ក្លិបកំពូលថៃ Ratchaburi បញ្ចូលឈ្មោះតារាល្បី១រូប សម្រាប់ការប្រកួត AFC Champions League
ថៃ ៖ ក្លិបបាល់ទាត់ Ratchaburi នៃលីគកំពូលថៃ កាលពីថ្ងៃទី១៨ ខែមិថុនា ឆ្នាំ២០២១ បានប្រកាសចុះកុងត្រារយៈពេល៦ខែ
ថៃ ៖ ក្លិបបាល់ទាត់ Ratchaburi នៃលីគកំពូលថៃ កាលពីថ្ងៃទី១៨ ខែមិថុនា ឆ្នាំ២០២១ បានប្រកាសចុះកុងត្រារយៈពេល៦ខែ
ថៃ ៖ ក្លិបបាល់ទាត់ Ratchaburi នៃលីគកំពូលថៃ កាលពីថ្ងៃទី១៨ ខែមិថុនា ឆ្នាំ២០២១ បានប្រកាសចុះកុងត្រារយៈពេល៦ខែ ជាមួយតារាសម្តែង និងចម្រៀងដ៏ល្បីឈ្មោះរបស់ថៃ គឺលោក “Tono” Pakin Khamvilaisak ដើម្បីបញ្ចូលឈ្មោះរូបគេ ក្នុងបញ្ជីកីឡាករត្រៀមសម្រាប់ការប្រកួតពានរង្វាន់ AFC Champions League 2021។
ជាមួយវត្តមានតារាសម្តែង និងចម្រៀងប្រុសដ៏ល្បីឈ្មោះវ័យ៣៥ឆ្នាំរូបនេះ បានធ្វើឱ្យមានការភ្ញាក់ផ្អើលយ៉ាងខ្លាំង នៅក្នុងវិស័យបាល់ទាត់ថៃ។ Tono បានចូលរួមហ្វឹកហាត់ជាមួយ Ratchaburi មុនពេលកុងត្រាត្រូវបានប្រកាសជាផ្លូវការ។
បើតាមការបញ្ជាក់ពីក្លិប Ratchaburi បានឱ្យដឹងថា Tono នឹងពាក់អាវលេខ ៩៦ ជាមួយឈ្មោះនៅខាងក្រោយថា «PHAKIN»។ ហើយរូបគេបានត្រៀមខ្លួនរួចហើយ សម្រាប់ការប្រកួតនាពេលដ៏ខ្លីខាងមុខ។
សូមបញ្ជាក់ជូនថា Ratchaburi ស្ថិតក្នុងពូល G ដែលនឹងត្រូវតទល់ជាមួយក្លិប Pohang Steelers (កូរ៉េខាងត្បូង), Nagoya Grampus (ជប៉ុន) និងក្លិប Johor Darul Ta’zim (ម៉ាឡេស៊ី)។ ដោយការប្រកួតនឹងចាប់ផ្តើមនាថ្ងៃទី២២ ខែមិថុនា ឆាប់ៗខាងមុខនេះ៕
ចែករំលែកព័តមាននេះ