សត្វពស់ថ្លាន់ជាង៤០ក្បាល ត្រូវយកទៅលែងចូលព្រៃអភិរក្សវិញ
- កំពង់ឆ្នាំង
ខេត្តកំពង់ឆ្នាំង ៖ ពស់ថ្លាន់ចំនួន៤១ក្បាល ត្រូវបានមន្ត្រីឧទ្យាននុរក្ស សហការជាមួយក្រុមអន្តរាគមន៍បង្ក្រាប សត្វព្រៃចលត័
ខេត្តកំពង់ឆ្នាំង ៖ ពស់ថ្លាន់ចំនួន៤១ក្បាល ត្រូវបានមន្ត្រីឧទ្យាននុរក្ស សហការជាមួយក្រុមអន្តរាគមន៍បង្ក្រាប សត្វព្រៃចលត័ យកទៅលែងចូលព្រៃអភិរក្យធម្មជាតិ ចំណុចឡូត៌ អភិរក្សភូមិស្លត ឃុំផ្លូទូក ស្រុកកំពង់លែង ។ សកម្មភាពលែងសត្វពស់ថ្លាន់នេះបានធ្វើឡើងកាលពីរសៀល ថ្ងៃទី២៤ ខែមិថុនា ឆ្នាំ២០២១។
ក្រុមមន្ត្រីឧទ្យានអនុរក្សខេត្តកំពង់ឆ្នាំង ដែលបានចូលរួម ក្នុងការយកពស់ថ្លាន់ ទាំង៤១ក្បាល ទៅលែងក្នុងដែនឡូត៍អភិរក្ស ចំណុចខាងលើ បានអោយដឹងថា សត្វពស់ថ្លាន់ទាំងនេះ ត្រូវបានក្រុមឧទ្យានុរក្សនិងក្រុមអន្តរាគមន៍បង្ក្រាបសត្វព្រៃចលត័ បានប្រមូលយកពីភ្នំតាម៉ៅ ៣៧ក្បាល និងចាប់ពីឈ្មួញរកស៊ីសត្វព្រៃ ក្នុងរាជធានីភ្នំពេញចំនួន៤ក្បាល ។
តាមប្រភពដដែលបានបន្តថា៖ កន្លងមក ក្រុមមន្ត្រីឧទ្យានអនុរក្សខេត្តកំពង់ឆ្នាំង និង ក្រុមអន្តរាគមន៍បង្ក្រាបសត្វព្រៃចលត័ តែងតែ យកសត្វព្រៃ មានដូចជាពស់អណ្តើក កន្ឋាយ និងសត្វស្លាប ផ្សេងៗ យកមកលែង នៅចំណុចដែនឡូត៍អភិរក្សស្លត ក្នុងឃុំផ្លូវទូក ស្រុកកំពង់លែងជាញឹកញាប់ ព្រោះថា៖ តំបន់នេះ មានសុវត្តិភាព ដល់ការរស់នៅ របស់សត្វទាំងនោះ និងម្យ៉ាងវិញ សំបូរដោយព្រៃលិចទឹក និងចំណី ដែលអាចឱ្យ សត្វទាំងនោះរស់ និងបន្តពូជឡើងវិញបានផងដែរ ។
ក្រុមឧទ្យាអនុរក្សក៍បានធ្វើការអំពាវនាវដល់បងប្អូនប្រជាពលរដ្ឋនៅក្នុងតំបន់ដែលលែងសត្វខាងលើក្តី នៅក្រៅតំបន់នោះក្ដី សូមជួយថែរក្សាការពារនិងអភិរក្សសត្វព្រៃគ្រប់ប្រភេទ កុំសម្លា.ប់ និងកុំកា.ប់បំផ្លាញព្រៃលិចទឹកដែលជំរកសត្វព្រៃ និងជីវចម្រុះគ្រប់ប្រភេទផងដែរ៕
ចែករំលែកព័តមាននេះ