តាមតម្រាចារមកថា ខ្សែបាតដៃបានប្រាប់យើងឱ្យដឹងពីចរិតលក្ខណៈ និងជោគវាសនារបស់មនុស្សគ្រប់រូប ប៉ុន្តែអ្នកដែលមានខ្សែបាតដៃរាងអក្សរ M គឺមានលក្ខណៈពិសេសជាងគេ ។ តាមក្បួនទស្សន៍ទាយខ្សែបាតដៃ មនុស្សដែលមានខ្សែបាតដៃបែបអក្សរ M…
តាមតម្រាចារមកថា ខ្សែបាតដៃបានប្រាប់យើងឱ្យដឹងពីចរិតលក្ខណៈ និងជោគវាសនារបស់មនុស្សគ្រប់រូប ប៉ុន្តែអ្នកដែលមានខ្សែបាតដៃរាងអក្សរ M គឺមានលក្ខណៈពិសេសជាងគេ ។ តាមក្បួនទស្សន៍ទាយខ្សែបាតដៃ មនុស្សដែលមានខ្សែបាតដៃបែបអក្សរ M នេះគឺមានញាណពិសេសប្លែកគេតាំងពីកំណើតមក និងជាដៃគូដ៏អស្ចារ្យក្នុងការងារ និងមុខជំនួញទាំងឡាយ ។
អារម្មណ៍នៃវិញ្ញាណទី៦នេះគឺមានភាពខ្លាំងក្លាចំពោះស្ត្រី ដែលមានបាតដៃរាងអក្សរM ជាងចំពោះបុរស ប៉ុន្តែវាក៏អាស្រ័យលើបញ្ញាញាណរបស់បុគ្គលម្នាក់ៗដែរ បើអ្នកមានបញ្ញាច្រើននឹងឆាប់ដឹង ឆាប់យល់សព្វកិច្ចការបានលឿន ។
អ្នកទាំងនោះមានអំណាចក្នុងការផ្លាស់ប្តូររាល់កិច្ចការអ្វីៗដែលពួកគេត្រូវការក្នុងជីវិត ហេតុដូច្នេះហើយទើបបានជាពួកគេពូកែឆក់យកឱកាសណាស់ក្នុងជីវិតរបស់ពួកគេ ដែលអ្នកប្រាជ្ញចាត់ថាជាមនុស្សឆ្លាត ។
យោងតាមឯកសារចារពីទំនៀមបរមបុរាណបានប្រាប់ថា រាល់បព្វជិតទាំងអស់នៅសម័យដើមគឺសុទ្ធតែមានអក្សរ M នៅលើបាតដៃ ដូច្នេះប្រសិនបើអ្នកគឺជាបុគ្គលម្នាក់នៃក្រុមមនុស្សដែលមានខ្សែបាតដៃមានរាងជាអក្សរ M នោះអ្នកច្បាស់ជាមនុស្សដែលមានលក្ខណៈពិសេសណាស់ ៕ សាន សារិន
ចែករំលែកព័តមាននេះ