រដ្ឋបាលខេត្តស្វាយរៀង បានប្រកាសអត្តសញ្ញាណអ្នកវិជ្ជមានកូវីដ១៩ ថ្មី ចំនួន៦៥នាក់ (ស្រី៤៤នាក់) ក្នុងនោះមានកកម្មករ-កម្មការិនីរោងចក្រចំនួន៤២នាក់ អ្នកប៉ះពាល់ផ្ទាល់ជាមួយអ្នកកូវីដ១៩ ចំនួន
ខេត្តស្វាយរៀង ៖ រដ្ឋបាលខេត្តស្វាយរៀង បានប្រកាសអត្តសញ្ញាណអ្នកវិជ្ជមានកូវីដ១៩ ថ្មី ចំនួន៦៥នាក់ (ស្រី៤៤នាក់) ក្នុងនោះមានកកម្មករ-កម្មការិនីរោងចក្រចំនួន៤២នាក់ អ្នកប៉ះពាល់ផ្ទាល់ជាមួយអ្នកកូវីដ១៩ ចំនួន២២នាក់ (វិជ្ជមានកូវីដ១៩), ករណីស្លា.ប់ថ្មីម្នាក់ គឺស្ត្រីវ័យ៤២ឆ្នាំស្លា.ប់នៅក្នុងផ្ទះ និងអ្នកពាក់ព័ន្ធផ្ទាល់ចំនួន២៣នាក់ រួមទាំងករណីជាសះស្បើយចំនួន៦៨នាក់ (ស្រី២៥នាក់) នេះបើតាមតាមសេចក្ដីជូនព័ត៌មានរបស់ក្រសួងសុខាភិបាលថ្ងៃទី២១ ខែមិថុនា ឆ្នាំ២០២១ ។
ហើយចំពោះអ្នកវិជ្ជមានកូវីដ១៩ ចំនួន៦៤នាក់ខាងលើត្រូវបានបញ្ជូនទៅសម្រាកព្យាបាលនៅមន្ទីរពេទ្យស្រុកស្វាយជ្រំ ចំនួន១៧នាក់, បញ្ជូនទៅមន្ទីរពេទ្យបង្អែកសាមគ្គីរំដួល០៨នាក់ និងបញ្ជូនទៅមជ្ឈមណ្ឌលព្យាបាលកូវីដ១៩ ក្រុងបាវិត ចំនួន៣៩នាក់។
រដ្ឋបាលខេត្ត សូមអំពាវនាវដល់បងប្អូនប្រជាពលរដ្ឋ កម្មករ កម្មការិនី ដែលពាក់ព័ន្ធជាមួយអ្នកជំងឺកូវីដ១៩ ចូលរួមប្រុងប្រយត្ន័ដើម្បីទប់ស្កាត់ការឆ្លងរីករាលដាលកូវីដ១៩ ទៅសហគមន៍ ។ ហើយរដ្ឋបាលស្វាយរៀង ក៏សូមអំពាវនាវដល់បងប្អូនប្រជាពលរដ្ឋដែលពាក់ព័ន្ធជាមួយអ្នកជំងឺកូវីដ-១៩ ខាងលើ ដោយប៉ះពាល់ផ្ទាល់ និងប្រយោល សូមធ្វើចត្តាឡីស័កតាមដានសុខភាព អនុវត្តតាមវិធានការណែនាំរបស់ក្រសួងសុខាភិបាល និងវិធានការ «៣ការពារ ៣កុំ» របស់សម្ដេចតេជោ ហ៊ុន សែន។
ប្រសិនបើមានរោគសញ្ញាដូចជា ៖ គ្រុនក្ដៅ, ក្អក, កណ្ដាស់, ឈឺបំពង់.ក ឬដកដង្ហើមខ្លីៗ ឬសង្ស័យ សូមមេត្តាប្រញាប់ទៅធ្វើតេស្តរកមេរោគកូវីដ១៩ ដែលមានទីតាំងនៅជិតផ្ទះ ឬផ្ដល់ព័ត៌មានទៅអាជ្ញាធរមូលដ្ឋាន ឬទៅយកវត្ថុវិភាគសំណាកនៅប៉ុស្ដិ៍យកសំណាកដែលនៅជិតផ្ទះ ឬទំនាក់ទំនងមកក្រុមការងារស្រាវជ្រាវ និងតាមដានបុគ្គលសង្ស័យថា មានផ្ទុកជំងឺកូវីដ១៩ តាមរយៈលេខទូរស័ព្ទ 044 712 522 ឬ 097 503 4567 ដើម្បីមានវិធានការណ៍បន្ត។
សម្រាប់អ្នកដែលគ្មានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល១៤ថ្ងៃសិន ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ។
គួរបញ្ជាក់ថា គិតត្រឹមថ្ងៃទី២០ មិថុនា ២០២១ ខេត្តស្វាយរៀង មានអ្នកវិជ្ជមានកូវីដ១៩សរុប១,៥៧០នាក់ ស្រី៩១២នាក់ ជាសះស្បើយសរុប១០៧៦នាក់ ស្រី៦០៦នាក់ កំពុងសម្រាកព្យាបាលចំនួន៤៨៣នាក់ ស្រី៣០៣នាក់ និងករណីស្លា.ប់កើនឡើង១១នាក់ ស្រី០៤នាក់។ សូមមើលសេចក្តីប្រកាសលម្អិតនៅខាងក្រោម ៖
ចែករំលែកព័តមាននេះ