គួរប្រតិបត្តិបែបណានៅពេលស្ត្រីមានផ្ទៃពោះជួបបញ្ហារលាកតម្រងនោម?
ស្ត្រីមានផ្ទៃពោះភាគច្រើនតែងជួបបញ្ហារលាកតម្រងនោមជាញឹកញាប់ ហើយការរលាកតម្រងនោមនេះ អាចបណ្តាលមកពីកត្តាស្បូនកាន់តែរីកធំដោយសារការលូតលាស់របស់ទារកសង្កត់…
ស្ត្រីមានផ្ទៃពោះភាគច្រើនតែងជួបបញ្ហារលាកតម្រងនោមជាញឹកញាប់ ហើយការរលាកតម្រងនោមនេះ អាចបណ្តាលមកពីកត្តាស្បូនកាន់តែរីកធំដោយសារការលូតលាស់របស់ទារកសង្កត់ទៅលើតម្រងនោម ។ ម្យ៉ាងទៀតអាចបណ្តាលមកពីកង្វះអនាម័យប្រដាប់ភេទក៏ជាដើមហេតុបង្កឲ្យរលាកតម្រងនោមបានដែរ ។
លោកសាស្ត្រាចារ្យមហាបរិញ្ញាវេជ្ជបណ្ឌិត ថុង សុខហ៊ាន ឯកទេសវះកាត់ជំងឺទូទៅ និងប្រព័ន្ធមូត្រសាស្ត្រនៃមន្ទីរពេទ្យព្រះកុសុមៈបានប្រាប់កោះសន្តិភាពឱ្យដឹងថា ស្ត្រីពពោះ ហើយរលាកតម្រង់នោមមានលេចចេញរោគសញ្ញាមួយចំនួនដូចជា៖
-ឈឺខាក្រោមថ្ងាស
– មានអារម្មណ៍ឈឺគ្រប់កន្លែងនៃផ្នែកចង្កេះ
– ក្តៅខ្លួន, ក្អក
– ឈឺសន្លាក់
-ក្តៅក្រហល់ក្រហាយត្រង់ត្រគាក ។
នៅពេលដែលមានរោគសញ្ញាទាំងនេះកើតឡើង ស្ត្រីគប្បីទៅពិភាក្សាជាមួយគ្រូពេទ្យដើម្បីរកដំណោះស្រាយ ។ នៅពេលទៅជួបជាមួយគ្រូពេទ្យអាចនឹងពិនិត្យមើលទឹកនោម។ ដូច្នេះដើម្បីការពារកុំឲ្យកើតមានបញ្ហានេះស្ត្រីមានផ្ទៃពោះគ្រប់រូបគួរអនុវត្តតាមវិធីសាស្ត្រខាងក្រោម ៖
-ទទួលទានថ្នាំតាមវេជ្ជបញ្ជា
-លាងសំអាតប្រដាប់ភេទដោយទឹកស្អាត មិនត្រូវប្រើប្រាស់សាប៊ូឡើយ
-នៅពេលលាងសំអាតប្រដាប់ភេទ ត្រូវចាក់ទឹកពីមុខ ហើយលូកដៃឆ្វេងដុះលាងសំអាតពីខាងក្រោយ
-ស្ត្រីពពោះគប្បីដេកផ្អៀងមកខាងឆ្វេង
-កុំប្រឹងទប់ទឹកនោម ត្រូវបញ្ចេញមកក្រៅ
-ទទួលទានទឹកឲ្យបានច្រើន
-ប្រសិនបើការប្រើប្រាស់ថ្នាំហើយ នៅតែមិនមានប្រសិទ្ធភាពគួរប្រញាប់ទៅពិភាក្សាជាមួយគ្រូពេទ្យសាជាថ្មី ។
ស្ត្រីដែលកំពុងពពោះគួរចាំថា នៅពេលដែលមានបញ្ហាសុខភាពពិសេសរលាកតម្រងនោមមិនត្រូវប្រើប្រាស់ឱសថតាមចិត្តចង់នោះទេ ព្រោះថ្នាំអាចបង្កផលប៉ះពាល់សុខភាពទារកនៅក្នុង
ផ្ទៃ គួរទៅពិភាក្សាជាមួយគ្រូពេទ្យទើបជាការប្រសើរ ៕
ចែករំលែកព័តមាននេះ