ADផ្ទាំងផ្សព្វផ្សាយពាណិជ្ជកម្ម

Picture

អត្ត​ព​លិ​ក​បេឡា​រុស្ស​ម្នាក់​បដិសេធ​ត្រឡប់​ទៅ​ប្រទេស​កំណើត ក្រោយ​រិះគន់​មន្ត្រី​កីឡា​ខ្លួន

1 ខែ មុន

ជប៉ុន ៖ កីឡាការិនី​រត់ប្រណាំង​បេឡា​រុស Krystsina Tsimanouskaya បាន​បដិសេធ​ឡើង​យន្តហោះ​ចាក​ចេញពី​ប្រទេស​ជប៉ុន ដើម្បី​

ជប៉ុន ៖ កីឡាការិនី​រត់ប្រណាំង​បេឡា​រុស Krystsina Tsimanouskaya បាន​បដិសេធ​ឡើង​យន្តហោះ​ចាក​ចេញពី​ប្រទេស​ជប៉ុន ដើម្បី​ត្រឡប់​ទៅ​ប្រទេស​កំណើត​នាង​វិញ កាលពី​ថ្ងៃ​ទី​១ ខែសីហា​។ បន្ទាប់​ពី​មានរឿង​រកាំរកូស​ជាមួយ​គ្រូបង្វឹក និង​មន្ត្រី​កីឡា​របស់​ខ្លួន អំឡុង​នៃ​ព្រឹត្តិការណ៍​អូ​ឡាំ​ពិ​ក​ទីក្រុង​តូ​ក្យូ​ឆ្នាំ ២០២០​។

កីឡាការិនី​វ័យ​២៤​ឆ្នាំ​រូប​នេះ បាន​ប្រកួត​លើ​វិញ្ញាសា​រត់​ចម្ងាយ ១០០​ម៉ែត្រ តែ​មិន​ទទួល​ជោគជ័យ ហើយនឹង​គ្រោង​ប្រកួត​សម្រាប់​វិញ្ញាសា​រត់​ចម្ងាយ ២០០​ម៉ែត្រ​បន្ត​ទៀត​។ ប៉ុន្តែ​នាង​ត្រូវ​បាន​ដក​ចេញពី​ក្រុម ក្រោយ​ធ្វើការ​រិះគន់​យ៉ាង​បើកចំហ​រលើ​គ្រូបង្វឹក និង​មន្ត្រី​កីឡា​របស់​ខ្លួន​។

Tsimanouskaya បាន​ប្រាប់​ទីភ្នាក់ងារសារព័ត៌មាន Reuters ថា ការ​មិន​ពេញចិត្ត​របស់​នាង​កើតឡើង នៅ​ពេល​ដែល​នាង​ត្រូវ​បាន​ដាក់​បញ្ចូល​ក្នុង​ការ​ប្រកួត​វិញ្ញាសា​រត់​បណ្តាក់ 4×400 Relay ទាំង​ដែល​នាង​មិន​បានដឹង​ពី​មុន​មក​សោះ​។ កីឡាការិនី​រូប​នេះ​បាន​បន្ត​ថា គ្រូបង្វឹក​ក៏​បាន​មក​ដល់​បន្ទប់​នាង​នៅ​ភូមិ​កីឡា​អូ​ឡាំ​ពិ​ក នា​យប់​ថ្ងៃ​ទី​១ ខែសីហា ហើយ​ប្រាប់​នាង​ឱ្យ​រៀបចំ​ឥ​វ៉ា​ន់ ដើម្បី​ត្រឡប់​ទៅ​បេឡា​រុស្ស​វិញ​។

ទោះ​យ៉ាងណា នៅ​ពេល​ទៅ​ដល់​អាកាសយានដ្ឋាន Haneda ក្នុង​ទីក្រុង​តូ​ក្យូ នាង​បាន​បដិសេធ​មិន​ព្រម​ឡើង​យន្តហោះ និង​ស្នើការ​ការពារ​ពី​មន្ត្រី​ប៉ូ​លី​ស​នៅ​ទីនោះ​ផង​ដែរ​។ ហើយ​បាន​ប្រាប់​ទីភ្នាក់ងារ Reuters ថា នាង​មិន​ត្រឡប់​ទៅ​វិញ​ទេ នាង​នឹង​ដាក់​ពាក្យ​ស្នើ​សុំ​សិទ្ធិ​ជ្រកកោន​នៅ​អឺរ៉ុប​។

ដំណឹង​ចុង​ក្រោយ​តាម​រយៈ​ទូរទស្សន៍ Sky News បានឱ្យ​ដឹង​ថា បច្ចុប្បន្ន Tsimanouskaya កំពុង​ស្ថិត​ក្រោម​ការ​ការពារ​ដោយ​អាជ្ញាធរ​ជប៉ុន​។ ហើយ​ជាមួយ​គ្នា​នោះ ប៉ូ​ឡូញ​គឺជា​ប្រទេស​ដំបូង​គេ​ដែល​ផ្តល់​ទិដ្ឋាការ​មនុស្សធម៌​ដល់​កីឡាការិនី​រូប​នេះ ដោយ​កាលពី​ព្រឹក​ថ្ងៃ​ទី​២ ខែសីហា នាង​ត្រូវ​បាន​គេ​ប្រទះ​ឃើញ​ចូល​ទៅ​ស្ថានទូត​ប៉ូ​ឡូញ​ប្រចាំ​ទីក្រុង​តូ​ក្យូ​ផង​ដែរ​។

ប្រទេស​ប៉ូ​ឡូញ​ដែល​មានការ​រិះគន់​យ៉ាងច្រើន ចំពោះ​បេឡា​រុស្ស​ក្រោម​ការ​ដឹកនាំ​របស់​ប្រធានាធិបតី Alexander Lukashenko បាន​សម្រេច​ផ្តល់​ជំនួយ​ដល់​កីឡាការិនី Tsimanouskaya ដោយ​អនុរដ្ឋមន្ត្រី​ក្រសួងការបរទេស លោក Marcin Przydacz ដែល​បាន​បង្ហោះ​លើ​បណ្តាញ Twitter ដោយ​បញ្ជាក់​ថា Tsimanouskaya បាន​ទទួល​ទិដ្ឋាការ​មនុស្សធម៌​ហើយ​៕

Picture
Picture
Picture
Picture
Picture
Picture
Picture
Picture