ក្រុមហ៊ុនសាំស៊ុងបានកំណត់យកថ្ងៃទី៥ មករា ២០១៦ ពីម៉ោង២ដល់ម៉ោង២និង៤៥នាទីដើម្បីបង្ហាញផលិតផលថ្មីរបស់ខ្លួនដែលគេរំពឹងថា ជាស្មាតហ្វូន ស្ថិតក្នុងត្រកូល Galaxy គឺ Galaxy S7 និង Galaxy S7 Edge ។ Galaxy A3, A5, A7 និង Galaxy A9 ក៏នឹងត្រូវប្រកាសជាមួយគ្នាផងដែរ ។
ការប្រកាសនេះធ្វើឡើងមុនព្រឹតិ្តការណ៍បង្ហាញផលិតផលអេឡិចត្រូនិកដល់អតិថិជនហៅកាត់ថា CES ប្រចាំឆ្នាំ២០១៦នៅថ្ងៃទី ៦ មករា ក្រុងឡាសវេហ្គាស សហរដ្ឋអាមេរិក ។ ក្រុមហ៊ុនសាំសុ៊ងនៅឆ្នាំ២០១៦ មានយុទ្ធសាស្ត្រទីផ្សារថ្មីរបស់ខ្លួន ពោលគឺបញ្ចេញផលិតផលថ្មីឱ្យបានមុនក្រុមហ៊ុន Apple និងបន្តការនាំចេញស្មាតហ្វូនទ្រង់ទ្រាយធំទៅកាន់ពិភពលោកដដែល ។
ថ្មីៗនេះក្រុមហ៊ុនទើបតែបង្ហាញផលិតផលអេក្រង់យក្សប្រភេទ Tablet គឺ Galaxy View ទំហំដល់១៨.៤អ៊ីញ ដើម្បីប្រកួតប្រជែងជាមួយនឹង iPad pro របស់ក្រុមហ៊ុន Apple ៕ជួប សុខជា
ចែករំលែកព័តមាននេះ