កូវីដ១៩នៅអាមេរិក ចំនួនអ្នកស្លា.ប់មានលើសពី៦សែននាក់ហើយ
មកដល់ថ្ងៃទី១៤មិថុនា ចំនួនអ្នកស្លា.ប់ដោយសារការឆ្លងវីរុសកូវីដ-១៩ នៅសហរដ្ឋអាមេរិក បានកើនដល់លើសពី៦០០.០០០នាក់ហើយ ខណៈក្នុងប្រទេសមហាអំណាចនោះ
មកដល់ថ្ងៃទី១៤មិថុនា ចំនួនអ្នកស្លា.ប់ដោយសារការឆ្លងវីរុសកូវីដ-១៩ នៅសហរដ្ឋអាមេរិក បានកើនដល់លើសពី៦០០.០០០នាក់ហើយ ខណៈក្នុងប្រទេសមហាអំណាចនោះ
សហរដ្ឋអាមេរិក ៖ យោងតាមរ៉យទ័រថា មកដល់ថ្ងៃទី១៤មិថុនា ចំនួនអ្នកស្លា.ប់ដោយសារការឆ្លងវីរុសកូវីដ-១៩ នៅសហរដ្ឋអាមេរិក បានកើនដល់លើសពី៦០០.០០០នាក់ហើយ ខណៈក្នុងប្រទេសមហាអំណាចនោះ សង្វាក់នៃការចាក់វ៉ាក់សាំងបង្ហាញសញ្ញាយឺតយ៉ាវវិញ នាំឲ្យប៉ះពាល់ដល់ទិសដៅ កំណត់ដោយប្រធានាធិបតីលោកចូបៃដិន ។
ទោះបីយ៉ាងណាការសម្រុកចាក់វ៉ាក់សាំងហាក់់ដូចជាជួយទប់បានច្រើនចំនួនអ្នកស្លា.ប់ដោយសារវីរុសនោះ។ មានរយៈពេលដល់១១៣ថ្ងៃដែលនៅសហរដ្ឋអាមេរិក ចំនួនអ្នកស្លា.ប់ដោយសារវីរុសនោះអាចកើនពី៥០០.០០០នាក់ ដល់៦០០.០០០នាក់។ មុននេះត្រឹមរយៈពេលតែ៣៥ថ្ងៃចំនួនអ្នកស្លា.ប់បានឡើងពី៤០០.០០០នាក់ ដល់៥០០.០០០នាក់។
មកទល់ពេលនេះមនុស្សពេញវ័យអាមេរិកប្រមាណជា១៦៦លាននាក់ បានទទួលការចាក់វ៉ាក់សាំងរួច យ៉ាងហោចណាស់ក៏១ដូសដែរ។ នេះជារអះអាងរបស់មជ្ឈមណ្ឌលត្រួតពិនិត្យនិងបង្ការជំងឺអាមេរិកCDC។ ទន្ទឹមនឹងនេះគេកត់សម្គាល់ឃើញការធ្លាក់ចុះនៃចំនួនអ្នកចាក់វ៉ាក់សាំង ចាប់តាំងពីពាក់កណ្ដាលខែមេសាមក។
លោកចូបៃដិន បានកំណត់ទិសដៅ ឲ្យពលរដ្ឋពេញវ័យអាមេរិក ៧០% បានទទួលការចាក់វ៉ាកសាំង ហើយមនុស្ស១៦០លាននាក់បង្ហើយការចាក់វ៉ាក់សាំងរហូតដល់ថ្ងៃទី៤ ខែកក្កដា ជាថ្ងៃបុណ្យជាតិអាមេរិក។
នៅលើពិភពលោកគិតមកដល់ថ្ងៃទី១៤ មិថុនា ចំនួនអ្នកឆ្លងកូវីដកើនដល់ជាង១៧៦លាននាក់ និងស្លា.ប់ជាង៣,៨១លាននាក់។ សហរដ្ឋអាមេរិកនៅតែជាប្រទេសរងការប៉ះពាល់ខ្លាំងជាងគេ ជាមួយអ្នកឆ្លងជាង៣៣,៤លាននាក់ និងស្លា.ប់ជាង៦០០.០០០នាក់។ ឥណ្ឌាចំនួនអ្នកឆ្លងកើនដល់ជាង២៩,៥លាននាក់ អ្នកស្លា.ប់ជាង៣៧៤.០០០នាក់។ ប្រេស៊ីលចំនួនអ្នកឆ្លងឡើងដល់ជាង១៧,៥លាននាក់ ស្លា.ប់ជាង៤៨៨.០០០នាក់។
អ៊ីស្រាអែល លែងចាំបាច់ពាក់ម៉ាស
អ៊ីស្រាអែលប្រកាសកាលពីយប់ថ្ងៃទី១៤ ខែមិថុនា ពីការបញ្ចប់កាតព្វកិច្ចពាក់ម៉ាសនៅទីសាធារណៈកន្លែងបិទជិត។ ការពាក់ម៉ាសនៅតាមកន្លែងបិទជិត ជាវិធានការចុងក្រោយដែលនៅជាធរមានក្នុងប្រទេសអ៊ីស្រាអែល ក្នុងក្របខណ្ឌនៃការតស៊ូប្រឆាំងការឆ្លងរាលដាលនៃជំងឺកូវីដ-១៩។
ក្រសួងសុខាភិបាលអ៊ីស្រាអែល ក្នុងសេចក្ដីប្រកាសមួយនិយាយថា កាតព្វ្កិច្ចពាក់ម៉ាស ត្រូវលុបចោលចាប់ពីថ្ងៃទី១៥មិថុនាទៅ។ អ៊ីស្រាអែលជាប្រទេសសម្រុកចាក់វ៉ាក់សាំងឲ្យពលរដ្ឋខ្លួន បានគ្រប់ដូសជាង៥៥% គឺប្រមាណជាជាង៥លាននាក់ក្នុងចំណោមប្រជាជន៩,៣លាននាក់៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ