ខេត្តព្រៃវែង ៖ មកដល់ព្រឹកថ្ងៃទី២១ មិថុនា នេះ សមត្ថកិច្ចវៀតណាមនៅតែបន្តបិទព្រំដែនជាប់ ដោយមិនអនុញ្ញាតអោយបែត្រី និងជនជាតិរបស់ខ្លួន ឆ្លងព្រំដែនចូលទៅក្នុងទឹកដីប្រទេសវៀតណាមទេ ។…
ខេត្តព្រៃវែង ៖ មកដល់ព្រឹកថ្ងៃទី២១ មិថុនា នេះ សមត្ថកិច្ចវៀតណាមនៅតែបន្តបិទព្រំដែនជាប់ ដោយមិនអនុញ្ញាតអោយបែត្រី និងជនជាតិរបស់ខ្លួន ឆ្លងព្រំដែនចូលទៅក្នុងទឹកដីប្រទេសវៀតណាមទេ ។
ប្រភពព័ត៌មានពីសមត្ថកិច្ចព្រំដែនខាងខ្មែរ នៅច្រកទ្វារព្រំដែនអន្តរជាតិកោះរកាបានអោយដឹងថា គិតត្រឹមព្រឹកថ្ងៃទី២១ មិថុនា នេះ នៅក្បែរច្រកទ្វារ មានបែត្រីជនជាតិវៀតណាមចំនួន២៥បែ និងមនុស្សជាង២០០នាក់ ដែលកំពុងរង់ចាំអោយសមត្ថកិច្ចវៀតណាមបើកព្រំដែន ដើម្បីអោយពួកគេ បានត្រឡប់ចូលទៅស្រុកកំណើតវិញ។ ចំណែកនៅក្បែរច្រកទ្វារព្រំដែនអន្តរជាតិក្អមសំណរវិញ ក៏មានបែត្រីជនជាតិវៀតណាមចំនួន១២២បែ និងមនុស្សជាង១០០០នាក់ដែរ ដែលកំពុងរង់ចាំដូចគ្នា។
គេសង្កេតឃើញថា បើទោះបីជាភាគីវៀតណាមបានយកសាឡង់ធំៗរាប់សិបគ្រឿងមកដាក់បិទព្រំដែនក៏ដោយ ប៉ុន្តែគេមិនបានបិទជិតឈឹងទាំងស្រុងនោះទេ ដោយបានបើកចន្លោះសងខាង ដើម្បីអោយកប៉ាល់ដឹកទំនិញផ្សេងៗ រួមទាំងសាឡង់ធំៗបូមខ្សាច់របស់ខ្មែរ អាចដឹកខ្សាច់ចូលទៅលក់ក្នុងដីវៀតណាមបានជាធម្មតា។
មន្ត្រីព្រំដែននិយាយថា សាឡង់ដឹកខ្សាច់ធំៗពេលបូមខ្សាច់ពេញហើយបានដឹកចូលទៅប្រទេសវៀតណាមដោយរលូនអត់មានរាំងស្ទះឡើយរបស់ក្រុមហ៊ុនខ្មែរមួយដ៏មានឥទ្ធិពល ។
ព័ត៌មានបន្ថែមនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ