រាជធានីភ្នំពេញ ៖ ឃ្លាំងស្តុករោង តុ ការនិងគ្រឿង រៀបចំតុបតែង ក្នុងពិធីមង្គលការនិងបុណ្យផ្សេងៗ ត្រូវបានអគ្គិភ័យឆាបឆេះអស់ប្រមាណជាង១ម៉ោងបណ្តាលអោយរងការខូចខាតទាំងស្រុងរួមជាមួយរថយន្ត២គ្រឿង និងម៉ូតូ២គ្រឿង គិតជាប្រាក់ប្រមាណ១៥ម៉ឺនដុល្លារ…
រាជធានីភ្នំពេញ ៖ ឃ្លាំងស្តុករោង តុ ការនិងគ្រឿង រៀបចំតុបតែង ក្នុងពិធីមង្គលការនិងបុណ្យផ្សេងៗ ត្រូវបានអគ្គិភ័យឆាបឆេះអស់ប្រមាណជាង១ម៉ោងបណ្តាលអោយរងការខូចខាតទាំងស្រុងរួមជាមួយរថយន្ត២គ្រឿង និងម៉ូតូ២គ្រឿង គិតជាប្រាក់ប្រមាណ១៥ម៉ឺនដុល្លារ ហើយភ្លើង បានឆេះរាលដាលទៅឃ្លាំងស្តុកដែកអន្ទារអស់ប្រមាណ៥០ភាគរយ និងឆេះរោល ជញ្ជាំងផ្ទះ អ្នកជិតខាងផងដែរ។ ហេតុការណ៍នេះ បានកើតឡើងកាលពីវេលាម៉ោងប្រមាណ១១និង១៥នាទីព្រឹកថ្ងៃទី០៦ ខែកក្កដា ឆ្នាំ ២០២១នៅចំណុចផ្ទះលេខ ១៥ផ្លូវលំ ភូមិ៤ សង្កាត់ច្រាំងចំរេះទី១ ខណ្ឌឬស្សីកែវ រាជធានីភ្នំពេញ។ នៅក្នុងហេតុការណ៍នោះរថយន្ត ពន្លត់អគ្គីភ័យ ជាច្រើន គ្រឿងបានទៅអន្តរាគមន៍បាញ់ពន្លត់។
ឃ្លាំងដែលត្រូវភ្លើងឆាបឆេះនោះ ត្រូវបាននគរបាលអោយដឹងថា មានទំហំប្រមាណ១៦ម៉ែត្រគុណ ២៣ម៉ែត្រ ប្រក់ និងបាំងបិទទៅដោយ ស័ង្កសី ដែលមានម្ចាស់ឈ្មោះអ៊ុន សុខឈាន់ ភេទប្រុស អាយុ៣២ឆ្នាំ មុខរបររកស៊ីធ្វើរោងការ និងរៀបចំតុបតែងក្នុងពិធីបង្គលការមានលំនៅ បុរីឡាចគង់ សង្កាត់ច្រាំងចំរេះទី២ ខណ្ឌឬស្សីកែវ ។ តាមព័ត៌មានអោយដឹងថា នៅមុនពេល កើតហេតុម្ចាស់ ពុំបាននៅឃ្លាំងឡើយ ។នៅសល់តែកម្មករចំនួន៣នាក់ ស្រាប់តែភ្លើងបានឆាបឆេះឡើងពេញបន្ទុកនិងឆេះរាលដាលយ៉ាងសន្ធោសន្ធៅ ហើយ ឆេះរាលដាល់យ៉ាងឆាប់រហស័ទៅគ្រឿងតុបតែងរោងតែម្តង។
ទាក់ទិនការកើតមានអគ្គិភ័យនេះ ត្រូវបានកម្មករអោយដឹងថា បណ្តាលមកពីទុស្សេខ្សែភ្លើងចេញពីបន្ទប់ទី២ របស់កម្មករស្នាក់នៅហើយ បានឆេះរាលដាល់ទៅសម្ភារទាំងមូល។ ដោយសារតែគ្រឿងតុបតែង, រថយន្ត,ម៉ូតូនិងកំរាលព្រំ រួមសម្ភារះងាយឆេះ ភ្លើងបានឆាបឆេះយ៉ាងសន្ធោសន្ធៅអស់រយៈពេលជាង១ម៉ោង ទើបទប់ស្កាត់បាន។ តាមនគរបាលការិយាល័យ បង្ការ ពន្លត់អគ្គីភ័យ និងសង្គ្រោះ នៃស្នងការនគរបាលរាជធានីភ្នំពេញ បានអោយដឹងថា នៅក្នុងហេតុការណ៍ អគ្គិភ័យនេះ រថយន្ត ពន្លត់អគ្គីភ័យចំនួន២២គ្រឿង ទៅអន្តរាគមន៍បាញ់ពន្លត់ ក្នុងនោះនោះរថយន្ត ការិយាល័យអគ្គីភ័យចំនួន១៨គ្រឿង,រថយន្តក្រសួងមហាផ្ទៃ១គ្រឿង ,រថយន្តសាលាខណ្ឌឫស្សីកែវចំនួន១គ្រឿង,រថយន្តក្រុមហ៊ុនស្រាបៀរកម្ពុជា១គ្រឿងនិងរថយន្តក្រុមហ៊ុនប្រេងឥន្ទនៈសាវីម៉ីច១គ្រឿង បានបាញ់ពន្លត់អស់ប្រមាណជាង១ម៉ោង ហើយភ្លើង បានរលត់ទៅវិញនៅវេលាម៉ោងប្រមាណ១២និង៥៥នាទីស្របពេលដែលភ្លៀងធ្លាក់។ទោះបីជាយ៉ាងភ្លើង បានឆាបឆេះរងការខូចខាតទាំងស្រុង ។
ផ្សេងទៀតរួមជាមួយ រថយន្ត ចំនួន២គ្រឿង និងម៉ូតូចំនួន ២គ្រឿងទាំងស្រុង ព្រមទាំងឆេះរាលដាល់ទៅ ឃ្លាំងស្តុកទុកដែកជន្ទារ ទំហំប្រមាណ១២ម៉ែត្រគុណនឹង២៣ម៉ែត្រ អស់ប្រមាណ៥០ភាគរយ និងឆេះរោលៗជញ្ជាំងផ្ទះអ្នកជិតខាង១ខ្នងអស់ប្រមាណ១០ភាគរយ។ ទោះបីជាយ៉ាងណា ពុំបណ្តាលអោយមនុស្សរងគ្រោះថ្នាក់ឡើយ ។ តាមម្ចាស់ឃ្លាំងដើមភ្លើង បានអោយដឹងថា អគ្គីភ័យ បានបំផ្លាញសម្ភារះគិតជាប្រាក់ប្រមាណ១៥ម៉ឺនដុល្លារ ៕
ចែករំលែកព័តមាននេះ