វីរុសកូវីដ១៩ បំប្លែងថ្មី កំពុងតែវាយលុកខ្លាំងនៅទីក្រុងមួយ ក្នុងប្រទេសរុស្ស៊ី
អ្នកឆ្លងវីរុសថ្មីដល់៧.៧០៤នាក់ ដែលជាចំនួនច្រើនកំពូលមួយប្រចាំថ្ងៃ ក្នុងប្រទេសរុស្ស៊ីនេះ
អ្នកឆ្លងវីរុសថ្មីដល់៧.៧០៤នាក់ ដែលជាចំនួនច្រើនកំពូលមួយប្រចាំថ្ងៃ ក្នុងប្រទេសរុស្ស៊ីនេះ
ប្រទេសរុស្សុី ៖ អភិបាលក្រុងមូស្គូថ្លែងកាលពីថ្ងៃទី១៧ ខែមិថុនា ឆ្នាំ២០២១ថា ក្រុងមូស្ គូកំពុងតែប្រឈមមុខចំពោះវីរុសកូវីដ-១៩ បំប្លែងខ្លួនថ្មី ដែលកាច និងឆ្លងសាហាវបំផុត ខណៈរដ្ឋធានីរុស្ស៊ីនោះកំពុងតែជួបប្រទះសភាពការណ៍សុខាភិបាលដែលធ្លាក់ដុន
ដាបយ៉ាងលឿន ។
កាលពីថ្ងៃទី១៣ មិថុនាកន្លងទៅនេះក្រុងមូស្គូ កត់សម្គាល់ឃើញ អ្នកឆ្លងវីរុសថ្មីដល់៧.៧០៤នាក់ ដែលជាចំនួនច្រើនកំពូលមួយប្រចាំថ្ងៃ ចាប់តាំងពីថ្ងៃទី២៤ ខែធ្នូ ឆ្នាំ២០២០មក ហើយចំនួនអ្នកឆ្លងថ្មីនៅតែខ្ពស់ក្នុងសប្ដាហ៍នេះ ។ អភិបាលក្រុងមូស្គូលោកស័រហ្គេយសូប៊ីយ៉ានីននិយាយថា ចំនួនអ្នកឆ្លងថ្មីអាចមានដល់លើសពី៩.០០០នាក់នាថ្ងៃទី១៨ មិថុនា ដែលនោះជាចំនួនអ្នកឆ្លងខ្ពស់កំពូលមួយនៅក្រុងមូស្គូ តាំងពីមានការឆ្លងមក ។ រហូតមកដល់ដើមខែមិថុនាចំនួនអ្នកឆ្លងវីរុសប្រចាំថ្ងៃនៅក្រុងមូស្គូស្ថិតក្នុង
ខ្ទង់ក្រោម៣.០០០នាក់រយៈពេលជាច្រើនខែ ។
ទីភ្នាក់ងារព័ត៌មានរុស្ស៊ី RIA បានដកស្រង់សម្ដីអភិបាលក្រុងមូស្គូថា វីរុសបំប្លែងថ្មីមកដល់ហើយ វាជាវីរុសដែលសកម្មបំផុតនិងកាចបំផុត និងបើឆ្លងពិបាកក្នុងការព្យាបាលនិងឆ្លងលឿនបំផុត ។ លោកអះអាងបែបនេះក្នុងកិច្ចប្រជុំមួយជាមួយបណ្ដាម្ចាស់ភោជនីយដ្ឋានក្រុងមូស្គូ ។
ចំណែកក្នុងសេចក្ដីថ្លែងការណ៍ដោយឡែកនាឱកាសកិច្ចប្រជុំរបស់រដ្ឋាភិបាលផ្សាយតាមទូរទស្សន៍ លោកស័រហ្គេយសូប៊ីយ៉ានីនលើកឡើងថា ក្រុងមូស្គូត្រៀមបង្កើនចំនួនគ្រែនៅតាមមន្ទីរពេទ្យ សម្រាប់ទទួលអ្នកជំងឹកូវីដដែលនឹងហូរចូលច្រើន ។ លោកបន្តថាពេលនេះយើងមានគ្រែគ្រប់គ្រាន់ហើយ ។ អភិបាលក្រុងរូបនោះមិនទាន់បញ្ជាក់ពិវីរុសបំប្លែងខ្លួនថ្មីនោះជាប្រភេទអ្វីនៅឡើយ ។ លោកក៏មិនអះអាងពីការរិតត្បិតថ្មីៗខាងសុខាភិបាលដែរ តែលោកមិនបដិសេធឡើយការរិតត្បិតរយៈពេលខ្លី ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ