រាជធានីភ្នំពេញ ៖ នៅថ្ងៃទី០២ ខែសីហា ឆ្នាំ២០២១នេះ ក្រុមគ្រូពេទ្យបាននិងកំពុងចុះយកសំណាកអាជីវករ និងប្រជាពលរដ្ឋ នៅផ្សារទូលសង្កែ ស្ថិតនៅមូលដ្ឋានសង្កាត់ទួលសង្កែទី១ ខណ្ឌឫស្សីកែវ…
រាជធានីភ្នំពេញ ៖ នៅថ្ងៃទី០២ ខែសីហា ឆ្នាំ២០២១នេះ ក្រុមគ្រូពេទ្យបាននិងកំពុងចុះយកសំណាកអាជីវករ និងប្រជាពលរដ្ឋ នៅផ្សារទូលសង្កែ ស្ថិតនៅមូលដ្ឋានសង្កាត់ទួលសង្កែទី១ ខណ្ឌឫស្សីកែវ បន្ទាប់ពីបានរកឃើញថា មានការពាក់ព័ន្ធជាមួយវីរុសកូវីដ-១៩ បំប្លែងថ្មី ប្រភេទដែលតា Delta នេះបើតាមអនុគណៈកម្មការស្រាវជ្រាវជំងឺកូវីដ-១៩ ។
សូមជម្រាបថា នៅរាជធានីភ្នំពេញ បានរកឃើញអ្នកឆ្លងវីរុសកូវីដ ប្រភេទ Delta ចំនួន៥ករណី រួចមកហើយរួមមាន ៖
កាលពីថ្ងៃទី៣១ កក្កដា រកឃើញ ១ករណី នៅមន្ទីរពេទ្យកាល់ម៉ែត្រ ៖ លើអ្នកជំងឺខាងរោគស្ត្រី ។ និងថ្ងៃទី១ សីហា រកឃើញ ៤ករណី នៅមន្ទីរពេទ្យមិត្តភាពខ្មែរ-សូវៀត ៖ បុគ្គលិកអនាម័យ និងអ្នកជំងឺសង្គ្រោះបន្ទាន់ សរុប២នាក់, ពលករមកពីថៃ ១នាក់ និងអ្នកដំណើរមកពីប្រទេសម៉ាឡេស៊ី ១នាក់ សរុប២នាក់ទៀត ។ ទាំងអស់ ៥នាក់ នៅរាជធានីភ្នំពេញ ។
សូមបងប្អូនបង្កើតការប្រុងប្រយ័ត្ន ហើយកុំគិតថា មិនអី ព្រោះមេរោគកូវីដបំប្លែងថ្មី ប្រភេទ Delta ដ៏សាហាវ និងគ្រោះថ្នាក់បំផុត បានឆ្លងចូលក្នុងសហគមន៍របស់យើងជាបណ្តើរៗហើយ សូមពាក់ម៉ាស រក្សាគម្លាត និងឧស្សាហ៍លាងដៃ ប្រសិនបើមិនចាំបាច់ សូមកុំចេញពីផ្ទះ បើចេញពីផ្ទះ សូមមេត្តាមានការប្រុងប្រយ័ត្នខ្ពស់ និងមានទទួលខុសត្រូវ ៕
ចែករំលែកព័តមាននេះ