ភ្លើងឆេះព្រៃសន្ធោសន្ធៅ ស្លា.ប់៤នាក់ ជាច្រើននាក់ទៀតភៀសខ្លួនចេញពីភូមិ
បណ្ដាសារព័ត៌មានតួកគី រាយការណ៍នាថ្ងៃទី២៩កក្កដាថា ភ្លើងឆេះព្រៃបានរាលដាលដល់បណ្ដាតំបន់ មានមនុស្សរស់នៅ ស្ថិតនៅក្បែរទីតាំងទេសចរណ៍ជាច្រើន
បណ្ដាសារព័ត៌មានតួកគី រាយការណ៍នាថ្ងៃទី២៩កក្កដាថា ភ្លើងឆេះព្រៃបានរាលដាលដល់បណ្ដាតំបន់ មានមនុស្សរស់នៅ ស្ថិតនៅក្បែរទីតាំងទេសចរណ៍ជាច្រើន
ប្រទេសតួកគី៖ បណ្ដាសារព័ត៌មានតួកគី រាយការណ៍នាថ្ងៃទី២៩កក្កដាថា ភ្លើងឆេះព្រៃបានរាលដាលដល់បណ្ដាតំបន់ មានមនុស្សរស់នៅ ស្ថិតនៅក្បែរទីតាំងទេសចរណ៍ជាច្រើន នាភាគខាងត្បូងតួកគីបណ្ដាលឲ្យមនុស្សស្លា.ប់៤នាក់និងមានការជម្លៀសមនុស្សចេញពីភូមិជាច្រើន។
ភ្លើងឆេះព្រៃកើតមានក្នុងតំបន់ព្រៃឈើMANAVGAT ALANYA ADANA NERSIN BODRUMនិង MARMARISជិតបណ្ដាទីតាំងទេសចរណ៍ នាភាគខាងត្បូងតួកគីនោះ បានឆេះរាលដាលយ៉ាងលឿនដល់បណ្ដាតំបន់មានមនុស្សរស់នៅ មកពីខ្យល់បោកបក់ខ្លាំង។ តាមទូរទស្សន៍NTVភ្លើងឆេះព្រៃបណ្ដាលឲ្យមនុស្សស្លា.ប់៤នាក់ ក្នុងនោះមានបុរសម្នាក់អាយុ២៥ឆ្នាំ ដែលទៅកាន់កន្លែងភ្លើងឆេះនៅ MARMARIS។ ផ្ទះជាច្រើនសិបខ្នង បណ្ដាចំការក្នុងភូមិជាច្រើនត្រូវភ្លើងបំផ្លាញ។ ព័ត៌មាននានារាយការណ៍ថា សត្វពាហនៈច្រើនរយក្បាលត្រូវស្លា.ប់ ព្រមទាំងផ្ទៃដីដាំដុះ ប្រមាណជា៦០០ហិកតាត្រូវភ្លើងបំផ្លាញ។
ប្រឈមមុខនឹងការឆេះរាលដាលយ៉ាងលឿននៃភ្លើងព្រៃ អាជ្ញាធរបានជម្លៀសមនុស្សចេញពីភូមិជាច្រើនសិប។ សណ្ឋាគារមួយក្នុងទីក្រុង ទេសចរណ៍BODRUMក៏ជម្លៀសមនុស្សចេញដែរ។ បណ្ដារូបភាពបង្ហាញមនុស្សម្នារត់ជ្រួលច្របល់ ដើម្បីសង្គ្រោះជីវិតពួកគេនៅតាមបណ្ដាវិថី ដែលគ្របដណ្ដប់ដោយពន្លឺក្រហមនៃអណ្ដាតភ្លើង។ រូបភាពទាំងនោះត្រូវបានផ្សាយដោយបណ្ដាសារព័ត៌មានតួកគី៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ