ម្នាក់ៗសរសើរលទ្ធផលកីឡាករ ហែម ប៉ុច ទោះបរាជ័យនៅអូឡាំពិក
រាជធានីភ្នំពេញ ៖ បើទោះជាលទ្ធផលដែលបានបញ្ចប់ទៅ នៅតែបានបង្ហាញថា កីឡាករកម្ពុជាមិនអាចឈ្នះមេដាយណាមួយតាម
រាជធានីភ្នំពេញ ៖ បើទោះជាលទ្ធផលដែលបានបញ្ចប់ទៅ នៅតែបានបង្ហាញថា កីឡាករកម្ពុជាមិនអាចឈ្នះមេដាយណាមួយតាមការចង់បាននៅក្នុងការប្រកួតដ៏ធំមួយនេះ តែលទ្ធផលដែលកីឡាករ ហែម ប៉ុច ធ្វើបាន គឺចាត់ទុកថាជាកម្ពុជាមានការឈានឡើង និងត្រូវបានអ្នកគាំទ្រលាន់មាត់។
កីឡាករ ហែម ប៉ុច បានបញ្ចប់ការប្រកួតរបស់ខ្លួនសម្រាប់វិញ្ញាសាហែលទឹក ចម្ងាយ៥០ម៉ែត្រ នៅក្នុងព្រឹត្តិការណ៍អូឡាំពិកទីក្រុង តូក្យូ ឆ្នាំ២០២០ (Tokyo Olympic Games 202 0) កាលពីវេលាម៉ោង១៧ល្ងាចថ្ងៃទី៣១ កក្កដា ដោយឈរលេខរៀងទី៤ ដោយប្រើថិរវេលា២៤និង៩១វិនាទី ដែលនេះគឺជាថេរវេលាល្អជាងកំណត់ត្រាចាស់។ ម្នាក់ៗមានការសរសើរមិនតិចទេ ដែលកីឡាករ ហែម ប៉ុច បានបំបែកឯតទគ្គកម្មចាស់របស់ខ្លួន ដែលធ្លាប់ធ្វើបានចុងក្រោយលើវិញ្ញាសា៥០ម៉ែត្រ សេរីបែបនេះដូចគ្នា ដែលកាលពីមុន គឺប្រើថេរវេលា២៤និង៩១វិនាទី ។
ឯតទគ្គកម្មនេះ ជាកំណត់ត្រាខ្ពស់បំផុតសម្រាប់អត្តពលិកហែលទឹកកម្ពុជា ក្នុងការប្រកួតកីឡាអូឡាំពិកវិញ្ញាសា ហែល៥០ម៉ែត្រ សេរីបុរសកន្លងមក ដ្បិតលោក ហែម គិរី អតីតកីឡាករហែលទឹកជម្រើសជាតិ ដែលបច្ចុប្បន្នជាអគ្គលេខាធិការសហព័ន្ធហែលទឹក លោកធ្លាប់ធ្វើបានល្អបំផុត ក៏បានត្រឹមតែក្នុងថេរវេលា ២៦និង៤១វិនាទី កាលពីឆ្នាំ២០០០ និងកីឡាករ ហែម ថុនពន្លឺ ធ្លាប់ធ្វើបាន ក្នុងថិរវេលា២៧និង០៣វិនាទី កាលពីឆ្នាំ២០០៨ ប៉ុណ្ណោះ។ ការឈានឡើងរបស់លោក បានធ្វើអោយបរទេសភ្ញាក់ផ្អើល ព្រោះតួលេខដែលលោកធ្វើបានគឺនាំមុខកីឡាករមកពីប្រទេសជាច្រើន ដែលនេះគឺជាលទ្ធផលវិជ្ជមាន ដែលសហព័ន្ធក៏ដូចជាថ្នាក់ដឹកនាំចង់បាន។
លោក វ៉ា ត់ ចំរើន នាយបេសកកម្មបានបង្ហាញនូវចំណាប់អារម្មណ៍ និងថា នេះគឺជាលទ្ធផលល្អបំផុត ព្រោះលោកបានដឹងរួចទៅហើយថា កម្ពុជាមិនងាយដណ្ដើមមេដាយនៅក្នុងការប្រកួតនេះទេ ប៉ុន្តែអ្វីដែលលោកចង់បាន គឺសុំអោយបំបែកនូវកំណត់ត្រាចាស់។
លោកបានប្រាប់តាមសារអេឡិចត្រូឡិច (Telegram) ពីទីក្រុងតូក្យូ ឲ្យដឹងថា វាជាមោទនភាពដែលកីឡាហែលទឹកទទួលបានលទ្ធផលល្អ ដោយកីឡាករ ហែម ប៉ុច ហែល បានក្នុងវិញ្ញាសា៥០ម៉ែត្រ សេរី ហើយធ្វើបានក្នុងថិរវេលា២៤និង៩១នាទី ដែលជាលទ្ធផលបំបែក ថិរវេលាចាស់ដែលធ្លាប់ធ្វើបាននៅស៊ីហ្គេម នៅហ្វីលីពីន ។ លោកថា ការប្រកួតដែលទើបបញ្ចប់ កីឡាករ ហែម ប៉ុច ប្រើពេលត្រឹមតែ២៤និង៩២វិនាទីហើយបានឡើងមកដល់ចំណាត់លេខ៤ ក្នុង heat ក្នុងចំណោមចំណាត់ថ្នាក់ រួមគឺ៥២ ក្នុងចំណោមកីឡាករ៧៣នាក់។
យ៉ាងណាមិញ លោកថា កម្ពុជា មិនអាចបន្តទៅវគ្គពាក់កណ្តាលផ្តាច់ព្រាត់ទេ តែនេះគឺជាមុខមាត់មួយ។ សម្រាប់កីឡាការិនី ឃឿន ប៊ុន ពេជ្រមរកត ហែលក្នុងវិញ្ញាសា៥០ម៉ែត្រ សេរី ធ្វើបានថិរវេលា ២៩និង៤២វិនាទី បំបែកថិរវេលាចាស់ ២៩និង៩៩ នៅស៊ីហ្គេមហ្វីលីពីន ទទួលបានចំណាត់លេខ៣ ក្នុង heat ហើយមានចំណាត់ថ្នាក់រួមទី៦៥ ក្នុងចំណោម៨១នាក់ មិនអាចបន្តទៅវគ្គពាក់កណ្តាលផ្តាច់ព្រាត់ដូចគ្នា៕
ចែករំលែកព័តមាននេះ