ខេត្តស្ទឹងត្រែង ៖ យោងតាមការចុះផ្សាយរបស់ វិទ្យាស្ថានមនុស្សសាស្ត្រ និងវិទ្យាសាស្ត្រសង្គម នៅព្រឹកថ្ងៃទី២៣ ខែធ្នូ ឆ្នាំ២០២៥ បានឱ្យដឹងថា ក្រុមអ្នកស្រាវជ្រាវបានរកឃើញនូវឡស្លលោហៈបុរាណមួយចំនួននៅក្នុងខេត្តស្ទឹងត្រែង…
ខេត្តស្ទឹងត្រែង ៖ យោងតាមការចុះផ្សាយរបស់ វិទ្យាស្ថានមនុស្សសាស្ត្រ និងវិទ្យាសាស្ត្រសង្គម នៅព្រឹកថ្ងៃទី២៣ ខែធ្នូ ឆ្នាំ២០២៥ បានឱ្យដឹងថា ក្រុមអ្នកស្រាវជ្រាវបានរកឃើញនូវឡស្លលោហៈបុរាណមួយចំនួននៅក្នុងខេត្តស្ទឹងត្រែង ដែលមានលក្ខណៈរូបរាងស្រដៀងគ្នាយ៉ាងខ្លាំងទៅនឹងឡលោហៈដែលធ្លាប់បានធ្វើកំណាយរកឃើញនៅក្បែរភ្នំឧដុង្គ ខេត្តកណ្តាល។
ជាក់ស្តែង វិទ្យាស្ថានមនុស្សសាស្ត្រ និងវិទ្យាសាស្ត្រសង្គម បានបញ្ជាក់ កាលពីឆ្នាំ២០១៦កន្លងទៅ ក្រុមស្រាវជ្រាវដឹកនាំដោយ Dr. Martin Polkinghorne បានសិក្សាធ្វើកំណាយរកឃើញភស្ដុតាងឡលោហ: ដែលអាចសន្និដ្ឋានជាបឋមថា ទីតាំងឡនេះ គឺស្ថានីយផលិតវត្ថុលោហៈ នៅជិតភ្នំឧដុង្គ ឈ្មោះថា «បឹងសំរឹទ្ធ» ស្ថិតក្នុងឃុំផ្សារដែក ស្រុកពញាឮ ខេត្តកណ្តាល ។
ថ្មីៗនេះ ក្នុងខែធ្នូ ឆ្នាំ២០២៥ ឡលោហ:មួយចំនួនត្រូវបានរកឃើញនៅភូមិកោះស្នែង ឃុំសាមគ្គី ក្រុងស្ទឹងត្រែង
សហគមន៍អេកូទេសចរណ៍កោះហាន ក្នុងខេត្តស្ទឹងត្រែង។
រូបទី១ ឡលោហៈនៅជិតភ្នំឧដុង្គ ខេត្តកណ្ដាល
រូបទី២ ឡលោហៈនៅខេត្តស្ទឹងត្រែង (ប្រភព : Sophana Leak)
រូបទី៣ និង ៤ ឡលោហ:នៅជិតភ្នំឧដុង្គ ខេត្តកណ្ដាល
រូបទី៥, ៦, និង៧ ឡលោហ:នៅខេត្តស្ទឹងត្រែង
សូមបញ្ជាក់ថា ៖ របកគំហើញនេះ គឺជាសមិទ្ធផលថ្មីមួយទៀតសម្រាប់វិស័យបុរាណវិទ្យាកម្ពុជា ដែលជួយឱ្យអ្នកសិក្សាស្រាវជ្រាវកាន់តែយល់ច្បាស់អំពីខ្សែសង្វាក់ផលិតកម្មលោហៈធាតុ និងការរស់នៅរបស់បុព្វបុរសខ្មែរក្នុងតំបន់ផ្សេងៗគ្នា ៕
ចែករំលែកព័តមាននេះ