ខ្លាំងណាស់! កីឡាករអាមេរិក១រូប ឈ្នះមេដាយមាស៥គ្រឿងម្នាក់ឯង
ជប៉ុន ៖ កីឡាករហែលទឹកសហរដ្ឋអាមេរិក Caeleb Dressel ធ្វើបានយ៉ាងល្អបំផុតនៅក្នុងព្រឹត្តិការណ៍អូឡាំពិកទីក្រុងតូក្យូឆ្នាំ
ជប៉ុន ៖ កីឡាករហែលទឹកសហរដ្ឋអាមេរិក Caeleb Dressel ធ្វើបានយ៉ាងល្អបំផុតនៅក្នុងព្រឹត្តិការណ៍អូឡាំពិកទីក្រុងតូក្យូឆ្នាំ
ជប៉ុន ៖ កីឡាករហែលទឹកសហរដ្ឋអាមេរិក Caeleb Dressel ធ្វើបានយ៉ាងល្អបំផុតនៅក្នុងព្រឹត្តិការណ៍អូឡាំពិកទីក្រុងតូក្យូឆ្នាំ ២០២០ បន្ទាប់ពីកីឡាករវ័យ២៤ឆ្នាំរូបនេះ ឈ្នះមេដាយមាស៥គ្រឿងតែម្នាក់ឯង។
កីឡាករ Caeleb Dressel បានឈ្នះមេដាយមាស៣គ្រឿងផ្សេងគ្នា ពីការប្រកួតវិញ្ញាសាហែលឯកត្តជន។ ដោយវិញ្ញាសាហែលសេរីចម្ងាយ៥០ម៉ែត្រ Dressel ប្រើថរិវេលា ២១.០៧វិនាទី ដែលជាកំណត់ត្រាថ្មីនៅអូឡាំពិក ដោយឈ្នះកីឡាករបារាំង Florent Manaudou និងកីឡាករប្រេស៊ីល Bruno Fratus។
វិញ្ញាសាហែលសេរីចម្ងាយ១០០ម៉ែត្រ Dressel ប្រើថរិវេលា ៤៧.០២វិនាទី ដែលជាកំណត់ត្រាថ្មីនៅអូឡាំពិក។ ដោយយកឈ្នះកីឡាករអូស្ត្រាលី Kyle Chalmers និងកីឡាកររុស្ស៊ី Kliment Kolesnikov។
វិញ្ញាសាហែលមេអំបៅចម្ងាយ១០០ម៉ែត្រ Dressel ប្រើថរិវេលា ៤៩.៤៥វិនាទី ដែលជាកំណត់ត្រាថ្មីនៅលើពិភពលោក។ ដោយឈ្នះកីឡាករហុងគ្រី Kristof Milak និងកីឡាករស្វីស Noe Ponti។
ដោយឡែកមេដាយមាស២គ្រឿងទៀត Caeleb Dressel បានឈ្នះលើវិញ្ញាសាហែលជាក្រុម។ វិញ្ញាសាហែលបណ្តាក់សេរីចម្ងាយ 4×100 ម៉ែត្រ ក្រុមសហរដ្ឋអាមេរិកដែលមានកីឡាករ Caeleb Dressel, Blake Pieroni, Bowe Becker និង Zach Apple ប្រើថរិវេលាសរុប ៣នាទី និង០៨.៩៧វិនាទី យកឈ្នះក្រុមកីឡាករអ៊ីតាលី និងក្រុមកីឡាករអូស្ត្រាលី។
ចំណែកវិញ្ញាសាហែលបណ្តាក់ចម្ងាយ 4x100M Medley Relay ក្រុមសហរដ្ឋអាមេរិកដែលមានកីឡាករ Ryan Murphy, Michael Andrew, Caeleb Dressel និង Zach Apple ប្រើថរិវេលាសរុប ៣នាទី និង ២៦.៧៨វិនាទី ជាកំណត់ត្រាថ្មីលើពិភពលោក។ ដោយយកឈ្នះក្រុមកីឡាករចក្រភពអង់គ្លេស និងក្រុមកីឡាករអ៊ីតាលី៕ (ដកស្រង់ចេញពី Los Angeles Time)
ចែករំលែកព័តមាននេះ