អ្នកជំនាញ ៖ ចំណូលពីផ្ទះជួលទាបខ្លាំងមិនសមតម្លៃផ្ទះ !
- ភ្នំពេញ
រាជធានីភ្នំពេញ ៖ នៅថ្ងៃទី ២០ ខែកក្កដា ឆ្នាំ ២០២១ នេះ អ្នកជំនាញខាងសេដ្ឋកិច្ច និងហិរញ្ញវត្ថុបានលើកឡើងថា…
រាជធានីភ្នំពេញ ៖ នៅថ្ងៃទី ២០ ខែកក្កដា ឆ្នាំ ២០២១ នេះ អ្នកជំនាញខាងសេដ្ឋកិច្ច និងហិរញ្ញវត្ថុបានលើកឡើងថា…
រាជធានីភ្នំពេញ ៖ នៅថ្ងៃទី ២០ ខែកក្កដា ឆ្នាំ ២០២១ នេះ អ្នកជំនាញខាងសេដ្ឋកិច្ច និងហិរញ្ញវត្ថុបានលើកឡើងថា ទម្លាប់នៃការទិញផ្ទះទុកចំណេញគួរមានការកែប្រែ ខណៈចំណូលបានមកពីការជួលផ្ទះ មានអត្រាទាបខ្លាំង បើធៀបនឹងអត្រាការប្រាក់ជាមួយធនាគារ ។
លោក ង៉ែត ជូ បានប្រាប់កោះសន្តិភាព ថា យើងអាចសង្កេតទិដ្ឋភាពជាក់ស្តែងខ្លះៗ ដែលមានបុរីជាច្រើនសម្បូរទៅដោយផ្លាកលក់ ជួល (ឬទាំងពីរ) ។ បើក្រឡេកទៅមើលតម្លៃនៃការជួលវិញ គឺទាបខ្លាំងណាស់ ដូចជាផ្ទះតម្លៃ ២៥ ម៉ឺនដុល្លារ អាចជួលបានរង្វាន់ ៥០០ ដុល្លារ ឬស្មើនឹង ០, ២ ភាគរយ ក្នុង ១ ខែ ក្នុងខណៈដែលអត្រាការប្រាក់ប្រចាំខែរបស់ធនាគារមិនតិចជាង 0, 5 ភាគរយក្នុង ១ ខែ ។ នេះមិនទាន់គិតថ្លៃជួសជុលថែទាំពន្ធអតិផរណា ។ល។
លោកបន្តថា ៖ «ខ្ញុំទទួលស្គាល់ថា ពីមុនទទួលបាន ផលចំណេញខ្ពស់គួរសម ដែលអាចទូទាត់កាត់កងចំណាយនានា ដូចដែលបានរៀបរាប់ខាងលើ ប៉ុន្តែឥឡូវមិនមែនអ៊ីចឹងនោះទេ ផ្ទះដែលទិញទុកយកចំណេញត្រូវប្រកួតប្រជែងជាមួយផ្ទះថ្មីៗ ក្នុងគម្រោងថ្មីដែលមានលក្ខខណ្ឌទិញ លក់ កាន់តែងាយស្រួល ។ និយាយរួមប្រព័ន្ធទីផ្សារទាំងមូល ដើរដោយឥរិយាបទអ្នកប្រើប្រាស់ (Consumer Behavior) និងឥទ្ធិពលផ្នែកចិត្តសាស្ត្រពីចរន្តនៃការផ្គត់ផ្គង់ ដែលមើលទៅវិស័យនេះ ហាក់ពោរពេញទៅដោយសក្តានុពលក្នុងការវិនិយោគ ចៀសជាងសនិទានភាពនៃតតម្រូវការ និងការផ្គត់ផ្គង់» ។
លោកបន្ថែមថា ខ្ញុំគិតថា យើងស្ថិតក្នុងដំណើរទៅកាន់ការកែតម្រូវដោយទីផ្សារ (Market Correction by itself) ។ ប៉ុន្តែដំណើរនេះទាមទាពេលវេលា និងកើតឡើងនៅពេលអតិថិជនយល់ច្បាស់ពីអ្វី ដែលហៅថាមិនចំណេញ ។ នៅក្នុងន័យប្រៀបធៀប មនុស្សមាឌធំ ត្រូវការខ្សែក្រវ៉ាត់វែង ប៉ុន្តែខ្សែក្រវ៉ាត់វែងមិនអាចធ្វើឱ្យមនុស្សមានមាឌធំនោះទេ» ៕
ចែករំលែកព័តមាននេះ