បែត្រីជនជាតិវៀតណាមជាង២០បែ បុកទម្លុះព្រំដែន ត្រូវសមត្ថកិច្ចវៀតណាមចាប់អូសមកដាក់នៅដីខ្មែរវិញ
- ព្រៃវែង
ខេត្តព្រៃវែង ៖ តាមប្រភពពត៌មានពីច្រកទ្វាព្រំដែនអន្តរជាតិកោះរកាបានអោយដឹងថា កាលពីវេលាម៉ោង៦ព្រឹកថ្ងៃទី១៦ មិថុនា
ខេត្តព្រៃវែង ៖ តាមប្រភពពត៌មានពីច្រកទ្វាព្រំដែនអន្តរជាតិកោះរកាបានអោយដឹងថា កាលពីវេលាម៉ោង៦ព្រឹកថ្ងៃទី១៦ មិថុនា
ខេត្តព្រៃវែង ៖ តាមប្រភពពត៌មានពីច្រកទ្វាព្រំដែនអន្តរជាតិកោះរកាបានអោយដឹងថា កាលពីវេលាម៉ោង៦ព្រឹកថ្ងៃទី១៦ មិថុនា សមត្ថកិច្ចព្រំដែនប្រទេសវៀតណាម បានចាប់ឃាត់បែត្រីបណ្តែតទឹករបស់ជនជាតិខ្លួនចំនួន២៣បែរ ដែលបានបុកទម្លុះព្រំដែន ឆ្លងចូលទៅក្នុងទឹកដីប្រទេសវៀតណាម ហើយបានអូសយកបែត្រីទាំងអស់នោះ មកដាក់នៅខាងដីខ្មែរវិញភ្លាមៗផងដែរ ដោយបដិសេធមិនអនុញ្ញាតិអោយបែត្រីទាំងនោះ ចូលក្នុងដីវៀតណាមឡើយ ទោះបីមនុស្សនៅលើបែត្រីនោះ សុទ្ធតែជាជនជាតិវៀតណាមក៏ដោយ។
សមត្ថកិច្ចប្រចាំនៅច្រកទ្វាព្រំដែនកោះរកា បានអោយដឹងថា បែត្រីទាំង២៣បែនោះ គឺជាក្រុមថ្មីដែលបានបណ្តែតខ្លួនតាមផ្ទៃទឹក ចេញពីតំបន់ច្បារអំពៅ ហើយទើបមកដល់ព្រំដែននៅព្រឹកថ្ងៃទី១៦មិថុនានេះ ហើយពេលមកដល់ពួកគេមិនបានចូលអែបច្រាំងទេ គឹបានបណ្តោយខ្លួនអោយហូរតាមទឹក រហូតឆ្លងព្រំដែនចូលទៅខាងដីវៀតណាម ទើបត្រូវសមត្ថកិច្ចខាងវៀតណាម ចេញស្ទាក់ចាប់អូសយកមកដាក់នៅខាងដីខ្មែរវិញភ្លាមៗតែម្តង។
តាមប្រភពដដែលនេះបានបន្តទៀតថា បច្ចុប្បន្នបែត្រីទាំង២៣បែនេះ ត្រូវបានដាក់អោយនៅអែបច្រាំងត្រង់ចំណុចខាងក្រោយកាស៊ីណូកោះរកា ហើយតាមការពិនិត្យមើលជាក់ស្តែងហើយថា នៅលើបែត្រីទាំងនោះ មានមនុស្សទាំងក្មេងទាំងចាស់សរុបជាង១០០នាក់ និងមានទូកតូចៗនៅអមជាង៧០ទូកផងដែរ។ ក្រោយពីពិនិត្យរួច សមត្ថកិច្ចបានធ្វើការណែនាំពួកគេអោយនៅមួយកន្លែង ហាមឡើងគោក ហើយបើមានបញ្ហាអ្វីអោយទាក់ទងទៅខាងសមាគមវៀតណាម ប្រចាំនៅស្រុកពាមជរ ដើម្បីអោយគេជួយដោះស្រាយ។
ចំណែកលោក សេង ធា អភិបាលស្រុកពាមជរ បានអោយដឹងនៅរសៀលថ្ងៃទី១៧ មិថុនានេះថា នៅចំពោះមុខគឺអាជ្ញាធរស្រុក ពុំមានសមត្ថកិច្ចអ្វីត្រូវអាចចាត់ចែងដោះស្រាយចំពោះក្រុមជនអន្តោប្រវេសន៌ទាំងនេះទេ គឺបានត្រឹមតែណែនាំពួកគេ មិនអោយចាកចេញពីទូកឡើងមកលើគោកប៉ុណ្ណោះ ក្រៅពីនេះគឺរង់ចាំចំណាត់ការពីថ្នាក់លើមកវិញ។
ដោយឡែក ប្រភពពត៌មានពីសមត្ថកិច្ចនៅស្រុកលើកដែក ខេត្តកណ្តាលឯណោះវិញ ក៏បានអោដឹងដែរថា ក្រុមជនជាតិវៀតណាម ដែលបានបណ្តែតបែត្រីរបស់ខ្លួនចុះមកចត នៅមាត់ច្រាំងត្រង់ចំណុចឃុំខ្ពបអាទាវ កាលពីប៉ុន្មានថ្ងៃមុននោះ ពេលនេះពួកគេបានរំកិលខ្លួន ចុះមកកាន់តែជិតព្រំដែនក្អមសំណរហើយ គឺមកដល់ចំណុចស្ពានទី៣៨ ស្ថិតក្នុងឃុំក្អមសំណរ ស្រុកលើកដែក ខេត្តកណ្តាល។ ក្រុមនេះមានបែត្រីសរុបចំនួន១២២បែ និងមានមនុស្សប្រមាណជា១០០០នាក់ ហើយប៉ុន្មានថ្ងៃមកនេះ គឺមានខាងសមាគមវៀតណាម ជាអ្នកជួយដោះស្រាយបញ្ហាស្បៀងអាហារជារៀងរាល់ថ្ងៃ។
ទោះជាយ៉ាងណាក៏ដោយ រហូតមកដល់ពេលនេះ គេនៅមិនទាន់ឃើញមានចំណាត់ការច្បាស់លាស់ណាមួយ ពីខាងអាជ្ញាធរខ្មែរ ចំពោះក្រុមជនអន្តោប្រវេសន៌វៀតណាម ទាំងអស់នេះនៅឡើយទេ ទាំងខេត្តព្រៃវែង និងខេត្តកណ្តាល អាជ្ញាធរបានត្រឹមតែនិយាយថា រងចាំចំណាត់ការថ្នាក់លើ នៅខណៈពេលដែលក្រុមជនជាតិវៀតណាមទាំងអស់នោះ មានចេតនាហាក់ចង់ឆ្លងដែនចូលទៅប្រទេសខ្លួនវិញជាខ្លាំង ប៉ុន្តែខាងអាជ្ញាធរនិងសមត្ថកិច្ចវៀតណាមមិនទទួល៕
ចែករំលែកព័តមាននេះ