អស្ចារ្យ! រត់ល្បឿន១០០ម៉ែត្រនារី ប្រទេសចាម៉ៃកាប្រមូលមេដាយទាំងអស់
ជប៉ុន ៖ រឿងភ្ញាក់ផ្អើលមួយបានកើតឡើងក្នុងព្រឹត្តិការណ៍អូឡាំពិកទីក្រុងតូក្យូឆ្នាំ ២០២០ លើការប្រកួតវិញ្ញាសាររត់ល្បឿនចម្ងាយ
ជប៉ុន ៖ រឿងភ្ញាក់ផ្អើលមួយបានកើតឡើងក្នុងព្រឹត្តិការណ៍អូឡាំពិកទីក្រុងតូក្យូឆ្នាំ ២០២០ លើការប្រកួតវិញ្ញាសាររត់ល្បឿនចម្ងាយ
ជប៉ុន ៖ រឿងភ្ញាក់ផ្អើលមួយបានកើតឡើងក្នុងព្រឹត្តិការណ៍អូឡាំពិកទីក្រុងតូក្យូឆ្នាំ ២០២០ លើការប្រកួតវិញ្ញាសាររត់ល្បឿនចម្ងាយ១០០ម៉ែត្រផ្នែកនារី។ បន្ទាប់ពីបញ្ចប់កាលពីថ្ងៃទី៣១ ខែកក្កដា ឆ្នាំ២០២១ កន្លងទៅ ដោយកីឡាការិនីរបស់ប្រទេសចាម៉ៃកាបានប្រមូលយកមេដាយទាំងអស់តែម្តង។
កីឡាការិនី Elaine Thompson Herah បានឈ្នះម្ចាស់មេដាយមាស ស្របពេលដែលមិត្តរួមជាតិរបស់គេគឺកីឡាការិនី Shelly-Ann Fraser-Pryce ទទួលបានមេដាយប្រាក់ និង Shericka Jackson ទទួលបានមេដាយសំរិទ្ធ។
Elaine Thompson Herah វ័យ២៩ឆ្នាំ ប្រើថិរវេលា ១០.៦១វិនាទី ដែលជាកំណត់ត្រាអូឡាំពិកសម្រាប់រយៈពេល៣៣ឆ្នាំ និងបានធ្វើឱ្យនាងក្លាយជាកីឡាការិនីរត់ល្បឿនវិញ្ញាសា១០០ម៉ែត្រលឿនបំផុតទី២ក្នុងប្រវត្តិសាស្ត្រ។ បន្ទាប់ពីកីឡាការិនីអាមេរិក Florence Griffith Joyner ដែលប្រើថិរវេលា ១០.៤៩វិនាទី នៅអូឡាំពិកទីក្រុងសេអ៊ូលឆ្នាំ១៩៨៨។ ប៉ុន្តែសោកស្តាយលោកស្រីបានទទួលអនិច្ចកម្មកាលពីឆ្នាំ១៩៩៨។
ដោយឡែកកីឡាការិនី Shelly-Ann Fraser-Pryce វ័យ៣៤ឆ្នាំ ទទួលមេដាយប្រាក់ បានប្រើថិរវេលា ១០.៧៤វិនាទី។ ខណៈដែលម្ចាស់មេដាយសំរិទ្ធ Shericka Jackson វ័យ២៧ឆ្នាំ ប្រើថិរវេលា ១០.៧៦វិនាទី។ នៅក្នុងការប្រកួតជុំផ្តាច់ព្រ័ត្រដែលរួមមានកីឡាការិនីកូដឌីវ័រ Marie-Josée Ta Lou, កីឡាការិនីស្វីសទាំងពីរ Ajla Del Ponte និង Mujinga Kambundji, កីឡាការិនីសហរដ្ឋអាមេរិក Teahna Daniels និងកីឡាការិនីចក្រភពអង់គ្លេស Daryll Neita៕ (ដកស្រង់ចេញពី BBC)
ចែករំលែកព័តមាននេះ