ខេត្តកំពង់ឆ្នាំង ៖ ដីព្រៃឈើតាមជើងភ្នំក្នុងដែនជម្រកសត្វព្រៃភ្នំឱរ៉ាល់ប្រមាណជាង២០ហិកតា នៅក្នុងភូមិសាស្ត្រភូមិខ្វិតទួលឃ្លាំង ឃុំក្បាល ទឹកស្រុកទឹកផុសត្រូវបានជនល្មើសលួចឈូសឆាយទន្ទ្រានហ៊ុំព័ទ្ធរបងធ្វើជាកម្មសិទ្ធិក្នុងពេលថ្មីៗនេះ ។ ក្រោយទទួលបានព័ត៌មានពីប្រជា ពលរដ្ឋថា មានគេឈូសយកដីព្រៃតាមជើងភ្នំនៅក្នុងតំបន់ខាងលើទាំងយប់ទាំងថ្ងៃ…
ខេត្តកំពង់ឆ្នាំង ៖ ដីព្រៃឈើតាមជើងភ្នំក្នុងដែនជម្រកសត្វព្រៃភ្នំឱរ៉ាល់ប្រមាណជាង២០ហិកតា នៅក្នុងភូមិសាស្ត្រភូមិខ្វិតទួលឃ្លាំង ឃុំក្បាល ទឹកស្រុកទឹកផុសត្រូវបានជនល្មើសលួចឈូសឆាយទន្ទ្រានហ៊ុំព័ទ្ធរបងធ្វើជាកម្មសិទ្ធិក្នុងពេលថ្មីៗនេះ ។
ក្រោយទទួលបានព័ត៌មានពីប្រជា ពលរដ្ឋថា មានគេឈូសយកដីព្រៃតាមជើងភ្នំនៅក្នុងតំបន់ខាងលើទាំងយប់ទាំងថ្ងៃ ក្រុមអ្នកយកព័ត៌ មានយើងក៏បានធ្វើការបង្ហោះដ្រូនថតយកទីតាំង បទល្មើសខាងលើនេះមាន២កន្លែង ដែលក្នុង១កន្លែ ងៗត្រូវគេឈូសអស់ជាង ១០ ហិកតា សរុបទាំង២កន្លែងប្រមាណជាង ២០ ហិកតា ។ ជាមួយគ្នានេះដែរ យើងក៏ថតបានសកម្មភាពរបស់ត្រាក់ទ័រ១គ្រឿងកំពុងឈូសឆាយព្រៃជើងភ្នំនៅក្នុងទីតាំងខាងលើនេះផងដែរ ។
ទាក់ទងនឹងបទល្មើសខាងលើនេះ លោក ណុប សុភ័ក្ត មន្ត្រីការពារដែ នជម្រកសត្វព្រៃភ្នំឱរ៉ាល់បានបញ្ជា ក់តាមទូរស័ព្ទនៅព្រឹកថ្ងៃទី ២០ ខែ មិថុនា ឆ្នាំ២០២១នេះថា កាលពី៣ ថ្ងៃមុនលោកក៏បានចុះ ទៅចុចនិយា មការលើទីតាំងបទល្មើសខាងលើនេះរួចហើយ និងក៏បានធ្វើរបាយ ការណ៍ដាក់ជូនទៅលោកអនុប្រធា នមន្ទីរទទួលបន្ទុកដែនជម្រកសត្វ ព្រៃភ្នំឱរាល់រួចហើយផងដែរ ដើម្បីមានវិធាការតាមច្បាប់ ។
ឆ្លើយតបជាមួយក្រុមអ្នកយកព័ត៌ មានយើង លោក ឡេង សំអេត អនុ ប្រធានមន្ទីរបរិស្ថានខេត្តកំពង់ឆ្នាំងទទួលបន្ទុកដែនជម្រកសត្វព្រៃភ្នំឱរ៉ាល់ បានបញ្ជាក់តាមទូរស័ព្ទនៅព្រឹក ថ្ងៃទី២០ ខែមិថុនានេះថា បទ ល្មើសក្នុងដែនខាងលើនេះលោកទទួលបានរបាយការណ៍ពីមន្ត្រីលោករួចហើយ និងក៏បានកំណត់មុខសញ្ញាជនសង្ស័យរួចហើយផងដែរ គឺត្រូវចំណាត់ការតាមនិតិវិធីច្បា ប់នៅក្នុងសប្តាហ៍ក្រោយនេះដោយ មិនលើកលែងនោះឡើយ ។
ទាក់ទងនឹងបទល្មើសនេះដែរលោកសូត្រសង់ អភិបាលស្រុកទឹកផុសបានបញ្ជាក់ថា កាលណាធ្វើខុសពីដីមានប័ណ្ណគឺខុសច្បាប់ហើយ បើលើដីដែនដែនជម្រកសត្វព្រៃនោះ គឺពិតជាមិនយោគយល់ឡើយ ទាំងជំនាញ និងអាជ្ញាធរត្រូវតែចាត់វិធា នការហើយ ៕
ចែករំលែកព័តមាននេះ