វ៉ាក់សាំង ស៊ីណូវ៉ាក់ ៤០ម៉ឺនដូស ចាក់ជូនប្រជាពលរដ្ឋ ៣ស្រុក ក្នុងខេត្តព្រៃវែង
- ព្រៃវែង
ព្រៃវែង៖ នៅព្រឹកថ្ងៃទី១២ ខែកក្កដានេះ ខេត្តព្រៃវែង បានរៀបចំចាក់សាំង ជូនប្រជាពលរដ្ឋចំនួន ៣ ស្រុកហើយ គឺស្រុកកំពង់ត្របែក ស្រុកពាមរក៍…
ព្រៃវែង៖ នៅព្រឹកថ្ងៃទី១២ ខែកក្កដានេះ ខេត្តព្រៃវែង បានរៀបចំចាក់សាំង ជូនប្រជាពលរដ្ឋចំនួន ៣ ស្រុកហើយ គឺស្រុកកំពង់ត្របែក ស្រុកពាមរក៍…
ព្រៃវែង៖ នៅព្រឹកថ្ងៃទី១២ ខែកក្កដានេះ ខេត្តព្រៃវែង បានរៀបចំចាក់សាំង ជូនប្រជាពលរដ្ឋចំនួន ៣ ស្រុកហើយ គឺស្រុកកំពង់ត្របែក ស្រុកពាមរក៍ និងស្រុកពារាំង។
របាយការណ៍របស់រដ្ឋបាលខេត្តព្រៃវែង បានបញ្ជាក់ថា វ៉ាក់សាំង ដែលចាក់ឲ្យប្រជាពលរដ្ឋទាំងបីស្រុកនេះ គឺជាប្រភេទវ៉ាក់សាំង ស៊ីណូវ៉ាក់ ដែលមានចំនួន ៤០ម៉ឺនដូស បានចាប់ផ្ដើមចាក់ជូនប្រជាពលរដ្ឋ ក្នុងស្រុកទាំង៣ ចាប់ពីព្រឹកថ្ងៃទី១២ កក្កដានេះទៅ រហូតដល់អស់។
របាយការណ៍ដដែលនេះ បានបញ្ជាក់ទៀតថា វ៉ាក់សាំង ៤០ម៉ឺនដូសនេះ ត្រូវបានបែងចែកជា ៣ ក្នុងនោះ ស្រុកពាមរក៍ទទួលបាន ៧២ ៣៧៤ដូស ស្រុកពារាំង ទទួលបាន ១៦២ ៨៣២ដូស និងស្រុក កំពង់ត្របែក ទទួលបាន ១៦២ ៥៥០ដូស។
គួរបញ្ជាក់ផងដែរថា នេះជាលើកទី២ ហើយ ដែលក្រសួងសុខាភិបាល បានផ្តល់ជូនវ៉ាក់សាំង សម្រាប់ចាក់ជូនប្រជាពលរដ្ឋ ក្នុងខេត្តព្រៃវែង ដែលលើកទីមួយ គឺបានចាក់កាលពីថ្ងៃទី៨ កក្កដា នៅក្នុងក្រុងព្រៃវែង ហើយនេះ ជាលើកទីពីរ គឺចាប់ផ្ដើមចាក់នៅក្នុងស្រុកទាំងបីខាងលើ គឺស្រុកកំពង់ត្របែក ស្រុកពាមរក៍ និងស្រុកពារាំង៕ សុំ ពៅពិសិដ្ឋ
ចែករំលែកព័តមាននេះ