ខេត្តតាកែវ ៖ ជនសង្ស័យចំនួន ៥នាក់ តែរត់គេចខ្លួនបាត់ម្នាក់ ជាប់ពាក់ព័ន្ធករណីអំពើលួច(ម៉ូតូ) នារសៀលថ្ងៃទី០៨ ខែកក្កដា ឆ្នាំ២០២១ ត្រូវបានការិយាល័យព្រហ្មទណ្ឌទៅកំរិតស្រាលខេត្តបញ្ជូនខ្លួនទៅសាលាដំបូងខេត្ត ដើម្បីចាត់ការតាមច្បាប់នេះ បើតាមសំដីលោកវរៈសេនីយ៍ឯកយ៉ាង ញ៉ីវ ប្រធានការិយាល័យ។
លោកប្រធានការិយាល័យព្រហ្មទណ្ឌកំរិតស្រាលខេត្ត បានបន្តទៀតថា ក្នុងករណីនេះដែរ គឺមានការសម្របសម្រួលពីលោកជីវ ចាន់តារា ព្រះរាជអាជ្ញាអមសាលាដំបូងខេត្តតាកែវ កម្លាំងជំនាញលោកសហការនឝរបាលក្រុងដូនកែវ និងកម្លាំងសមត្ថកិច្ចជំនាញអធិការដ្ឋាននគរបាលខណ្ឌដង្កោ និងប៉ុស្តិ៍នគរបាលរដ្ឋបាលសង្កាត់ព្រៃវែងខណ្ឌដង្កោ រាជធានីភ្នំពេញ ឃាត់ខ្លួនជនសង្ស័យចំនួន០៤នាក់ (ប្រុស) ។
ក្នុងចំណោមបក្សពួក០៥នាក់ ដែលមានឈ្មោះដូចខាងក្រោម ៖ ១-ឈ្មោះ ចេង វណ្ណដែង ភេទប្រុស អាយុ១៧ឆ្នាំ ជនជាតិខ្មែរ មុខរបរ មិនពិតប្រាកដ ។
២-ឈ្មោះ ហ៊ិន ធូ ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ ។
៣-ឈ្មោះ យន់ សុខចាន់ (ហៅ ចាំង) ភេទប្រុស អាយុ១៥ឆ្នាំ ជនជាតិខ្មែរ មុខរបរមិនពិតប្រាកដ ។
៤-ឈ្មោះ អ៊ុក ចាន់នី(ហៅសូនី) ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ ។
៥- ឈ្មោះ ពូន ឧត្តម ភេទប្រុស (គេចខ្លួន) ជនសង្ស័យទាំង០៥ នាក់មានទីលំនៅភូមិបូរ សង្កាត់ព្រៃវែង ខណ្ឌដង្កោ រាជធានីភ្នំពេញ ។
សូមរំលឹកដែរថា ករណីអំពើលួចកាច់សោកម៉ូតូបានកើតឡើងកាលពីថ្ងៃទី០៦ ខែកក្កដា ឆ្នាំ២០២១ វេលាម៉ោង០៣និង៣០នាទីនៅចំនុចភូមិព្រៃព្រហ្ម សង្កាត់រកាក្នុង ក្រុងដូនកែវ ខេត្តតាកែវ ត្រូវបានជនសង្ស័យមួយក្រុមធ្វើសកម្មភាពលួចកាច់សោកម៉ូតូមួយគ្រឿងម៉ាក ស៊ុយស៊ូគីវីវ៉ា ពណ៌ខ្មៅ ពាក់ស្លាកលេខភ្នំពេញ1AD-9288 របស់ជនរងគ្រោះឈ្មោះ ស៊ិន ស៊ីដែន ភេទប្រុស អាយុ២៧ឆ្នាំ មុខរបរកម្មកររោងចក្រ មានទីលំនៅភូមិឃុំកើតហេតុខាងលើ វត្ថុតាងដែលនគរបាលដកហូតបានរួមមាន ៖ ម៉ូតូ០១គ្រឿង (ឧបករណ៍សោកែឆ្នៃ) សម្រាប់ធ្វើសកម្មភាព០១ដើម ។
បច្ចុប្បន្នជំនាញកុំពុងបញ្ជូនជនសង្ស័យ រួម និងវត្ថុតាងទៅកាន់សាលាដំបូងខេត្តតាកែវ និងស្វែងរកបក្សពួកគេចខ្លួនយកមកផ្តន្ទាទោសតាមផ្លូវច្បាប់ផងដែរ ៕
ចែករំលែកព័តមាននេះ