ប៉េត្រា គ្វីតូវ៉ា កីឡាការិនីវាយកូនបាល់លំដាប់ទី៦ នៅលើលោកជនជាតិឆែក បានធ្វើឱ្យបុរសដែលប៉ងចង់បានរូបនាងជាគូគាប់ខកចិត្ត ក្រោយពីនាងប្រកាសតាមគេហទំព័រថា បានភ្ជាប់ពាក្យជាមួយលោក រ៉ាដេក ម៉ៃដល ជាកីឡាករវាយកូនគោលលើទឹកកករួចរាល់ ។
កីឡាការិនីជើងឯកក្របខ័ណ្ឌ «Wimbledon» នៅឆ្នាំ២០១១និង២០១៤ រូបនេះ បានបង្ហើបឱ្យដឹងព័ត៌មានខាងលើតាមគេហទំព័ររបស់ខ្លួនថា រូបនាងមានសេចក្ដីសុខណាស់ដែលបានភ្ជាប់ពាក្យជាមួយលោករ៉ាដេក ម៉ៃដល ។ នាងគ្វីតូវ៉ា អាយុ២៥ឆ្នាំ ធ្លាប់សេពគប់ជាមួលោកអាដាម ផាវ្លាសេក និងលោករ៉ាដេក ស្ដេប៉ានេក ដែលជាមិត្តរួមអាជីព និងរួមប្រទេសដូចគ្នា ក្រោយមកក៏បានដើរកម្សាន្តជាមួយលោកម៉ៃដល នៅចុងឆ្នាំ២០១៤ ដែលពេលនេះបានភា្ជប់ពាក្យជាមួយគ្នាតែម្ដង ៕
ចែករំលែកព័តមាននេះ