០២០ អាចនឹងប្រឈមការពិន័យ។ បន្ទាប់ពីបានបំពា.នច្បាប់អូឡាំពិក អំឡុងពិធីបំពាក់មេដាយ កាលពីថ្ងៃទី២ ខែសីហា កន្លងទៅ។ នេះបើតាមការចេញផ្សាយពីសារព័ត៌មាន Reuters។
កីឡាការិនីចិនទាំង២នាក់ បានយកឈ្នះក្រុមកីឡាការិនីអាល្លឺម៉ង់ម្ចាស់មេដាយប្រាក់ និងក្រុមកីឡាការិនីរុស្ស៊ីម្ចាស់មេដាយសំរិទ្ធ។
ទោះយ៉ាងណា អំឡុងពិធីបំពាក់មេដាយ កីឡាការិនីចិនទាំង២នាក់ បានពាក់ស្លាកសញ្ញាបង្ហាញរូបអតីតមេដឹកនាំកំពូលចិន ម៉ៅ សេទុង ដែលនេះត្រូវបានចាត់ទុកថា ជាការបង្ហាញឧបករណ៍នយោបាយក្នុងវិស័យកីឡា ហើយទង្វើនេះ គឺជាការរំលោ.ភបំពា.នលើមាត្រាទី៥០ នៃធម្មនុញ្ញកីឡាអូឡាំពិក។ ខណៈគណៈកម្មាធិការអូឡាំពិកអន្តរជាតិ IOC កំពុងស៊ើបអង្កេតលើបញ្ហានេះ។
ទន្ទឹមនឹងនោះ គណៈកម្មាធិការអូឡាំពិកអន្តរជាតិបានបញ្ជាក់ថា ពួកគេក៏កំពុងស៊ើបអង្កេតករណីដាច់ដោយឡែកមួយទៀត លើកាយវិការរបស់កីឡាការិនីអាមេរិក Raven Saunders ម្ចាស់មេដាយប្រាក់វិញ្ញាសាចោលដុំដែក ដែលលើកដៃជាសញ្ញាអក្សរ X អំឡុងពេលពិធីបំពាក់មេដាយ។ ទង្វើនេះ ត្រូវបានមើលឃើញថា ជាកាយវិការនយោបាយផងដែរ។ កាយវិការ Saunders ដែលលើកដៃជាអក្សរ X នៅពីលើក្បាលរបស់នាង គឺចង់បង្ហាញពីការគាំទ្រដល់អ្នកដែលត្រូវបានគេជិះជាន់។
ប៉ុន្តែបើតាមការអះអាងពីគណៈកម្មាធិការអូឡាំពិក និងប៉ារ៉ាឡាំពិកសហរដ្ឋអាមេរិក (USOPC) បានឱ្យដឹងថា កាយវិការនេះ មិនបានរំលោ.ភលើច្បាប់របស់ខ្លួនឡើយ ព្រោះវាជាការបញ្ចេញមតិដោយសន្តិវិធីគាំទ្រយុត្តិធម៌ជាតិសាសន៍ និងសង្គមដែលគោរពគូប្រជែងរបស់នាងតែប៉ុណ្ណោះ៕
ចែករំលែកព័តមាននេះ