ខេត្តឧត្តរមានជ័យ៖ គ្រាប់មិនទាន់ផ្ទុះ ដែលសេសសល់ កាលពីសម័យសង្គ្រាមស៊ីវិល កប់នៅក្រោមដី ១១៤គ្រាប់ ត្រូវបានប្រជាកសិករ ៣ឃុំ ប្រទះឃើញ ហើយបានរាយការណ៍ដល់សមត្ថកិច្ចប៉ូលិស…
ខេត្តឧត្តរមានជ័យ៖ គ្រាប់មិនទាន់ផ្ទុះ ដែលសេសសល់ កាលពីសម័យសង្គ្រាមស៊ីវិល កប់នៅក្រោមដី ១១៤គ្រាប់ ត្រូវបានប្រជាកសិករ ៣ឃុំ ប្រទះឃើញ ហើយបានរាយការណ៍ដល់សមត្ថកិច្ចប៉ូលិស កាលពីថ្ងៃទី១៦ ខែមិថុនា ឆ្នាំ២០២១។
របាយការណ៍សមត្ថកិច្ច បានឱ្យដឹងថា ប្រជាពលរដ្ឋ ៣នាក់ ជាកសិកររស់ក្នុងឃុំបេង បានភ្ជួរាស់ដីស្រែចំការប្រទះឃើញ ៨៥គ្រាប់ ឃុំគោកខ្ពស់ ២៦គ្រាប់ ឃុំគោកមន ៣គ្រាប់ ជាប្រភេទគ្រាប់ធុន ៨០មីលីម៉ែត្រ រួមនឹងគ្រាប់មីនផងដែរ។
ក្រោយពីបានទទួលព័ត៌មានរាយការណ៍ពីប្រជាកសិកររួច កម្លាំងមន្ត្រីនគរបាល នៃស្នងការដ្ឋាននគរបាលខេត្តឧត្តរមានជ័យ បានចុះទៅពិនិត្យដល់កន្លែងទីតាំងគ្រាប់ និងសន្និដ្ឋានថា ជាគ្រាប់សេសសល់ពីសម័យកាលសង្គ្រាមស៊ីវិល។
បន្ទាប់ពីបានពិនិត្យ និងធ្វើការសនិដ្ឋានរួចរាល់ កម្លាំងសមត្ថកិច្ចនៃស្នងការ
ដ្ឋាននគបាលខេត្តឧត្តរមានជ័យ បានប្រគល់គ្រាប់យុទ្ធភ័ណ្ឌ មិនទាន់ផ្ទុះទាំងនោះ ទៅឱ្យអង្គភាពហេឡូត្រាស (HALO) យកទៅកម្ទេចចោល នៅកន្លែងដែលមានសុវត្តិភាពរួចរាល់អស់ហើយ។
ប៉ូលិស បានបញ្ជាក់ផងដែរថា សំណល់គ្រឿងយុទ្ធភ័ណ្ឌមិនទាន់ផ្ទុះ ដែលសេសសល់ កាលពីសម័យ សង្គ្រាម នៅមានច្រើន កប់នៅក្នុងដី ខណៈខេត្តនេះ ទើបបញ្ចប់សង្គ្រាមជាចុងក្រោយបង្អស់ នៅក្នុងឆ្នាំ១៩៩៨។ ប្រជាពលរដ្ឋនៅតាមតំបន់ដាច់ស្រយាលនេះ ងាយរងគ្រោះថា្នក់ ពិសេសក្មេងតូចៗ៕ ឱម សារឿន
ចែករំលែកព័តមាននេះ