ជាងផ្សារដែកធ្វើរោងកម្មករ ក្លាយជាអគ្គិភ័យឆាបឆេះផ្អើ.ល
- ភ្នំពេញ
រាជធានីភ្នំពេញ ៖ រោងស្នាក់នៅរបស់កម្មករមួយកន្លែង ត្រូវបានអគ្គីភ័យឆាបឆេះអស់ទាំងព្រឹក ខណៈពេលដែលជាងផ្សារដែក
រាជធានីភ្នំពេញ ៖ រោងស្នាក់នៅរបស់កម្មករមួយកន្លែង ត្រូវបានអគ្គីភ័យឆាបឆេះអស់ទាំងព្រឹក ខណៈពេលដែលជាងផ្សារដែក ជ្រុះផ្កាភ្លើងឆាបឆេះក្លាយជាអគ្គីភ័យ ។
ហេតុការណ៍ខាងលើនេះបង្កអោយមានការភ្ញាក់ផ្អើលកាលពីវេលាម៉ោងប្រមាណ៧និង៣០នាទីព្រឹកថ្ងៃទី២១ ខែមិថុនា ឆ្នាំ២០២១ ស្ថិតនៅតាមបណ្ដោយផ្លូវលេខ ៥៨២ ក្នុងភូមិរោងចក្រ សង្កាត់គោកឃ្លាង ខណ្ឌសែនសុខ រាជធានីភ្នំពេញ។
ម្ចាស់ផ្ទះរោងកម្មករដែលត្រូវភ្លើងឆេះឈ្មោះទេព សៅសុភក្ត្រា ភេទប្រុស អាយ៣៣ឆ្នាំ ជាប្រធានក្រុមហ៊ុនសាងសង់។
តាមប្រភពព័ត៌មានបានអោយដឹងថា នៅមុនពេលហេតុ កម្មករផ្សារដែកបានមកផ្សារដែកដំបូលរោងស្នាក់នៅបន្ថែមទៀតសម្រាប់កម្មករស្នាក់នៅ ស្រាប់តែធ្លាក់កំទេចផ្កាភ្លើងក្លាយជាអណ្តាតភ្លើងឆាបឆេះរបស់របរ និងខោអាវ ក្លាយជាអគ្គីភ័យ ឆាបឆេះយ៉ាងសន្ទោសន្ធៅ ។ ភ្លាមៗ បង្កអោយមានការភ្ញាក់ផ្អើលដល់ប្រជាពលរដ្ឋនាំគ្នាជួយពន្លត់ដែរ តែពុំរលត់ឡើយ ហើយ សមត្ថកិច្ច និងអាជ្ញាធរមូលដ្ឋាន ក៍បានទាក់ទងហៅរថយន្តពន្លត់ អគ្គីភ័យចំនួន៣គ្រឿង ទៅអន្តរាគមន៍បាញ់អស់២គ្រឿង ទើបភ្លើងបានរលត់ ពុំបណ្តាលអោយឆេះឆ្លងរាលដាលឡើយ។
តាមនគរបាលអោយដឹងថា រោងស្នាក់នៅចំនួន១០បន្ទប់ត្រូវភ្លើងឆាបឆេះ បណ្តាលឱ្យសម្ភារះ រួមមានខោអាវ ឆ្នាំងបាយ និងម៉ូតូ២គ្រឿង ព្រមទាំងរបស់របរមួយចំនួនទៀត ត្រូវភ្លើងឆេះរងការខូចខាត ។ ទោះបីជាយ៉ាងណា ពុំបណ្តាលអោយមនុស្សណាម្នាក់រងរបួសឡើយ ៕
ចែករំលែកព័តមាននេះ