Apple Watch លក់សរុប១២លានគ្រឿងក្នុងឆ្នាំ២០១៥
យោងតាមលោកដានីញ៉ែល អ៊ីវែសជាអ្នកវិភាគប្រចាំក្រុមហ៊ុន FBR & Co ឱ្យដឹងថា នាឡិកាអេឡិចត្រូនិករបស់ក្រុមហ៊ុនអាមេរិក Apple គឺ Apple Watch បានលក់ដាច់ចំនួន ១២លានគ្រឿងក្នុងឆ្នាំ២០១៥…
យោងតាមលោកដានីញ៉ែល អ៊ីវែសជាអ្នកវិភាគប្រចាំក្រុមហ៊ុន FBR & Co ឱ្យដឹងថា នាឡិកាអេឡិចត្រូនិករបស់ក្រុមហ៊ុនអាមេរិក Apple គឺ Apple Watch បានលក់ដាច់ចំនួន ១២លានគ្រឿងក្នុងឆ្នាំ២០១៥ ក្រោយពីលេចរូបរាងកាលពីខែសីហា ។
ទោះបីតួលេខមិនបានហក់ឡើងខ្ពស់ក៏ពិតមែន តែវានៅតែជាលទ្ធផលវិជ្ជមានសម្រាប់ក្រុមហ៊ុន ។ ទន្ទឹមគ្នានេះដែរក្រុមហ៊ុនបានលក់នាឡិកាអេឡិចត្រូនិកចំនួន៣លានគ្រឿងក្នុងរយៈពេល៨០ថ្ងៃដំបូង ។ លោកដានីញ៉ែល អុីវែស បានប្រាប់ពីមូលហេតុដែលចំនួនការលក់មិនបានហក់ឡើងខ្ពស់ដូចការលក់ទូរស័ព្ទiphone ស៊េរីថ្មី ពោលគឺមកពីការផលិតនាឡិកា Apple Watch ក្រោយគេ ខណៈក្រុមហ៊ុនមួយចំនួនដូចជា Pebble, Samsung, LG និងក្រុមហ៊ុនបច្ចេកវិទ្យាផ្សេងទៀតបានដណ្តើមទីផ្សារមុន ។
នាឡិកា Apple Watch បានប្រកាសជាផ្លូវការកាលពីខែសីហា ហើយមានម៉ូដែលច្រើនម៉ូដសម្រាប់ជ្រើសរើសដូចជាម៉ូដែល Watch Sport, Watch Edition និងម៉ូដែល Watch ដែលមានពីរទំហំ គឺទំហំ៤១មីលី្លម៉ែត្រ និងទំហំ ៣៨មីល្លីម៉ែត្រ ។ ពួកវាមានតម្លៃចាប់ពី៦០០ ដុល្លាររហូតដល់១.០០០ដុល្លារឯណោះ ៕
ចែករំលែកព័តមាននេះ