ខេត្តបន្ទាយមានជ័យ ៖ ក្រោយអាជ្ញាធរបិទខ្ទប់ផ្សារហ៊ុយឡេង អាជីវករបាននាំគ្នាទៅលក់នៅផ្សារថ្មីក្បាលស្ពានហៅផ្សារចិនខ្មៅរយៈពេល២ថ្ងៃហើយ ស្ថិតភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ នៅថ្ងៃទី១៩ ដល់២០ ខែកក្កដា…
ខេត្តបន្ទាយមានជ័យ ៖ ក្រោយអាជ្ញាធរបិទខ្ទប់ផ្សារហ៊ុយឡេង អាជីវករបាននាំគ្នាទៅលក់នៅផ្សារថ្មីក្បាលស្ពានហៅផ្សារចិនខ្មៅរយៈពេល២ថ្ងៃហើយ ស្ថិតភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ នៅថ្ងៃទី១៩ ដល់២០ ខែកក្កដា ។ គួររំលឹកថា៖កាលពីថ្ងៃទី១៨ កក្កដា ឆ្នាំ២០២១អាជ្ញាធរបានសម្រេចបិទខ្ទប់ផ្សារហ៊ុយឡេង ដែលជាផ្សារលក់ដុំស្ថិតភូមិគោរដ្ឋាន សង្កាត់អូរអំបិល ក្រុងសិរីសោភ័ណ ក្រោយរកឃើញអាជីវករលក់ក្នុងផ្សារឆ្លងកូវីដ.១៩ចំនួន១០នាក់។
លោក ហ៊ុយ ឡេង ម្ចាស់ផ្សារហ៊ុយឡេងបានប្រាប់ថា នៅពេលដែលអាជ្ញាធរបិទខ្ទប់ផ្សារហ៊ុយឡេង ក្រោយពីរកឃើញអាជីវលក់ក្នុងផ្សារមានវិជ្ជមានកូវីដ.១៩ ដែលអនុវត្តតាមការណែនាំរបស់ក្រសួងសុខាភិបាល ដើម្បីបង្កាទប់ស្កាត់កូវីដ.១៩ មិនអោយរីករាលដាលក្នុងសហគមន៍ ។ តែផ្ទុយស្រឡះទៅវិញ រយៈពេលបិទខ្ទប់ផ្សារមិនទាន់ទាំងបាន២ថ្ងៃផង ស្រាប់តែអាជីវករបាននាំគ្នាទៅលក់នៅផ្សារថ្មីក្បាលស្ពាន ហៅផ្សារចិនខ្មៅទៅវិញ នេះជាការព្រួយបារម្ភ។
ម្ចាស់ផ្សារថ្មីក្បាលស្ពានឈ្មោះ ចិនខ្មៅ បានប្រាប់ថា រយៈពេល២ថ្ងៃនេះឃើញអាជីវករចូលមកលក់ដូរក្នុងផ្សាររបស់គាត់មានច្រើនក្រោយបិទផ្សារមួយក្នុងក្រុងសិរីសោភ័ណ ហើយអាជីវករដែលចូលលក់ គឺគាត់អោយលក់ហ្វ្រីដោយឥតគិតថ្លៃទាំងអ្នកលក់តាមកញ្ច្រែងនិងលក់តូបក្នុងផ្សារដោយអោយប្រើប្រាស់ភ្លើងនិងទឹកហ្វ្រីបើសិនជម្ងឺឆ្លងកូវីដ.១៩ត្រូវបានរលត់និងរលាយអស់អាជីវករមានសមត្ថភាពទើបបានគឹតថ្លៃតូបទឹកភ្លើង។
លោក ហ៊ឹល រ៉ាយ៉ា អភិបាលក្រុងសិរីសោភ័ណបានបញ្ជាក់ថា ផ្សារហ៊ុយឡេងគឺជាផ្សារលក់ដុំ និងលក់រាយដោយរកឃើញអាជីវករក្នុងផ្សារវិជ្ជមានកូវីដ.១៩ចំនួន១០នាក់ ទើបអាជ្ញាធរសម្រេចបិទខ្ទប់ដើម្បីទប់ស្កាត់ការរីករាលដាលក្នុងសហគមន៍ ព្រោះ
តែជីវភាពគ្រួសារអាជីវបាននាំគ្នាទៅលក់ផ្សារថ្មីក្បាលស្ពាន ហៅផ្សារចិនខ្មៅ ដែលមានទីធ្លាធំទូលាយនិងអាកាសធាតុល្អម្ចាស់អោយលក់ហ្វ្រីដោយឥតថ្លៃតូប និងភ្លើងទឹកទើបអាជីវករនាំគ្នាលក់ច្រើន៕
ចែករំលែកព័តមាននេះ