ព្រហ្មវិហារធម៌របស់មាតាបិតាដែលមានចំពោះកូនប្រុសស្រីគ្រប់រូប គឺជាជម្រកដ៏សែនសុខសាន្ត គ្មានជម្រកណាល្អប្រសើរស្មើនឹងជម្រកនេះឡើយ ។
ឪពុកម្តាយតែងតែផ្តល់ជម្រកដ៏សែនសុខអស្ចារ្យនេះដល់កូនដោយមិនប្រកាន់មើលមុខកូនថា កូននេះល្អ ជាទីស្រឡាញ់ពេញចិត្តរបស់អញ ដូច្នេះអញត្រូវផ្ត់ល់ជម្រកឱ្យ ។ រីឯកូននេះ អាក្រក់ជាទីសម្អប់ មិនជាទីពេញចិត្ត អញមិនឱ្យវាជ្រកឡើយ។ ការគិតដូច្នេះសូម្បី តែមួយវិនាទី មិនដែលកើតមាននៅក្នុងដួងចិត្តរបស់ឪពុកម្តាយឡើយ ។
ពេលកូនមកនៅជ្រកកោនហើយ ឪពុកម្តាយមិនដែលប្រកែកប្រណាំង ឬហាមឃាត់មិនឱ្យកូនចូលជ្រកទេ មិនតែប៉ុណ្ណោះពួកគាត់បានផ្តល់ជម្រកដល់កូនដោយក្តីសោមនស្សរីករាយជាទីបំផុត ។
សូមកូនទាំងឡាយពិនិត្យមើលនូវជម្រកដ៏ឧត្តមនេះម្តងៗមួយ ត្រួតពិនិត្យហើយ សូមផ្ទៀងផ្ទាត់ថាតើព្រះព្រហ្មនៅឯផ្ទះរបស់យើងមានទឹកចិត្តពិតដូច្នេះមែនឬទេ ? ចំណែកឯយើងជាកូនដែលបានទទួលអំពើល្អវិញត្រូវត្រៀមកាយ ត្រៀមចិត្តយ៉ាងដូចម្តេចខ្លះដើម្បីតបស្នងឱ្យសមទៅនឹងទឹកចិត្តរបស់លោកទាំងពីរនោះ ៕ សាន សារិន
ចែករំលែកព័តមាននេះ