ភ្នំពេញ៖ នារីវ័យក្មេងម្នាក់ បានបង្កឲ្យមានការភ្ញាក់ផ្អើលកើតឡើងយ៉ាងខ្លាំង ទៅដល់អ្នកដំណើរតាមផ្លូវ និងកម្លាំងនគរបាលចរាចរណ៍ ប្រចាំការនៅគោលដៅក្បែរស្ពានអាកាសក្បាលថ្នល់ ទៅជួយ ចាប់ឃាត់ មិនអោយលោតចូលទៅក្នុងទឹក ខណៈដែលរូបនាងឡើង…
ភ្នំពេញ៖ នារីវ័យក្មេងម្នាក់ បានបង្កឲ្យមានការភ្ញាក់ផ្អើលកើតឡើងយ៉ាងខ្លាំង ទៅដល់អ្នកដំណើរតាមផ្លូវ និងកម្លាំងនគរបាលចរាចរណ៍ ប្រចាំការនៅគោលដៅក្បែរស្ពានអាកាសក្បាលថ្នល់ ទៅជួយ ចាប់ឃាត់ មិនអោយលោតចូលទៅក្នុងទឹក ខណៈដែលរូបនាងឡើង ទៅលើបង្កាន់ដៃស្ពានព្រះមុនីវង្សចាស់ ប៉ុនប៉ងលោតធ្វើអត្តឃាត សម្លាប់ខ្លួនឯង។
នារីម្នាក់នេះ កាលពី ១ខែមុន បានបង្កការភ្ញាក់ផ្អើលម្ដងរួចទៅហើយ ដោយប៉ុនប៉ងលោតសម្លាប់ខ្លួនពីលើស្ពានជ្រោយចង្វារ នឹងត្រូវបានគេចាប់ឃាត់ទាន់ ហើយប៉ុន្មានថ្ងៃមុននេះ នៅក្នុងខណ្ឌដង្កោម្ដងដែរ ហើយត្រូវបានគេនាំគ្នារៃអង្គាស បានលុយមួយចំនួន ទៅឲ្យនាង ដើម្បីបន្តដំណើរចេញទៅបាត់ទៅ។
ករណីនេះ បានបង្កការភ្ញាក់ផ្អើល កើតឡើង កាលពីវេលាម៉ោង ៣ និង ៤៥នាទីរសៀលថ្ងៃទី២៤ ខែមិថុនា ឆ្នាំ២០២១ នៅចំណុចស្ពានព្រះមុនីវង្សចាស់ ក្នុងសង្កាត់ទន្លេបាសាក់ ខណ្ឌចំការមន។
មន្ត្រីនគរបាលចរាចរណ៍ ប្រចាំការនៅក្បែរស្ពានអាកាសក្បាលថ្នល់ បានប្រាប់ឲ្យដឹងថា មុនពេលកើតហេតុ គេបានឃើញនារីវ័យក្មេងម្នាក់ មានទឹកមុខស្ងួតស្រងូតស្រងាត់ បានដើរទៅលើស្ពានព្រះមុនីវង្សចាស់ ដោយក្នុងដៃមានកាន់ថង់ខោអាវមួយថង់ផងដែរ។ លុះទៅដល់ជិតពាក់កណ្ដាលស្ពាន ក៏បានដើរលើបង្កាន់ដៃស្ពានប៉ុនប៉ងលោតចូលក្នុងទឹកទន្លេ។
ប្រភពដដែល បានប្រាប់បន្តទៀតថា ដោយឃើញបែបនោះ ក៏បង្កការភ្ញាក់ ហើយទៅដល់អ្នកធ្វើដំណើរតាមផ្លូវចោមរោមមើល និងរាយការណ៍មកដល់ពួកគាត់ ដែលជាកម្លាំងមានសមត្ថកិច្ចប្រចាំការ នៅគោលដៅខាងលើឲ្យទៅជួយឃាត់យកមកទុក ដើម្បីរាយការណ៍ទៅកាន់កម្លាំងមានសមត្ថកិច្ចមូលដ្ឋាន។
ពេលដែលមានហេតុការណ៍ នារីវ័យក្មេងម្នាក់ប៉ុនប៉ងលោតសម្លាប់ខ្លួនពីលើស្ពានព្រះមុនីវង្សចាស់នេះដែរ ក៏បង្កការភ្ញាក់ផ្អើលកើតឡើង ទៅដល់មនុស្សជាច្រើន នាំគ្នាមកចោមមើល និងត្រូវបានគេស្គាល់ថា រូបនាង កាលពីមួយខែមុន ធ្លាប់បង្កការភ្ញាក់ផ្អើលកើតឡើងម្ដង ដោយប៉ុនប៉ងលោតទឹកសម្លាប់ខ្លួន ពីលើស្ពានជ្រោយចង្វារ ហើយត្រូវបានតែឃាត់ទាន់ និងរៃអង្គាសលុយគ្នាបានមួយចំនួន ឱ្យនាងម្ដងរួចមកហើយ។
មិនតែប៉ុណ្ណោះនៅប៉ុន្មានថ្ងៃមុននេះ រូបនាង ក៏បង្កការភ្ញាក់ផ្អើលនៅឯខណ្ឌដង្កោម្ដងដែរ និងត្រូវបានគេរៃអង្គាស បានប្រាក់មួយចំនួន ឲ្យទៅនាង ហើយក៏បន្តដំណើរចេញបាត់ទៅ។ លុះមកដល់ពេលនេះ ក៏ស្រាប់តែលេចមុខនាងចេញមកបង្កការភ្ញាក់ផ្អើលសាជាថ្មីម្ដងទៀត នៅលើស្ពានព្រះមុនីវង្សចាស់នេះ។
ក្រោយពេលកើតហេតុ ក្រោយពីទទួលដំណឹងអំពីសំណាក់កម្លាំងនគរបាលចរាចរណ៍ ឈរជើងនៅគោលដៅក្បែរស្ពានអាកាសក្បាលថ្នល់ថា មាននារីម្នាក់ ប៉ុនប៉ងលោតសម្លាប់ខ្លួនពីលើស្ពានព្រះមុនីវង្សចាស់ នឹងត្រូវបានពួកគាត់ឃាត់ទាន់នោះ ក៏បានចុះមកមើល ហើយមានមនុស្សជាច្រើននាក់ បានដឹង និងស្គាល់រូបនាង តែងតែបង្កការភ្ញាក់ផ្អើលជាច្រើនលើកច្រើនសារមកហើយ ទើបធ្វើការណែនាំនាង ក៏បន្តដំណើរចេញ ទៅបាត់ទៀតទៅ៕ ភី ផល
ចែករំលែកព័តមាននេះ