Euro 2020 ៖ រហូតមកដល់ពេលនេះ មានប៉ុន្មានក្រុមហើយកក់កៅអីវគ្គ១៦ក្រុមចុងក្រោយ?
អន្តរជាតិ ៖ គិតមកដល់ថ្ងៃទី២២ ខែមិថុនា ឆ្នាំ២០២១ នេះ ការប្រកួតនៅវគ្គសន្សំពិន្ទុនៃព្រឹត្តិការណ៍ Euro 2020 បានរកឃើញ
អន្តរជាតិ ៖ គិតមកដល់ថ្ងៃទី២២ ខែមិថុនា ឆ្នាំ២០២១ នេះ ការប្រកួតនៅវគ្គសន្សំពិន្ទុនៃព្រឹត្តិការណ៍ Euro 2020 បានរកឃើញក្រុមតំណាងប្រទេសចំនួន១១ហើយ ដែលកក់កៅអីនៅវគ្គ១៦ក្រុមចុងក្រោយ។ ក្នុងនោះរួមមាន អ៊ីតាលី, បែលហ្ស៊ីក, ហូឡង់, វែលស៍, ដាណឺម៉ាក, អូទ្រីស, ស្វីស, សាធារណរដ្ឋឆែក, អង់គ្លេស, ស៊ុយអែត និងបារាំង។
ក្នុងចំណោមទាំង១១ក្រុម ដែលបានកក់កៅអីនៅវគ្គ១៦ក្រុមចុងក្រោយនេះ ត្រូវបានបែងចែកតាមចំណាត់ថ្នាក់ទៅតាមពូលនីមួយៗ ដូចជា ៖
អ៊ីតាលី (ពូល A), បែលហ្ស៊ីក (ពូល B) និង ហូឡង់ (ពូល C) គឺជាក្រុមឈរកំពូលតារាងក្នុងពូលរៀងៗខ្លួន។ ដោយទាំង៣ក្រុមនេះ មាន៩ពិន្ទុពេញបានពីការប្រកួតទាំង៣ជុំ។ចំណែកឯ វែលស៍ (៤ពិន្ទុក្នុងពូល A), ដាណឺម៉ាក (៣ពិន្ទុក្នុងពូល B) និង អូទ្រីស (៦ពិន្ទុក្នុងពូល C) គឺជាក្រុមចំណាត់ថ្នាក់លេខ២ នៅក្នុងពូលរៀងៗខ្លួន។
ដោយឡែក ស្វីស នៅក្នុងពូល A ក្រោយបញ្ចប់ការប្រកួត៣ជុំ នៅចំណាត់ថ្នាក់លេខ៣ មាន៤ពិន្ទុ បានឡើងទៅវគ្គ១៦ក្រុមចុងក្រោយ ក្នុងនាមជាក្រុមលេខ៣ល្អ។ ស្របពេលដែល សាធារណរដ្ឋឆែក (ពូល D), អង់គ្លេស (ពូល D), ស៊ុយអែត (ពូល E) និងបារាំង (ពូល F) ក៏បានកក់កៅអីវគ្គ១៦ក្រុមចុងក្រោយស្វ័យប្រវត្តិ បើទោះជាលេងទើបតែបាន២ប្រកួតក៏ដោយ។ ដោយសារទាំង៤ក្រុមនេះ រកបាន៤ពិន្ទុក្នុងពូលរៀងៗខ្លួន។ មានន័យថា ប្រសិនបើមិនអាចយកបានលេខ១ ឬលេខ២ ក្រោយបញ្ចប់ការប្រកួតជុំទី៣ ក៏ពួកគេនៅតែជាក្រុមលេខ៣ល្អ៕
ចែករំលែកព័តមាននេះ