យុគ យក្សគីល ផ្ដួល ម៉ន គឹមឡុង សន្លប់ទឹកទី៣ ខណៈ ម៉ី សុភាពឈ្នះពិន្ទុ ពេជ្រ សម្បត្ដិ ទាំងលំបាកនៅសង្វៀនទូរទស្សន៍ CTNយុគ យក្សគីល មកពីក្លឹបក្រុងប៉ាយប៉ែត បានប្រើស្នៀតកណ្ដាប់ដៃវាយផ្ដួលម៉ន គឹមឡុង មកពីក្លឹបព្រែកឯងកីឡា ឱ្យសន្លប់ នៅត្រឹម ទឹកទី៣ប៉ុណ្ណោះ ក្នុងការប្រកួតគ្នា ឥនៅលើ សង្វៀនស្ថានីយទូរទស្សន៍CTN កាលពីថ្ងៃ
យុគ យក្សគីល ផ្ដួល ម៉ន គឹមឡុង សន្លប់ទឹកទី៣ ខណៈ ម៉ី សុភាពឈ្នះពិន្ទុ ពេជ្រ សម្បត្ដិ ទាំងលំបាកនៅសង្វៀនទូរទស្សន៍ CTN
យុគ យក្សគីល មកពីក្លឹបក្រុងប៉ាយប៉ែត បានប្រើស្នៀតកណ្ដាប់ដៃវាយផ្ដួលម៉ន គឹមឡុង មកពីក្លឹបព្រែកឯងកីឡា ឱ្យសន្លប់ នៅត្រឹម ទឹកទី៣ប៉ុណ្ណោះ ក្នុងការប្រកួតគ្នា ឥនៅលើ សង្វៀនស្ថានីយទូរទស្សន៍CTN កាលពីថ្ងៃ អាទិត្យទី១០ មករាកន្លងមកនេះ ។នេះគឺជាលើកទី២ហើយដែលគឹមឡុង ត្រូវយក្សគីលវាយឱ្យសន្លប់នៅលើសង្វៀន។ ប្រកួតលើកទី១កាលពីជាង១ខែមុននៅលើសង្វៀនស្ថានីយទូរទស្សន៍បាយ័ន គឹមឡុង ក៏ត្រូវយក្សគីលវាយ ឱ្យសន្លប់នៅទឹកទី២ម្ដង មកហើយដែរ ។ តាមពិត គឹមឡុងកាយ សម្បទាល្អជាងយក្ស គីល និងមានកំពស់ខ្ពស់ ជាងទៀត ប៉ុន្ដែចិត្ដគឹមឡុងមិនសូវហ៊ាន ទាល់តែសោះកណ្ដាប់ដៃវាយចេញមិន សូវបានល្អ ចំណែកស្នៀតជើងវិញក៏កាន់តែ អន់ខ្សោយថែមទៀត។ យក្សគីល មាឌរបស់ គេធំហើយទាបតែគេមានចិត្ដហ៊ានស្នៀត ជើងមិនសូវល្អទេ តែបើនិយាយពីស្នៀត កណ្ដាប់ដៃវិញគឺអាចវាយចេញបានល្អខ្លាំង ណាស់ ហើយទម្ងន់ដៃដែលវាយចេញទៅបើ ត្រូវគឺមិនស្រាលឡើយ ។ម៉ី សុភាព មកពីក្លឹបព្រះខ័នរាជ្យ បាន យកឈ្នះពេជ្រ សម្បត្ដិ មកពីក្លឹបកីឡា ប្រដាល់ក្រសួងការពារជាតិ ដោយពិន្ទុទាំង វេទនាបំផុត។ ប្រវត្ដិម៉ី សុភាព ធ្លាប់ជួបគ្នា ច្រើនលើករួចមកហើយ ប៉ុន្ដែមិនដែលយក ឈ្នះសម្បត្ដិបានឡើយ ។ ការប្រកួតលើក នេះ សុភាពពិតជាធ្វើបានល្អមែន។ នៅទឹកទី ១ សុភាពមិនទាន់ហ៊ានវាយសំរុកទៅលើ សម្បត្ដិភ្លាមទេ ព្រោះគេនៅមានការកោត ញញើតសម្បត្ដិខ្លះ ។ លុះចូលដល់ទឹកទី២ សុភាពវាយចេញមុនទាំងស្នៀតកណ្ដាប់ដៃ និងស្នៀតជើង តែការវាយចេញស្រាលៗ បំផុត ហើយក៏ត្រូវសម្បត្ដិវាយបកសងមក វិញភ្លាមៗ។ នៅក្នុងទឹកទី៣ និងទឹកទី៤ កំលាំងសុភាពហាក់ដូចជាធ្លាក់ចុះជាង សម្បត្ដិបន្ដិច ប៉ុន្ដែគេអាចវាយចេញបានច្រើន ជាងសម្បត្ដិ ។ លុះចូលដល់ទឹកទី៥ សម្បត្ដិ ដកថយច្រើនជាងការវាយលុកធ្វើឱ្យគេមិន អាចទទួលបានជ័យជំនះឡើយ សំរាប់ការ ប្រកួតជាមួយសុភាពលើកនេះ ។ខុន ឆៃលាង មកពីក្លឹបសិង្ហកីឡា ប្រកួត ឈ្នះពិន្ទុសំ ពិសិដ្ឋ មកពីក្លឹបយុវជនអង្គរ។ វង្ស សុខពិសី មកពីក្លឹបបុរីនាគរាជ ប្រកួត ឈ្នះ នី ឈុន មកពីក្លឹបយុវជនអង្គរដោយ ពិន្ទុ ។ ចាន់ វិបុល មកពីសមាគមកីឡា ក្រសួងមហាផ្ទៃ ប្រកួតជាលក្ខណៈសាកល បានយកឈ្នះឡុង ឡាំដា មកពីក្លឹបសាល វ័ន្ដកីឡា ដោយពិន្ទុ និងកីឡាករជាម ដេវីដ មកពីក្លឹបឃ្លាំងមឿងកីឡា ប្រកួតឈ្នះឌី លី ណា មកពីក្លឹបពន្លឺថ្មី នៅទឹកទី២ ។
កែវ ប៊ុនហេង និង កែវ រំចង់ រក បានម្នាក់៣ពិន្ទុដណ្ដើមខ្សែក្រវាត់ K-cement
ការប្រកួតប្រដាល់ដើម្បីឈានទៅ ដណ្ដើមខ្សែក្រវាត់ K-cement ប្រភេទទម្ងន់ ៦៣,៥០គីឡូក្រាម នៅលើសង្វៀនស្ថានីយ ទូរទស្សន៍ប៉ុស្ដិ៍លេខ៥ បានចាប់ផ្ដើមកាលពី រសៀលថ្ងៃអាទិត្យ ទី១០ មករា ហើយអ្នក ប្រដាល់ដែលត្រូវប្រកួតបើកឆាកមានចំនួន២ គូ ស្ថិតនៅក្នុងពូល A ។ លទ្ធផលនៃការ ប្រកួតដណ្ដើមខ្សែក្រវាត់នេះ គូទី១ កែវ ប៊ុន ហេង ក្លឹបព្រះខ័នរាជ្យឈ្នះពិន្ទុសារិឹម វ៉ាន់ថន មកពីក្លឹបក្រសួងការពារជាតិ ។ គូទី២ កែវ រំចង់ មកពីក្លឹបកងពលតូចអន្ដរាគមន៍លេខ៨ ឈ្នះពិន្ទុឡឹក វិបុល មកពីក្លឹបនិរោធមាន ជ័យ ។រវាងកែវ ប៊ុនហេង និងសារឹម វ៉ាន់ថន ចាប់ពីទឹកទី៣ ទៅវ៉ាន់ថន ចាញ់ប្រៀបស្នៀត ជង្គង់របស់កែវ ប៊ុនហេង ខណៈពេលដែល ពួកគេចូលកៀកគ្នា ប៉ុន្ដែនៅពេលប្រកួតជា ប្រយោលប៊ុនហេង ក៏ទទួលរងនូវកណ្ដាប់ដៃ របស់វ៉ាន់ថន ធ្ងន់ធ្ងរដែរ ។ ទឹកទី៣ វ៉ាន់ថន មានឈាមហូរចេញពីរន្ធច្រមុះ ប៉ុន្ដែមិនរំខាន ដល់ការប្រកួតទេ ។ ចំណែកឡឹក វិបុល និង កែវ រំចង់វិញ មុនពេលប្រកួតទោះបីគេមាន ជំនឿលើវិបុល យ៉ាងណាក៏ដោយ ប៉ុន្ដែទី បំផុតវិបុល ជាអ្នកចាញ់ ។ កែវ រំចង់ ធ្វើព្យុះ ធ្វើភ្លៀងយ៉ាងខ្លាំង ខណៈឡឹក វិបុល ហាក់ ដូចជាខ្លាច ហើយវាយមិនចេញ ។ នៅពាក់ កណ្ដាលទឹកទី៥ ឡឹក វិបុល ត្រូវអាជ្ញា កណ្ដាលរាប់៨ បន្ទាប់ពីត្រូវជង្គង់ និងការ ទាត់ចូលកណ្ដៀតក្អមរបស់កែវ រំចង់ ។ កែវ ប៊ុនហេង និងកែវ រំចង់ ទទួលបានម្នាក់៣ពិន្ទុ សំរាប់ការប្រកួតបើកឆាកនោះឈានទៅ ដណ្ដើមខ្សែក្រវាត់ K-cement រីឯសារឹម វ៉ាន់ ថន និងឡឹក វិបុល ទទួលបានម្នាក់១ពិន្ទុ ប៉ុណ្ណោះ ។ក្រៅពីគូប្រកួតដណ្ដើមខ្សែក្រវាត់ខុន ស៊ី ចន មកពីក្លឹបកងពលតូចអន្ដរាគមន៍លេខ៨ ប្រកួតឈ្នះពិន្ទុលុយ សំរិទ្ធ មកពីក្លឹបខេមរិន្ទ មានឫទ្ធិ ។ អាំង សំអាត មកពីក្លឹបតាព្រហ្ម មានជ័យផ្ដួលយិន បូរិន មកពីក្លឹបសិង្ហកីឡា ឱ្យសន្លប់ក្នុងទឹកទី៣ ។ យិន បូរិន អាចមាន លទ្ធភាពតតាំងជាមួយអាំង សំអាត បានល្អ ត្រឹម១ទឹកដំបូងប៉ុណ្ណោះ ចាប់ពីទឹកទី២ ទៅ ត្រូវសំអាត វាយស្ទើរទក់សាច់ ។ យិន បូរិន ត្រូវរាប់៨ដល់ទៅ២លើក គឺក្នុងទឹកទី២ និង ទឹកទី៣ ហើយសារភាពចុះចាញ់តែម្ដង ។ រីឯ ការប្រកួតជាលក្ខណៈសាកលណុប សូដា មក ពីក្លឹបក្រសួងការពារជាតិប្រកួតឈ្នះពិន្ទុយ៉ាន់ កុយ មកពីក្លឹបតាឡីដំរីព្រេច ។
ខុម ពិសិដ្ឋ បំបាក់ ពុទ្ធ អារុណ ត្រឹម ៣ទឹក ខណៈ ផុន ផាន់ណា ព្រមានសិង្ហ សាវ៉ន ស្ទើរ ទក់សាច់
ខុម ពិសិដ្ឋ អ្នកប្រដាល់មកពីក្លឹបអូដឹម កីឡាបានបំបាក់ពុទ្ធ អារុណ មកពីក្លឹបពុទ្ធ សេរីវង្ស ព្រែកតាទែន ឱ្យសន្លប់ត្រឹមទឹកទី៣ ក្នុងការប្រកួតនៅលើសង្វៀនស្ថានីយទូរ ទស្សន៍បាយ័ន កាលពីរសៀលថ្ងៃអាទិត្យ ទី ១០ មករា ឆ្នាំ២០១០ ។សំរាប់២ទឹកដំបូង អារុណ ហាក់ដូចជា មានឱកាសវាយបកទៅលើពិសិដ្ឋបានល្អ ប៉ុន្ដែ គេត្រូវភ្លាត់ស្នៀតក្នុងទឹកទី៣ ដោយខុម ពិសិដ្ឋ ចាប់ទាញក្បាលអុកត្រូវ១ជង្គង់ បណ្ដាលឱ្យសន្លប់តែម្ដង ។ មុនពេលត្រូវត្រង់ ក្បាល១ជង្គង់នោះ ពុទ្ធ អារុណ ក៏ត្រូវបាន ខុម ពិសិដ្ឋ អុកត្រូវពោះទឹកច្រើនជង្គង់ដែរ ដែលជាដើមហេតុនាំឱ្យគេស្ទើរបាត់បង់ ឱកាសទាំងស្រុង ។ផុន ផាន់ណា មកពីក្លឹបក្រសួងការពារ ជាតិបានបំបាក់សិង្ហ សាវ៉ន ក្លឹបសិង្ហកីឡា ស្ទើរទក់សាច់ទាំង៥ទឹក ។ សិង្ហ សាវ៉ន ជាអ្នក លេងស្នៀតជង្គង់ និងទាត់ល្អម្នាក់ដែរ ប៉ុន្ដែ ប៉ះចំគេល្អជាង បែរជាវាយចេញមិនរួច ។ ចាប់ពីទឹកទី៣ ទៅសិង្ហ សាវ៉ន ស្ថិតក្នុង ស្ថានភាពដុនដាបមែនទែន រហូតត្រូវអាជ្ញា កណ្ដាលរាប់៨ក្នុងទឹកទី៥ទៀតផង ។ ទោះបី ជាយ៉ាងណាក្ដី សាវ៉ន ប្រឹងត្រដររហូតចប់ទឹក ទី៥ ហើយត្រូវចាញ់ដោយពិន្ទុដាច់តែម្ដង ។វ៉ន សាវី មកពីក្លឹបឃ្លាំងមឿងកីឡា ផ្ដួល ប្រាក់ មករា មកពីក្លឹបរស្មីកុមារកំព្រាឱ្យចុះ ចាញ់ក្នុងទឹកទី៣ ។ គ្រាន់តែចាប់ផ្ដើមភ្លាម វ៉ន សាវី បានស្វាគមន៍ដោយជង្គង់ទៅលើ ប្រាក់ មករា ខណៈពេលដួលផ្ទប់ខ្សែរេញ ។ បន្ទាប់ពីរាប់ដល់៨ ទៅលើប្រាក់ មករា លោក អាជ្ញាកណ្ដាលងាកមកព្រមានវ៉ន សាវី ក្នុង ករណីដៃគូដួលហើយវាយថែម ។ ទោះបី ប្រាក់ មករា ខិតខំយ៉ាងណាក្ដីក៏មិនអាចធ្វើអ្វី សាវីបានទេ ផ្ទុយទៅវិញត្រូវសាវី វ៉ៃឱ្យ អាជ្ញាកណ្ដាលរាប់បន្ដទៀត ហើយទីបំផុត បានសារភាពចុះចាញ់តែម្ដង ។ចំណែកឯម ស៊ីថា មកពីក្លឹបគ្រុឌមានជ័យ ប្រកួតឈ្នះពិន្ទុជាតិ វណ្ណៈ មកពីក្លឹបបាក់ខែង កីឡា និងចាន់ សុភា មកពីក្លឹបកងទ័ពជើង គោកប្រើកណ្ដាប់ដៃផ្ដួលកែវ រិទ្ធី មកពីក្លឹប ប្រដាល់ក្រុងប៉ោយប៉ែតឱ្យសន្លប់ត្រឹមទឹកទី ៣ ៕
ចែករំលែកព័តមាននេះ